کەجەدەکە-ئە سەرهۊردای و کۊشیای وانەنە جە ئەڎابیەیۆن
کەجەدەکە-ئە سەرهۊرداو وانیش پێسە قۆناغێوە جە ئەڎابیەیۆ بەنامۍ کەرد و واتش: " گەلوو کوردی دیش، کە متاوۆ بە سەرهۊردای سەرگنۆ."
کەجەدەکە-ئە دماو سەرهۊرداکەو وانی ئەرەیاۋنێوەش وەڵاکەردۆ و داواش جە گرڎ لێوە کەرد کۊشیای ۋەرفراوانتەر بکەرا.
ئەرەیاۋناکەو کەجەدەکە-ئەینە پی جۊرە ئامان:
"سەرکۊتەی جە هۊرچنیە دلێینەییەکانە، ڕژێموو ئەردۆغانیش بەرەو هۊرشێونایۆ بەرد. گەلەکەما کە جە هۊرچنیە دلێینەییەکانە سەرکەوتەیۍ گۊرەش بەدەسئارد، ۋەنێوە تاریخیشا بە فاشیستوو ئاکەپە-مەهەپەی دا، کە ئیراڎەو گەلیشا ۋەروو چەما نەگرت.
ئەردۆغانی فاشیست و هامپەیمانەکەش، یۆ بە یۆ گەورە شارەکێش جە دەسدۍ، کە ئیراڎەو گەلیما نەشناسۍ و قڕکەردەی سیاسی ئەنجام دۍ. مدرامانی تاریخی کە جە گرڎوو شارەکا کوردسانینە بە سەرمەشقایەتی ژەنا و گەنجا فاڕیا پۍ سەرهۊردای، حۊڵدای پۍ کودەتاکەو ئاکەپە و مەهەپەیش پووچ کەردۆ.
٤و نیسانی، کە ڕۊو جە ئەڎابیەو ڕابەر ئاپۆیا پێسە ڕۆو تازە ژیۋایۆ بی بە سەرەتاو قۆناغێوە تازۍ ئی هەنگامۍ. ڕابەر ئاپۆ چنی ئیراڎەو گەلوو کوردی خەتەو یۆبیەین. بیەی و یۊبیەی گلێرگەیی گەلوو کوردی بە سەرمەشقایەتی ڕابەر ئاپۆی یاوا بە بەرزتەرین ئاست.
گەلوو وانی و کوردسانی ئێروو سەرهۊردایشا بەرزکەردۆ و نیشانەشا دا کە ئاماڎێنۍ. جە ئیسەنە گەلەکەما جە ئەوروپا، کەنەدا، ئوسترالیا، جە حەر شۊنێوەنە کە چنەش مژیۋا، پی ۋەرپرسیاری و هۆشمەندیۆ بە ئەرکی شکۆمەنڎانەشاوە کە گنۆ سەروو شاناشا ئینۍ ۋەروو دەموو ۋەرپرسیارینە. پێسە کەجەدەکە-ئەی بە رۆحوو کۊشیایۆ، هەتا ئازاڎیی جەستەی ڕابەر ئاپۆی مسۆگەر کریۆ، داوا جە گرڎ کەسێ مکەرمۍ کە کۊشیایشا جە گرڎ مێڎانەکانە گۊرەتەر بکەرا."
