کۆنگرەو گلێرگەو دیموکراتیکو کوردەسانیا ئەورووپای (کەجەدەکە-ئە) بە مەڵامەتو مەردەو پاپا فرانسیسی ڕابەرو ڕوحو جەهانی کاسۆلیکی سەرەوەشی وێش پەی جەهان و کاسۆلیکی و دۆڵەتو ڤاتیکانی بەربڕی.

پەیامەکەنە ئاماژە بە کەسایەتی وڵاتپارێزی پاپا فرانسیس کریان و ئامان: "بەمەڵامەتو مەردەو پاپا فرانسیسی سەرەوەشی جە جاهان و کاسۆلیکی و دۆڵەتو ڤاتیکانی مکەرمێنە."

جە بەردەوامی پەیامەکەینە دەسنیشان کریان، جە ماوەو ١٢ ساڵا ڕابەرایەتیی جەهان و کاسۆلیکییەکانە، پاپا فرانیس چنین هەرمانێ سەرکەوتوێش کەردێ پ، جە دژو هرووژم کەردەی و قڕکەردەی جە جەهانەنە هەڵوێسێوە ڕۆشنش نیشانە دا و ماچۆنە: "پاپا فرانسیس بە سەردانەکێش پەی کوردەسانی و وەرکەوتوو دلێڕاسەی نیشانەش دا، گرنگی مڏۆنە ئاشتی بەینو ئاین و گەلا."

حەر جە پەیامەکەینە ئامان: "پاپا فرانسیس پی هەڵوێساشۆ، پەی ئانەی بۆنە دەنگو هەژارا و گەلا چێر دەسی کەوت هەوڵدای تایبەتۆ. وەرو ئانەی مەردەکەیش کەوت جەژنەو پاسکالای، جەهان و کاسۆلیکی کەوت  دلێ تەعزیێ. پێسەو کوردەسانیا جە ئۆروپا و چنین دەڤەرێ تەرێ جەهانی سەرەوەشی وێما بۆ پەی جەهان  کاسۆلیکی، دۆڵەتو ڤاتیکانی و بنەیانەکەیش مکەرمێ."