هجوومەکاو سوپای ئەرەگیرکەرەو تورکی پەی سەروو چێرخان و ناوەندەکاو سەرنیشت و وەرکەوتوو سوریای بەردەواما. بەنزینخانەو تربەسپی و بەنداوو دێرکی واوەی کریێوە ئامانجوو هجوومەکا.

دماو هجوومەکا خەڵکوو هەرێموو جەزیرەی مجییرە دلێ مەیدانەکا.

تربەسپی

ئەرەنیشتاو تربەسپی بە کۆنفرانسێوە ڕۆنامەوانی هجوومەکێشا شەرمەزارێ کەردێ، ئەرەیاونایەکە ئەنداموو پەیەدەی، عەبدولرەحیم حەسۆی واناوە.  

حەسۆ تیشکیش وستە سەروو سیاسەتی قێزەونوو دەوڵەتی ئەرەگیرکەروو تورکی، کە پڕۆژەو نەتەوەی دیموکراتیکوو هەرێمەکەی کەرۆ ئامانج و واتش ئامانجوو هجوومەکا فاڕای دیمۆگرافیاو هەرێمەکەی و وەرفراوانکەردەی مەنتێقە ئەرەگیرکریایەکان.

چلاغا

ڕاپیماێوە مەیدانوو غەربوو مەنتێقەکەینە دەسش پەنە کەرد و تا گەڕەکەو گەشمەردە مەعسومی بەردەوام بی. هامسەرۆکوو شارەوانی گەلوو چلاغای و ئەنداموو دەسوەڵێوزوو گەلی، فەیسەڵ حەسەن واتش: "ئێمە درێژە بە کۆشیای و خاوەنداریکەردەی جە فیکروو ڕابەر عەبدوڵا ئۆجالانی مدەیمێ".

دێرک

ڕاپیمایەکە مەیدانوو ئازادی تا بازاڕوو ناوەندی بەردەوام بێ، هامسەرۆکەو شارەوانیی گەلی، جوان حەسەنە تیشکیش وستە سەروو ئیرادەو گەلوو هەرێمەکەی دژوو هجوومەکا و واتش: "ئیرادەو ئا گەلەیە خاوەنداری جە فکر و فەلسەفەو ڕابەر عەبدوڵا ئۆجالانی کەرۆ، مەمەریۆ و ئێمە درێژە بە کۆشیایما مدەیمێ ".

گەرکی لەگی

پەی هەمان مەبەسی ڕاپیمای گەرکی لەگیچنە کریا.  

هامسەرۆکوو مەجلیسوو بنەیانەوگەشمەردا و ئەنداموو دەسوەڵێوزوو گەلی، محەمەد جەمیل ئاماژەش پانەیە کەرد کرد هجوومەکێ مەتاوا ئیرادەیشا ماڕا و کۆشیای فراوانتەر کەرا.

ئەنداموو ڕاوەبەروو هێزەکاو ئاسایشوو دلێ، بەرا فارس خەشۆ داواش وەنەو گەلاو هەرێمەکەی کەرد، پەی وەنەپەرسایۆ جە دەوڵەتی ئەرەگیرکەروو تورکی بەیا دلێ مەیدانەکا.