کۊنگرەو جڤاکی دیموکراتیکوو کوردستانییا ئەورووپانە (کەجەدەکە-ئە) بە ئەرەیاوناێوە، ساڵەی تازێش مەبارەکە کەرڎە و واتش: "ساڵەو ٢٠٢٣ێنە هجوومەکاو دەوڵەتی قڕکەروو تورکی پەی سەروو پانیشت، وەرنیشت و سەرنیشتی زیاتەرۍ بیێ. هامپەیمانێتیی فاشیستی ئاکەپە-مەهەپەی دژوو گردوو بەهاکاو گەلوو کوردی هەرمانەو وێرانکەرڎەیش دژوارتەرکەرد. ئی چەمکوو وێرانکارییە کە دژوو گردوو بەهاکاو نەتەوەی کەردش، بە قورسکەرڎەی گۊشەگیری سەروو ڕابەر ئاپۊی، بە ڕا و ڕێبازی تازە بەرڎەوامی بە هجوومەکاش دێ.

شەنگال و مەخمور کە ئینۍ چێروو چەمداریی نەتەوە یۊگێرتەکانە، ڕووەبەڕووۍ هجوومی ئەرەگیرکاری بیێوە و دەیان قوربانیێشا دێ، هجوومە ئەرەگیرکارییەکێ، کە بەهامکاریی پەدەکەی بەرڎەوامییشا هەن، پانیشت و وەرنیشتنە یاوێنۍ ئاستێوە بەرز. جە سایۍ هامکاریی خیانەتیوە، دەوڵەتی ئەرەگیروو تورکی هەڕەشەکێش زیاتەرۍ کەرڎێنۍ پەی سەروو کوردستانی".

کەجەدەکە-ئە بەرش وست، کە ساڵەو ٢٠٢٣ێنە دژوو ئی دلێنەبەرڎەینە، پارادایموو ڕابەروو گەلوو کوردی عەبدوڵا ئۊجالانی بییەن بە هومێدوو ئینسانیەتی و واتش: "پێسە کەجەدەکە-ئەی ساڵەی تازۍ وەنەو گەلوو کوردستانی و دۊسەکاشا و گردوو ئانیشا کە پەی ئازادی، یەکسانی و دیموکراسیی کۊشیا مەبارەکە کەرمێ. تا ساڵەو ٢٠٢٤ بۊ بە ساڵەو ئازادیی ڕابەرێتی و کوردستانی، داوا وەنەو گرد کەسێوە کەرمۍ سەفەربەرۍ با و کۊشیای گەشتەر کەرا".