کەجەدەکە-ئە سڵامش وەنەو ئا سەدان هەزار کەساو فرانکفۆرت، ئەوروپا، ئوسترالیا، کەنەدای و چندین ناوەندای تەرو جیهانی کەرد، کە بە فیداکاری و هۆشمەندیی یۆبییەی نەوەتەوەییەوە سەفەربەرێ بیێ، خەباتشا کەرد و مەیدانەکاو نەورۆزیشا پەڕێ کەردێ.
کۆنگرەی جڤاکی دیموکراتیکو کوردستانییاو ئەورووپای (کەجەدەکە-ئە) ئاماژەش پانەیە دا نەورۆزو ٢٠٢٤ بە شێوێوی نایاب و سەربەرزیوە مەبارەک کریا، ڕاو وەڵاکەردەیۆ ئەرەیاونیایێ نویسایۆ، سڵامش وەنەو گەلو کوردی و دۆسەکاشا کەرد، کە ئەورووپانە بەشدارێ مەبارەکباییەکاو نەورۆزی بێنێ.
دلێنەو ئەرەیاونایەکەی ئینەنە:
"گەلێ وەرکەوت، وەرنیشت، سەرنیشت، پانیشت و بەرو وەڵاتیوە بە درووشمو 'ئازادیی پەی ڕابەر ئاپۆی و چارەسەر پەی پەرسەو کوردی' نەورۆزشا مەبارەک کەرد. سپاسو وێما پەی ئا سەدان هەزار کەسا بەروزمێ، کە بە جۆش و ئیرادەوە نەورۆزشا مەبارەک کەرد.
نەورۆزو ٢٠٢٤ ڕووەو تارێخیوە بە جۆش و جەماوەریوە مەبارەک کریا و پاسە چی قۆناغە تارێخییەنە بی بە جوابێوە خاس.
بە سەدان هەزار کەسێ مەیدانەکاو نەورۆزینە ئانەشا نیشانە دا، وەراوەرو سیاسەتو فاشیزمی و قڕکەریوە بێدەنگ نمەمەناوە و هەڵوێستی ئاشکراشا نیشانە دا.
کەمپین بە ئامانجو بەشداربییەی ملوێنان کەسێ هەڵمەتەو 'ئازادیی پەی ڕابەر ئاپۆی و چارەسەر پەی پەرسەو کوردی' قۆناغی تازەنە ڕاو مەبارەکباییەکاو نەورۆزیوە جە گەلی، ئەوروپا، ئوسترالیا و کەنەدانە ٥٢ ناوەندێ جیاوازێ وێشا نیشانە دا. گەلو کوردی گرد یاگێونە چوارچوەو یۆبییەی نەتەوەیینە دەورو ڕابەر ئاپۆینە بێنێ بە یەک دڵ و پەیامی ئاشکراشا بە گرد کەسێوە دا.بەرو وەڵاتیوە، نەورۆز جە گرد ساڵێوە بە شێوێوە وەرفراوان و بە جۆشوخرۆشتەر گردو مەیدانەکانە کریێ. سەدان هەزار کەسێ بەشدارییشا ئاهەنگەکانە کەرد و واتش: "ئیرادەو ڕابەر ئاپۆی ئینا چێ و ئا ئیرادەیە بویندێ". گردو مەیدانەکاو نەورۆزینە سەدان هەزار کەسێ داواو ئازادیی ڕابەر ئاپۆی کەرێنێ. ئیرادەو نەورۆزینە بە ڕۆشنی پەی گرد لایێوە بەرکەوت کە کێشەو کوردی بەبێ ئازادیی جەسەیی ڕابەر ئاپۆی چارەسەر نمەبۆ. وەختو ویەردەی بەشداربییانە پەی مەیدانەکاو نەورۆزی، بڕێو کەموکوڵیێ وەشێ بیێ. وەعد مدەیمێ پەی چارەسەرکەردەی ئا جۆرە کێشا زیاتەر هەرمانە بکەرمێ. سەیەو ئا ئیرادە و هێزو سەدان هەزار کەساوە، کە ئامێ لاو یۆترینی بەدڵنیاییوە خەباتو ئازادی و سەرکەوتەیما بەدەس مارمێ. بڕواما جە گردو هەرمانەکاما زیاتەرەنە. پی باوەڕ و هێزۆ، کە سەدان هەزار کەسێش کوێ کەردێوە و یەک دڵ و هامدەنگیشا کەرد، داوا جە گرد لاێوە مکەرمێ، کە وەرپەرسانە پێسەو خەباتکاراو دەم پارتی ورچنییەیە دلینەییەکانە، کە ٣١ ئادارینە مکریا، کۆشیا. هامڕایاتا کوێ کەردێوە و پێوە لوودێ دەنگدای.''
