سەدان ئەرەنیشتێ شارەکاو دێرک و گرکی لەگی و جلاغانە ناوەندو گەشمەرڎە باوەڕو شارو دێرکینە کوێ بیێوە  و سەرەوەشیشا وەنەو بنەیانەو گەشمەرڎە ڤیان هەلۆی (ئیلهام سەعید مۆجیسی)یێ کەرد، کە ٢١ و نیسانو ٢٠٢٤  قەندیلنە گەشمەردێ بییە.

هامسەرۆکەو مەجلیسو بنەیانەو گەشمەرداو دێرکی، فاتمە حوسێنە مەراسیمەکەنە سەرەوەشییش وەنەو بنەیانەو گەشمەردا کەرد و واتش: "ئی بنەیانە پەی دۆزو کوردی سەرو ڕێبازو ڕابەر عەبدوڵا ئۆجالانیوە کۆشیێنێ و هەڵای مکۆشیایچ. ئەداو گەشمەرڎە ڤیانێ، نیشتیمانە، وەڵێ ٢ ساڵێ چیوەڵتەر جە مدراماننە وەراوەرو سوپاو ئەرەگیرکەرەو تورکی گەشمەردێ بییە".

شێخ مەعسوم محەمەد بە نامێ ئەرەمەرزیای ئایینی شارەکەیوە واتش: "گەشمەردێ پەی ئازادی و پەی ئاسایشی و سەلامەتیی خەڵکی گیانو وێشا فیدایی کەرد".

ئاخروو مەراسیمەکەیەنە شناسنامەو گەشمەرڎە ڤیان هەلۆی ونایوە و دریا دەسوو بنەیانەکەیشۆ.