جە ڕۊو ٧٣٩ ھەمینو چالاکی ئێشکگیریی داڎپەروەرینە "فەرید شەنیاشار" قسېش کەرڎۍ و ۋاتس، "دماو ھورچنیای ۋەختۍ دەسەڵاڎ فاڕیا، پا ئېشەی کە بە خەڵکیشا چەشتەن و کرڎەوە خەڵەتەکاشا یاڎشا کریۊۋە".

ئێشکگیریی داڎپەروەری "ئەمینە شەنیاشارە و فەرید شەنیاشار"ی کوڕیش کە ٩و ئادارو ٢٠٢١یۊ دەسشپنە کریان ئینا ڕۊو ٧٣٩ھەمینینە. "فەرید شەنیاشار" ۋەرو دەمو داڎگاو رحاینە قسېش کەرڎۍ و باسش چانەی کەرڎ، کە جە ۋڵاتەکەنە یاسا پاشێل مکریۊ و داڎگا سەربەخۆ و بێلایەن نییا.

شەنیاشار ۋاتش، " نەۋەشخانەو دەوڵەتیەنە کۆکوژی ئەنجامدریا. بە سەڎان شایەتحاڵۍ کۆکوژییەکەی هەنۍ. حەرپاسە دیمەنۍ هەنۍ، بەڵام ئانەی کۆکوژیش کەرڎ ۋەرو ئانەی پەرلەمانتارێۋەن جە پارتی دەسەڵاتڎاری، داڎگا ھەرمانەو ۋێش نەکەرڎە. پا مەڵامەتیچۊ زوڵمو ستەم مکەرۊ".

فەرید شەنیاشار ۋیرش ئاوردۊ کە چنی ئەمینە شەنیاشارۍ ئەڎێش ٢ۍ ساڵېن ۋەربەرەو داڎگاینە ئێشکگیریی داڎپەروەری مکەرۊ و ۋاتش:"ۋەختۍ ئی دەسەڵاتە نەمەن، بە ئېشو، ستەم و کرڎەوە خەڵەتەکاش یاڎش کریۊۋە. سەرانسەری تورکیاینە کرڎەۋۍ نایاسایۍ هەنۍ، بەڵام گەورەتەرین کرڎەۋۍ نایاسایۍ جە کۆشکەو داڎوەرینە پەشتەو سەرەیماوە کریۊ".

شەنیاشار ناڕەزایی  ۋێش جە ۋەران ۋەر بە گېرتەو ٢٣ کەسانە جە پرسوس کە ڕاۋەبەرا هەدەپەیچشا چنەن بەربڕی و ۋاتش، "ئا کردەوە نایاساییەیە شەرمەسار مکەرو. ۋڵاتەکە جە ماۋێۋی نزیکەنە بە پرۊسەو ھورچنیایرە ۋیەرۊنە. دماو پرۊسەو ھورچنیای و ئا ۋەختەی دەسەڵاڎ فاڕیا ئا داڎوەرۍ ئا قەرارەشا دان ۋەر دەمو داڎگېۋی سەربەخۆی و بێلایەنیەنە گنانە ۋەرو ئەرەپەرسای".

ھ.ش