دەستەو فەرمانڎەیی هەپەگەی ئەرەیاوناش، "ساڵەو ٢٠٢٢ جە تاریخوو گەلەکەیمانە بی بە ساڵۍ دژوارە و وەرفراوانەو جەنگی. وەروو ئانەی پراتیکوو شەجەنگوو ٢٠٢٢ بەقووڵی ور سەنگیۊ، تاکتیکەکاو سەرکەوتەی بە بە ئارڎەینەرانە دەسنیشانۍ کریا، کەموکوڵی و ئا قۊرتا جە بەیاگەیاونای جەنگوو گەلی شۊڕشگێڵنی مەیا ئاراوە و پەی ناستەی ئا قۊرتا، سەروو بنەماو ئا پێرسپێکتیڤا پلانەو کۊشیای ساڵۍ دماتەرۍ دواتر دیارییە کریۊ، ئێمە کۊبییەیۊ ئاسایی ساڵانەو کۊمیتەو وەرگێریی پەکەکەی و دەسەو فەرمانڎەیی هەپەگەیما، بەینوو ٢٠-٢٧وو شوباتوو٢٠٢٣ بە بەشداریی ژمارۍ پێویسی جە ئەنداماو ئەنجوومەنەکەی جە نوێنەراو فەرمانڎەیی ئەرەمەرزیان، ئەیالەت، مەیدان، کارگێڵنی ساز کەرد".

جە درێژەو ئەرەیاوناکەو دەسەو فەرمانڎەیی هەپەگەینە ئامان:

"کۊبییەیۊکەیما جە دۊخۍ چانەینە ساز کریا، کە بوومەلەرزەو ششوو شوباتوو بازارجخی و ئەلبیستانی بابەتوو ڕۊی بێنۍ، بەقووڵی هەست بە ئازارەکاو گەلەکەیما کریا. بابەتێوە کۊبییەیۊکەیما ورسەنگنای ئا بوومەلەرزەیە بۍ. پێسە مزانیۊ، جمیەرەکەما بۊنەو جەنەکەوتەیە دژوارەکاو بوومەلەرزەکەیۊ، پێسە هەڵوێسێوە ئەخلاقی، مرۊیی و کۊمەڵایەتی قەراروو مردنای چالاکییەکاو جە ١٠و شوباتینە ئەریاونا. ئێمە پیسە هەپەگەی ڕاستەوخۊ پەشتگیریی قەرارەکەیما کەرد. وەلێم دەوڵەتوو تورکی کە دوورا جە هەستە مرۊییەکا، ئا هەڵوێسە ئەخلاقییەو ئێمە و ڕێزوو ئێمە پەی ئا کەسامانە کە گیانشا جەدەس دان، بە نەوینیا نیارە و درێژەش بە هجوومەکاش دا. وەلۍ ئا هەڵوێسە بەپرەنسیپەما کە جە چوارچووەو ورسوونیشتوو ڕابەرایەتیما و پارتەکەیما چەنی گەلی و پیمەرە ئەخلاقییەکاما گیریارە وەر، هەڵایچ درێژەش هەن. سەروو نامۍ پێکئامایەکاو کۊبییەیۊ دەسەو فەرمانڎەیی ئێمە سەرەوەشیی چا بنەیانا کەسوکارشا جە بوومەلەرزەکانە مەرڎۍ، جە تەماموو گەلاو کوردی، تورکی و عەرەبی کەرمۍ و هومێدوو خاسبییەیۊ پەی بریندارا وازمۍ. ئێمە داوا جە گەلەکەیما و هێزە دیموکراتیکەکا، کەرمۍ کە هامکارییەکا زیادتەرۍ و فرەتەرۍ کەرا.

ساڵی ٢٠٢٢ مۊرەو وێش وەنەو تاریخوو ئازاڎی دا

وەختۍ چانەنە، کە کۊشیای ئازاڎیما بە قۊناغێوە تاریخی و ستراتیژیکرە ملۊ، ئێمە کوۍ بیەیمۍ و ساڵەو کۊشیای ٢٠٢٢ما بە وەرفراوانی تاوتۊ کەرد. چی قۊناغە گرنگەنە کە ساڵێوە مدرامان و کۊشیای گەورە بۍ، سەروو بنەماو ئانەی دەرس چا قۊناغە گرنگەیە ور گیریۊ، ناستەی کەموکوڵییەکا بواروو ئانەیش ڕەخسنان، کە دوورنماو تاکتیکیما کە ڕاسی و دروسی بەکرڎەوە سەلەمیان، سەرکەوتانە جابەجا کریا. خەتەو تاکتیکیما کە تا ئیساتۍ بە تیۊری گوزارشتش چەنە کریۍ، جە ساڵەو ٢٠٢٢ێنە بەکرڎەوە ڕاسییەکەش سەلەمیا. سەروو بنەماو ئا دەرسا جە ساڵەو ٢٠٢٢ ور گیریۍ، بناغە و کۊڵەکەکاو پراتیکی و دوورنما و پێرسپێکتیڤوو سەروستەی ساڵەو ٢٠٢٣ ڕۊشن بییۊ. کۊبییەیۊکەیما کە بە کاریگەریی گیانبازاو ئازاڎیما هامڕێما سارا و روکەن، گەشمەرڎاما جە زاپ، ئاڤاشین، مەتینا، جودی، گابار، بەستا، دێرسیم، سەرحەد، گارزان و ئامەد و بەپێویسزانای پراتیکێوە، کە شایەنوو ئادیشا بۊ، ساز کریا، ئانەش دەسنیشان کەرد، کە ساڵەو ٢٠٢٢ بە نموونەو قارەمانیی بێهامتای و بەرزتەرین ئاستوو گیانبازیی پراتیکی، جەنگ مۊرەو وێش جە تاریخوو ئازاڎیی دان.

کۊبییەیۊ کۊمیتەو وەرگێریی پەکەکەی و دەسەو فەرمانڎەیی هەپەگەی، ئانەش دەسنیشان کەرد، کە ئا ساڵۍ ئینایمێشنە، مەبۊ حەرگیز پێسە ساڵۍ ئاسایی نریۊرە، ساڵانێوە هەستیارێنۍ کە پیسە ساڵا مەکریۊ بشناناسیا. بەتایبەتی ئا قۊناغوو جەنگی جە هەرێمەکاو پارێزنای مێدیاینە ئاما ئاراوە، پەی کۊشیای ئازاڎیی کوردسانی و هەم پەی کۊشیای ئازاڎیی گەلا و دۊکتۊرین و تێزوو جەنگوو گەریلای، سەرڎەمێوە تازەش دەس پەنە کەرد. سەلەمیا کە گەریلایەتیی مۊدێرنیتەی دیموکراتیکی بە ستراتیژوو جەنگوو گەلی شۊڕشگێڵنی، وەختێوە تاکتیکەکاو جەنگوو تونێلەکا و تیمە گێڵیەرەکۍ بە شێوێوە ڕاس و کاریگەر جابەجا کەرد، ئا وەختە مەیدانە ئازاڎەکۍ متاویا پارێزیا. ئا دۊخە دلۍ هێزەکاو جەنگەوانا و فەرمانڎەکانە بڕواش بە سەرکەوتەی، بڕوابەوێبییەی و پاگێری سەروو سەرکەوتەی پتەو کەرد. پەوکای ئا ئەنجاما جە هەرێمەکاو پارێزنای مێدیای ئاما ئاراوە پەی دماتەری و دەستەکەوتەکاو گەلەکەیما و پەی گەلاو هەرێمەکا و هێزە وەرهەڵێسکارەکاو سیستەمی، کە گەرەکشانە دژوو هێزە هەژموونوازەکا وێڕاگێری کەرا، ئەنجامی فرە گرنگش شۊنەو وێشرە ئارد. بەبەرجەسەیی ئاشکرا بی، کە جە سەدەو ٢١ینە گەریلا چەنی تاوۊ وەراوەروو تەکنەلۊژیای مۊدێرنوو سەرڎەمی وێڕاگێریی کەرۊ، حەرپاسە وەراوەروو چەکی قەدەغەکریایۊ چەنی تاوا خاکی ئازاڎی پارێزنا.

وێپارێزنای مشۊم جە گرڎ شۊنێنە بەقووەت کریۊ

تایبەتمەندیی 'ستراتیژیی جەنگوو گەلی شۊڕشگێڵنی مشۊم بە شێوێوە گرڎینوو و یۊگێرتانە بریۊ ڕاوە'، یۊ چا بابەتا بۍ، کە جە کۊبیەیۊ ئێمەنە فرەتەرین ورسەنگنای جە بارەشۊ کریا. جەنگوو گەلی شۊڕشگێڵنی هەمان وەختنە بە ماناو ئانەین، کە پیمەرەکاو گلێرگەی ئەخلاقی-سیاسی، پیسە شەپۊلێوە جە بناغەوە دلۍ گەلینە وەڵا کریۊوە. پەوکای خولقنای ڕاسی گەلی جەنگەرانی کۊنسێپتوو کۊکوشیی دوژمنی دلێنە بەرۊ. گەلەکەما مشۊم وەرگێرییکەرڎەیش جە خاکەکەیش لاو وێشۊ، پێسە بابەتێوە شکۊمەندی و بییەی وینیۊ. ئا جەنگە ئارۊ کریۊ ئاسایی نییا، جەنگوو بییەی و ئازاڎیی گەلەکەیمانە. کۊبییەیۊکەما یاوا ئا ئەنجامە، کە مشۊم گەلەکەما پا هۊشیاریوە، ژیوای وێش ڕێک وزۊ، جە حەر یاگێنە بۊ با بۊ، جە وەراوەروو شێوازەکاو جەنگی دەروونی، دوژمن وێپارێزنای جە گرڎ یاگێنە بەقووەت کریۊ.

ئازاڎیی جەسەیی ڕابەرایەتی تاکە پیمانەو سەرکەوتەین

پەی ئازاڎیی گەلەکەیما ئێمە قۊناغێوە چانەنە کە چارەنویسسازا. کۊبییەیۊکەیما بە گفتوگۊی قووڵ و وەرفراوانوو ٨ ڕوەی، قەراری تاریخینە کە ئا قەرارۍ پەی سەروستەی ساڵەو ٢٠٢٣ فرە گرنگێنۍ. کۊبییەیۊکەیما جە وەختۍ چانەنە کریا، کە پیلانگێڵی میاننەتەوەیی پاش نیابۍ ٢٥ەمین ساڵەشۊ، ئینە جگە جە ڕەخنەدای کەموکوڵیی جە هامڕایەتیی جارێوە تەروو ئازاڎیی جەسەیی ڕابەرایەتی، پێسە تاکە پیمانەو سەرکەوتەی دەسنیشان کەرد، قەرارش دا  سەروو ئا بنەمێوە، مشۊم مامەڵە چەنی وەرپەرسیارێتییەکا کریۊ.

پێسە فەرمانڎە و جەنگەواناو هەپەگەی و یەژاستاری، بە گیانی فیدایی ئاپۊیی گەشمەردی نەمرێما "سارا گۊیی، ڕوکەن زەلال، باگەر گەڤەر، ئاڤزەم چیا، دەلیل زاگرۊس، مزگین ڕۊناهی، چیاگەر مەلازگرت، ڕووبار ڕۊژهەڵات، ماوا ڕۊژ، نوری یەکتا، هەڵبەست کۊچەرین، باز مۊرڎەم، دۊغان ژیرکی، فەدایی کۊبانۍ، تێکۊشەر ئێزدی، کارکەر، ڕۊژدا، نالین، ڕەحیمە، خەبات، زانا، ئەڤیندار، ئاسۊ، هارون و ڕۊژبووەکێ" پەی مسۊگەرکەرڎەی ئازاڎیی ڕابەری و گەلەکەیما، ئێمە بە حەزێوە گەورەوە، بە ئیرادێوە پتەوۊ، بە بڕوێوە جەبنەنامایۊ، بە ئیرادەو سەرکەوتەی و پاگیریۍ بەرز گنمۍ ڕا. جە ساڵەو ٢٠٢٣ ێنە جە کۊشیای ئازاڎینە سەرکەوتەی پەی هامڕایاما، گەلەکەیما و هێزە دیموکراتیکە شۊڕشگێڵنەکا وازمی".

س.ز