کەجەدەکە-ئە داواش جە گرڎ کەسۍ کەرد کە بەشداری جە چالاکیەکەو ١٥و نیسان و شارۇ ستراسبۆرگ و فەرەنساینە بکەرا، کە بە دروشمەو "ئازاڎیی پەی عەبدوڵا ئۆجالانی، چارەسەری پەی پرسۇ کورد'ی ئەنجام مڎریۆ.
کۆنگرەو گلېرگەو دیموکراتیکی کوردسانیا ئەوروپای (کەجەدەکە-ئە) ئەرەیاۋنېوەش وەڵاکەردۆ و ئاماژەش پانەی دا: "دەوڵەتۇ تورکی فاشیستی و هێزەکاو پیلانگێڵنی کە بە بێدەنگی پەشتگیری جە دەوڵەتۇ تورکی مکەرا، ماوەو ٢٥ ساڵان دژۇ ڕابەر ئاپۆی، گەلۇ کوردی و کۊشیای ئازاڎیی هجووم و قڕکەردەی بەرا ڕاوە."
هەر جە ئەرەیاۋناکەینە ئامان؛ ئیتر تواناو ۋېڕاگریشا ۋەرا ۋەر بە گۆشەگیری نەمەنەن و واتشا: "ئازاڎیی ڕابەر ئاپۆی ئامانجی بنەڕەتی ژیۋایمانە.
ڕابەر ئاپۆ ناموونیشان و مدرامانیا دژۇ پەیماننامەو لۆزانی، کە پا پەیمانۍ گەرەکشا بۍ پەی سەڎان ساڵا کوردا دیل بکەرا، قڕبکەرا و کوردسانشا پارچەکەرد. بە ئامانجۇ دلېنەبەردەی دەوڵەتۇ تورکی قڕکەری و پوچکەردەیۆ هێزەکاو پیلانگێڵنی میان نەتەوەی جە ١٥و شوباتینە ستراسبۆرگەنە گلېرۆبیەیۍ ئەنجام مڎریۆ. پەی ئی گلېرۊبیەیە با سەفەربەرۍ بیمۍ.
پەنەوازەن گەلی فیداکار و دۆساما بە ڕۆحی سەفەربەرییوە بەشداری چی گلېرۆبیە جەماوەرییەنە بکەرا.
پېسە کەجەدەکە-ئەی داوا جە گرڎ کەسێ مکەرمۍ کە پەی ئازاڎیی ڕابەر ئاپۆی کوۍ باوە، بە دروشمەو 'ئازاڎیی پەی عەبدوڵا ئۆجالانی، چارەسەری پەی پرسۇ کوردی' کە سیمبول و بنەڕەتی ئازاڎیی مرۆڤایەتین، بەشدارۍ گلېرۊبیەو ستراسبۆرگی با.
ئێمە فێرکاری ژیۋایۍ بێ ڕابەر ئاپۆی ڕەڎ کەرمېوە. ئازاڎیی ڕابەر ئاپۆی کەرمۍ بە نەواخنۇ کاری و ژیۋایما، سەرۇ ئی بنەمایۍ داوا جە گرڎ کەسێ مکەرمۍ کە ١٥و نیسانی بە هەزاران کەسۍ خاوەنداری چی ئامانجەیە بکەرا و بەشدارۍ با."
