کۆڵبەرێو مەرد و چوار کۆڵبەرێ تەرێچ بریندارێ بیێ
بە کەوتەیرەواریوە کەشۆ سەرو سنوورو بەینو وەرکەوت و پانیشتو کوردستانینە، کۆڵبەرێو مەرد و چواری تەریچ بریندارێ بیێ.
بەپاو هەواڵێوی کۆڵبەر نیوزی، ئارۆ پەنج شەممە پەنج کۆڵبەرێ کەشێوە سەرو سنوورو بەینوو وەرکەوت و پانیشتو کوردسانینە کەشوو تەتەو هەورامانینە کەوتێنێرە وار و یۆشا بە نامێ شۆڕش شوکریی خەڵکوو دەگاو ئاڵمانەو مەریوانیوە مەردەن.
چوار کۆڵبەرەکێ تەرێچ دیکە بەسەختی بریندارێ بیێنێ و فراگوزاریی نۆدشەی فاڕێنێ پەی خەسەخانەی.
ساڵەی ویەردێ کوردی/هەتاویینە لاو کەمیوە ٤٤ کۆڵبەرێ مەردێنێ و نزیکەو ٤٠٠ کۆڵبەرایچ بریندارێ بیێنێ، کە فرێشا هێزەکاو دەوڵەتو ئێرانی کەردێنێ ئامانج و بەشێوەشا یشیان بە کەوتەیرەواری بەرزاییوە، تەقایۆ مینی، رەقبییەیۆ بیێنێ قوربانی.
