چوارچوەو چالاکییەکاو خەڵکوو کانتۆنوو جزیرەی پەی شەرمەزارکەردەی هجوومەکاو دەوڵەتی ئەرەگیروو تورکی سەروو هەرێمەکەی، ماوەو ٢ ڕوان خەڵکوو مەنتێقەو عامودای چێروو خێمێنە وەردەموو ناوەندوو چاندوو مەنتێقەو عاموداینە چالاکی کەرا.

ئارۆیچ خەڵکوو چاغرلی و ئەرەمەرزیا و کۆمەڵەکاش، کۆنگرەو ستاری، مەجلیسوو مەنتێقەکەی، مامۆسا و ڕۆشنویرا بەشدارێ چالاکییەکەی بێنێ.  

لە خێمەکێنە دروشمەکاو 'مدرامان ژیواین' و 'بژیوۆ مدرامانوو وەرنیشتا' بەرز کریاوە.

هاموەڵاتێوە  مەنتێقەو عامودای بەنامێ محمەد سەعید قسێش کەردێ و واتش: "دەوڵەتی ئەرەگیروو تورکی سەروو قڕکەردەی و تاونایوە گەلا ئەرەمەرزیان، وەروو ئانەیە بەردەوام هجوومێ کەرۆ سەروو هەرێمەکەی و گەلا".

محەمەد سەروو دەسەکەوتەکاو گەلی قسێش کەردێ و واتش: "ئارۆ وەرنیشت ئا دەسکەوت و هەنگامێ کە نیێنێش سەیەو گەشمەردا و تەڤگەروو ئازادییوە دەس ئامێنێ، ئێمە هەمیشە ئی سەرکەوتەی و دەسکەوتا و شۆڕشوو وەرنیشتی پارێزنمێ".

بەنامێ ڕاوەبەرایەتیی مەکتەبەکاو عامودایۆ، هانا خالیدە قسێش کەردێ و واتش کە دەوڵەتوو تورکی بە شێوێوە دوور جە بەها ئەخلاقییەکا هجووموو سەروو هەرێمەکاو سەرنیشت و وەرکەوتی کەرۆ و واتش: "ئامانجوو دەڵەتی ئەرەگیروو تورکی باربەردەی پرۆژەو ئیدارەو وێڕاوەبەری و نەتەوەی دیموکراتیکین".

درێژەو قسەکاشەنە هانا بێدەنگیی هێزە میاننەتەوەیی و ڕێکوزیایەکاو مافوو ئینسانیش وەراوەروو هجوومەکاو دەوڵەتوو تورکی سەروو چێرخانوو هەرێمی شەرمەزارێ کەردێ و واتش: "بێدەنگی و بێهەڵوێستیی هێزە میاننەتەوەیی و ڕێکوزیایەکاو مافوو ئینسانی وەراوەروو هجوومی ئەرەگیرکاری دوورا جە بەها جڤاکی و ئینسانییەکا".