”خرۆشی نەغمە“ چاپ و وەڵاو کریاوە
دەستگاو پەخشو (زایڵە)ی کتێبو (خرۆشی نەغمە)یش چاپ و وەڵاو کەردەوە کە تایبەتەن بە ڕەهەنەکێ لایەلایەی و شەی کەردەیشان و کاریگەریشان سەرو کۆرپەی و زارۆڵەی بوارە جیاجایکی وەشەویسی.
خرۆشی نەغمە، کتێبێوەن ڕەهەندەکێ لایلایەیش شەی کەردێنێوە و هۆرشسەنگنێنێ و جە میانشەنە هەوڵداریان دەقەکانو لایلایەی جە مەحاڵەکانو کوردەواری بە هەورامی و سۆرانی و لەکی و کەڵهوڕی و ... کۆ بکریانێوە و چەنی پۆلێن کەردەیشان، پێشکەشێ وانەری بکریانێ.
لایەلایت په‌ی كه‌روو به‌شكه‌م تۆ بووسی
چێروو سه‌ره‌كه‌یت ئایه‌ته‌لكورسی
یا خوا تۆ بووسی تا سه‌حبی سه‌حه‌ر
ئیشه‌ڵا سه‌حه‌ر هیچما نارۆ سه‌ر
چه‌مه راسه‌كه‌م هه‌ر په‌ی تۆ فڕیۆ
ئه‌گه‌ر نه‌فڕیۆ بیناویش بڕیۆ
"خرۆشی نەغمە" جە ٦بەشان پێکئامان و ڕۆشناییش وستەن سەرو گۆشێوە جە سامانو فەرهەنگی و کلتوری کوردی.
بەشی یەکەمشەنە، باس جە گرنگی لایەلایەی کریان و جە بواری پەردوەردەیەینە هۆرسەنگنیان.
بەشی دوەمەنە، سەرەڕاو بابەتی پەروەدەیی، باس جە لایەلایەی و پەیوەندی ئەڎێ و کۆپەی کریان و کاریگەری دەنگو ئەڎی جە وەختو لایەلایەنە سەر کۆرپەی و زارۆڵەی بەفراوانی قسێش سەر کریان و جە ئا بوارەنە سود جە سەرچەمە و پەیجۆرە زانستییەکان هۆرگیریان.
بەشی یەرەمش، باس جە دەقەکانو لایلایەی جە ناوچەکێ کوردەوارییەنە مەکەرۆنە و بە شێوازێوی ڕێکوپیک پۆلێن و دەستەبەندی کریێنێ.
لایەلایه‌ت بۆ بكه‌م به‌لانكه‌وه
له‌لای لانكه‌كه‌ت سه‌ر بنێمه‌وه
سڵاو له‌و دایكه لانك له كۆڵه
بۆخۆی ئه‌گه‌ڕێ له‌و چیا و دۆڵه
ڕۆڵە لای لایه ،گیانم لایلایه
خۆزگه ئه‌مزانی بۆ خه‌وت نایه
ڕۆڵە لایلایه باوكت له هه‌رده
ئه‌ویش وه‌كوو تۆ گیرۆده‌ی ده‌رده
بەشی چوارەمەنە، ڕەهەندەکێ وەشەویسی پەی ژیوای، ووڵاتی، زارۆڵەی، کەسوکاری و دڵداری و وەشەویسی ویروباوەڕی قسێ و باسێشان سەر کریێنێ و هاموەخت کاروەدای جەماوەری وەرانوەر بە لایەلایەی وزیان ڕووە. هەرپاسە ڕەنگوەدای لایەلایەی سەرو گۆرانیێ کوردیێ، زاستیانە پەیجۆریش پەی کریان.
جە بەشی پەنجەمەنە، پەیوەندی جەمیانو لایەلایەی و شاعیرانو کوردییەنە چوون: ماموستا قانع، ماموستا هەژار موکریانی، فایەق بێکەس، ئەمین عالی بەردخان، و... ونەشکۆڵیانەوە.
خانه‌قین گیریاس ،مه‌‌نه‌لی وازه
شویه‌گه‌ی دویه‌ته‌گه‌م ها له مه‌غازه
داره‌گه‌ێ وه‌ر ماڵ چل چه‌قوو دێرێ
به‌وشنه خان دویه‌تم ده‌ره‌وان دێرێ
دار بێشكه‌گه‌ی دار خڕنووكه
خوازمه‌نی كه‌ری پاشای كه‌ركووكه
وه‌فدای ده‌مد بام ،ده‌م خوو ده‌م نیه
له نوقڵ و نه‌وات هوچێ كه‌م نییه
زه‌ڕ وه پار ستون سه‌نگ بتاونوو
خه‌ڵات خانان هه‌ر وه وه‌رد بوو
بەشی شەشەمەنە، تایبەتمەندیەکێ لایلایەی جە شێعرێ ئا شاعیرانە وزیێنێ ڕووە و چەنی لایەلایەو ئەڎایانو کوردی بەراوردئ کریێنێ.
.
”خرۆشی نەغمە“ی، بە هەوڵ و کۆشای (ڕەئووف مەحموودپوور)ی و بە هامکاری (ڕەزا عەزیزی) ئامادە کریان و دەستگاو پەخشو (زایڵە)ی جە مەریوان چاپ و وەڵاوکەردەنەوە.
