جە ئەرەیاۋناکەو کەجەدەکە-ئە داوا جە کوردا کریان، جە دژوو هجوومەکا دەوڵەتوو تورکی فاشیست، سەعات ١٢:٠٠ ۋەروو دەم و پەرلەمانوو ئەوروپاینە گلێرۍ باوە و چالاکی شەرمەزارکەردەی ئەنجام بڎا.

جە ئەرەیاۋناکەو کەجەدەکە-ئە ئامان: "جە وەختێنە بە ملوێنان کەسۍ جە گرڎوو پارچەکا کوردسانینە پۍ پیرۆزکەردەو نەورۆزی پێوەرە کوۍ بیێوە، جە ئەوروپانە بە سەڎان هەزار کەسۍ خاوەنداریشا جە نەورۆزی کەرد، تورکی فاشیست، بە لجیکانە تیرۆرش ئەنجامدا.

چەتەکۍ دەوڵەتوو تورکی قەسەموو ئانەیشا واردەن ۋنەو کوردا مجا، بە دروشمەو تەکبیرکەردەی حۊڵمڎا ۋنەو کوردا مجا. دەوڵەت و پۆلیسوو بەلجیکای شەرمەزار کەرمۍ، کە ڕاشا دان پی کارەو چەتاکا فاشیستی تورکی.

دەوڵەتوو تورکی جە کۆمکوژی و ئاژاوەگێڵنی سێر مەبۆ.

ڕۆحوو مدرامانی جە کۆڵنۆ دەسشپنەکەرد، نەورۆزوو فرانکفۆرتی و گرڎوو مەنتیقەکا ئەوروپایش فاڕا پۍ مدرامانێ گۊرەی. ئیتر گرڎوو دنیۍ ئی دەنگیە مژنەوۆ و مافدار موینۊش. جە گرڎ شۊنێوە دنیێوە دۆساما حۊڵمڎا پەشتگیری ئی کۊشیایە بکەرا.

دەمامکوو سەروو میاچەما ئەردۆغانی دیکتاتۆری و دەوڵەتوو تورکی فاشیستی لاشی. بەرکۊت جە گرڎ شۊنێوەنە پەشتیوانی جە تیرۆری کەرۆ، خاوەنداری جە گروپە تێرۆرستیەکا کەرۆ. چی دماییەنە چەتەکۍ داعشی تیرۆروو مۆسکۆیشا ئەنجامدا و ۋێشا ئەرەیاۋناشا کە جە تورکیاوە ئامێنۍ.

هجوومی نەژاڎپەرسی بەلجیکانە پلانەش پەی مجیێنەرە

دەنگدایۆ هەڵمەتەکۍ جە جەهانەنە و یۊگێرتەیی گەلوو کوردی بەڕۆحوو یۊبیەی نەتەوەیی، ویستوو شەرەنگێزی دەوڵەتوو تورکیش زیاتەر بەروست. دەوڵەتوو تورکی جە دلێنە و بەریچۆ ئینا قەیرانۍ قوڵەنە، جگە جە قورسکەردەی جەنگی و قەیرانی حیچ چارێوە تەرش پنەنیا.

ۋەروو ئانەی دژوو کوردا جە ئەوروپانە حۊڵمڎۆ پشێوی دژ بە کوردا ڕێکوزۆ و ئەنجام بەدەسبارۆ. ئی هجوومۍ کە بەلجیکا کریۍ جە تەرەفوو کۆنسوڵخانەو تورکیایۆ ڕێکوزیێنۍ و پۆلیسوو بەلجیکایچ چنەش بێدەنگ بی، گەرەکش بۍ فاڕۆش پۍ جەنگوو جاڎەی.

ئی هجوومۍ بە گرڎیی حۊڵدای بۍ پۍ سۊچناو یانەو کوردا.

گەلوو کوردی جە هەر مەنتیقێوەنە بۆ پێویسا ئیرادەو ۋێش هێقم کەرۆ و دژوو ئی هجووما پاڵوو یۊترینینە کوۍ باوە، ۋەرا ۋەر پی ئاژاوا ئاماڎۍ با.

داوا جە گەلەکەیچما کەرمۍ کە جە ٢٥و ئادارینە سەعات ١٢:٠٠ ۋەروو دەموو پەرلەمانوو ئەورپاینە بەشداری جە ۋێنیشاندای گەورەینە بکەرا."