جە ١٤و حوزەیرانوو ساڵەو ٢٠١٨ینە قەومۍ و حیمایەکۍ پەرلەمانتاروو ئاکەپەی جە رحا ئیراهیم خەلیل یەڵدز جە مەنتێقەو پرسوسوو رحاینە هجوومشا کەرد سەروو خانەواڎەو شەنیاشاری، جە هجوومەکەنە پیاکەش  ودووۍ کوڕۍ ئەمینە شەنیاشارۍ کوشیۍ. ئەمینە شەنیاشارە و فەرید شەنیاشاری کوڕش کە جە کۊکوشییەکەنە بە زامڎاری ڕزگارش بی، جە ٩و ئاداروو ٢٠٢١ وەرڎەموو داڎگاو رحاینە دەسشا بە ئێشکگێریی داڎپەروەریی کەرڎ.

خانەواڎەکە جە ڕۊو ٨٠٤ەمینو ئێشکگێریی داڎپەروەرینە وەرو ئانەی بەمەڵامەتو پشودای ئاخرو حەفتەیوە داڎگا وزیابېرە، جە یانەکەو ۋېشانە جە مەنتیقەو پرسوسینە جە رحا درێژەشا بە چالاکیەکەیشا دا.

خانەواڎەکە جە ڕۊو ٨٠٤ەمینو ئێشکگێریی داڎپەروەریشانە سەرو هەژمارەکاشاوە جە تۆڕەکۆمەڵایەتیەکانە ئی پەیامەشا ۋەڵاکەرڎۊ: "ئانەی وەران ۋەر بە ستەمو دەسەڵاتی بێدەنگ بۊ، بە قەناعەتو ئێمە جیاوازیش چنی ستەمکارەکا نییا. جە وەران ۋەرو ئی ستەمینە بێدەنگۍ نەبا، جە کەمتەرین وەختەنە دادپەروەری بەدەسمارا. کۊشیای ئێمە پەی مافی، یاسای و داڎی حەتا چەسپناو داڎپەروەری وەردەوام بۊ".

هـ . ش