کەجەکە ٤و نیسانی ڕۊو جە ئەڎابیەی ڕابەر ئاپۊیش پیرۊز کەرڎ و ئانەیچش وست ڕوۋە، کە کۊشیای پەی ئازاڎیی ئاڎی ۋەرپەرسیاری سەرەکییا، حەرپاسە داواش کەرڎە گرڎ کەسۍ بەشڎاری جە پیرۊزباییەکا ٤و نیسانییەنە بکەرا و دارۍ بنیا.
هامسەرۊکایەتی دەسەی وێڕاۋەبەریی کەجەکەی بە بۊنەو ٤و نیسانی ڕۊو جە ئەڎابییەی ڕابەر ئۊجالانی ئەرەیاۋنایێوەش وەڵاکەرڎۊ.
ئەرەیاۋناکەو کەجەکەی پی جۊرەنە:
"پایۍ وزمێنە ساڵەو ٧٥ەمینو جە ئەڎا بیەو ڕابەرایەتی کە چی سەرڎەمەنە پۍ گەلوو کورڎی مانا دارتەرین ڕۊن. ئێمە ئا ڕوۋە گرنگ و بە مانایە جە گەلی وڵاڎپارێزیما و جە ژەناو جوۋانا و گەلا ۋەرکەوتوو دلێڕاسەی و جەهانی و جە چێر دەسا پیرۊز مکەرمۍ. چنی پیرۊزکەرڎەو ئا ڕوۋە مانادارەیە بە ڕێزۊ سڵام جە ڕابەر ئاپۊی مکەرمۍ کە بە دەستپنەکەرڎەو ئەرەکۊشای ئازاڎیی و ڕزگاری گەلوو کورڎیش جە دلێنەشیەی نەجاڎ دا. ئا ڕوۋە جە لاو گەلوو کورڎیۊ بە مانادارتەرین ڕۊو سەر جە نۊ جە ئەڎا بیەیا، حەر پۊکەی فرە گرنگا کە ئا ڕوۋە تاریخی و مانادارە بە چالاکی بەقوەت پیرۊز کریۊ. گەلوو کورڎسانی جە ۋڵات و جبەرو ۋڵاتی، ئەشۊ ٤و نیسانی چنی دۊساش سەرو ئا بنەمۍ پیرۊز کەرۊ.
ڕۊو جە ئەڎا بییەی ڕابەر ئاپۊی جە لاو گەلوو کورڎیۊ جە ئەڎابیەیۍ تازەن؛
٤و نیسانی جە لاو گەلوو کورڎیۊ مەعنېۋە فرە گۊرەش ھەن. جە ۋەختېنە کە گەلوو کورڎسانی بە سیستمی ئەرەگیری و قڕکەرینە نکوڵیش ۋنە کریۍ و جە قەراخو دلېنە شیەینەبۍ، ڕابەر ئاپۊ بە شێوێوە تاریخی وەراوەرش مرڎاوە، ئەو قۊناغشە ورگێڵناوە، پەی ئانەی گەلوو کوردسانی جە سووڕوو دلێنەبەرڎەی ئەرەگیری قاڕچنی ڕزگار کەرۊ، سەرجەنۊ ژیونۊشۊ دەسش بە کۊشیای کەرد. ڕابەر ئاپۊ ژیان و بیەی وێش پەی وەڵیوەبەرڎەی ئی کۊشیایە بەخشا، پەی سەروستەی ئی کۊشیایە بەختش کەرد. بی بە گەورەتەرین ڕەنجدەر سەروو ئی کۊشیایە قوڵ بییۊ و خولقناش. بە ویری تازەو وێش، کەسایەتیی ئەرەگیرییش جە کوردساننە سڕیۊ، بناغەکاو کەسایتیێوە تازەی و ئازاڎی هۊشیاری، ڕێبازوو کەسایەتی و گەلوو کوردیش دوور جە کۊلۊنیالیزم بە بەقووەتی نیا. "ڕابەر ئاپۊ" پەی گەلوو کوردی نەک حەر کۊشیای ڕزگارییش جە کۊلۊنیالیزمی دەس پەنە کەرد، جە هەمان وەختنە بە فەلسەفەو ئازاڎیی وێش ڕاسیی کەسایەتی و گلێرگێوە تازەش سەرجەنۊ خولقنا، کە کوردساننە ژیوای تازە بونیاد بنیا. وەروو ئا تایبەتمەندییە تاریخییا جەئەدابییەی و ئامایدنیاو "ڕابەر ئاپۊ"ی پەی گەلوو کوردی پەیدابییەیۍ تازە بۍ.
خولقنەراو سیستموو ئەرەگیری کە جە کۊشیای "ڕابەر ئاپۊ"ینە، کە گەلاو وەرکەوتوو دلێڕاسەی ئازاڎ کەرۍ و کۊلۊنیالیزمی دلێنە بەرۍ، تووڕۍ نیگەرانۍ بێنۍ، حەرپاسە هێزە هەرێمی و میاننەتەوەییەکۍ کە پاڵپەشتیی ئا لایەنا کەرێنۍ، وەروو ئانەی وەرە پا قۊناغی گێرا، پیلانگێڵنیی میاننەتەوەییشا گێڵنا و ڕابەر ئاپۊشا وست دلۍ سیستموو ئەشکەنجەی و گۊشەگیریی ئیمراڵی، کە دژوارتەرین هەلومەرجوو گێرتەین جە تاریخوو ئینسانیەتینە. وەلێم ڕابەر ئاپۊ ٢٤ ساڵی ویەرڎەنە پێسە ئانەی هەقە جە زیندانیکەردی تاریخی کەرۊوە، ئا ماوەشە بەرڎەن سەر. دلۍ هەلومەرجوو زیندانیکەرڎەینە زیاڎتەر قووڵ بیۊ و جە ئەنجاموو ئانەیچنە پەی ڕزگارکەرڎەی گەلا، ژەنی و چەوسیێوەکۍ مانیفیستۊو سەرڎەمیش خوڵقنا. زیندانیکەرڎەیش مانادار کەرد: پێرسپێکتیڤ و دوورنمای ژیوای ئازاڎی و خەتەو کۊشیای کە هۊکارە سیاسی، کۊمەڵایەتی و کولتورییەکان ئا زیندانیکەرڎەیشا دلێنە بەرد، وستشا وەرڎەموو ئینساننیەتی. گرڎ ساتێوە ژیوایش مانادار کەرد و بە هەڵوێستێوە، کە بۊ بە بەنرختەرین ڕۊڵەو ئینسانیەتی، نیشانە دا. ڕابەرمان پا کاراکتەریشۊهەم گەلەکەما و هەمیچ ئێمەش کەردیمۍ داراو شکۊمەندیۍ گەورەی. گرڎوو ئینسانیەتی، گەلەکەما، ئێمەیچ قەرزارۍ ئا ڕابەرەینمۍ. "ڕابەر ئاپۊ" گرڎوو ئامیشاش بە ئینسانیەتی، گەلەکەیما و ئێمە بەخشۍ. حەر پەوکای یاواینەی، هەستپەنەکەرڎەی و کۊشیای پەی ئازاڎیی جەسەیی ڕابەر ئاپۊی، هەرمانە و وەرپەرسبییەی سەرەکیی ئێمەن.
'کۊشیای پەی ئازاڎیی ڕابەر ئاپۊی، کۊشیاین دژوو کۊکوشیی کورڎا'
مشۊم فرە بەقووڵی یاواینەی سەروو "ڕابەر ئاپۊ"ی و پیلانگێڵنای میاننەتەوەیی ساز کریۊ. زیندانیکەرڎەی ٢٤ ساڵە و گۊشەگیری دژوار، ئەنجاموو سیاسەتوو قارچنیەیۊ کورڎاو دەوڵەتوو تورکی کۊلۊنیالیستی قاڕچنین. ئانە بۊ بە مایۍ ئانەی، کە گۊشەگیری پا ڕاددە تند کریۊ، ئانەن کە "ڕابەر ئاپۊ" جە دژوو سیستم و ڕیشەکاو دماکەوتەیی جە هەرێمەکەنە داراو هەڵوێستێوە ئایدۊلۊژیکی و سیاسین. هێزە پیلانگێڵنە میاننەتەوەییەکۍ نەک حەر هامبەشۍ پیلانگێڵییەکەینۍ، جە هەمان وەختنە هامبەشۍ سیستموو قاڕچنوو دەوڵەتوو تورکینۍ. ئا سیاسەت و کرڎەوێشا بەئاشکرا هەستشا پەنە کریۊ، کە پێسنەن. پەوکای ئا سیاسەتە جە ئیمراڵینە سەروو "ڕابەر ئاپۊ"یۊ پەیڕەو کریۊ، سیاسەتوو قاڕچنیەیۊن. پیلانگێڵنی میاننەتەوەیی، گێرتەی و گۊشەگیری تەنیا سەروو ڕابەرێوە کوردیرە مەسەپنیۊ، ئینسان جە ڕاو مامەڵەکەرڎەی جە ئیمراڵینە متاوۊ بەڕۊشنی یاوۊنە، کە کورد ڕووبەڕوو چێشی بیەنۊ.
سیاسەتوو دوژمنایەتی وەراوەروو کورڎا چێشا و ئامانجوو ئانەیە چێشا، وەروو ئانەی کورد کۊکوش کریۊ، جەنگێوە تایبەتی چەنین ئینا ئارانە، سەروو "ڕابەر ئاپۊ"یچ هەمان سیاسەت پەیڕەو کریۊ. ئا سیاسەتە بەرجەسە کە ئیساتۍ سەروو "ڕابەر ئاپۊ"یۊ گیریانرە وەر حەرچیێوە بۊ، جبەریچۊ لە دژوو جمیەری و گەلی هەمان سیاسەت گیریۊرە وەر. تەنیا هەلومەرجۍ و شێوازەکۍ جیاوازێنۍ. هەم ئێمە هەم گەلوو کوردی و هەم دۊساو گەلوو کوردی، مشۊم ئا ڕاسییە بەخاسی یاومینە و وەراوەروو ئانەینە هەڵوێس ور گێرمۍ، کۊشیەیمۍ. مشۊم بزانمۍ کە کۊشیای پەی ئازاڎیی جەسەیی "ڕابەر ئاپۊ"ی کۊشیاین دژوو کۊکوشیی کورڎا و پا یاواینەوە بە قووەی زیاڎتەرۊ وێشا بە ساعیبوو دۊزوو "ڕابەرئاپۊ"ی بزانا. گرنگا ٤ وو نیسانی پا هۊشیاری و هەڵوێسۊ خێرامای مەبارەکباییش وەنە کریۊ.
ئاکەپە-مەهەپە جە ساعیب کاراکتەر و مەژگی دوژمنکارانەشۊ وەراوەر بە کوردی، گۊشەگیری سەروو ڕابەر ئاپۊی تند کەراوە، کە ئانەیچ پەیوەندیی بەینوو کۊکوشیی کورڎا و گۊشەگیری وزۊ وەروو چەما. دەسەڵاتداری ئاکەپە – مەهەپەی فاشیستی، مەژگوو ئەرەگیرۍ فاشیستی وێنا کەرۊ و گەرەکشا کورڎا کۊکوش کەرۊ. سیاسەت و کاراکتەروو دوژمنایەتیی کورڎاو ئاکەپە-مەهەپەی ئیتر جە لاو گرڎ کەسیوە زانیۊ. بەڵام ڕاسیێوە تەر، کە مشۊم زانیۊ ئانەن، کە ئینە بە دژوارکەرڎەی گۊشەگیری سەروو "ڕابەر ئاپۊ"ی کریۊ. ئا ورسونیشت و مامەڵەو ئاکەپە – مەهەپە ڕاسیی گۊشەگیری، پەیوەندیی گۊشەگیری چەنی کۊکوشیی کورڎا بە بەرجەسەیی بەر وزۊ. مشۊم ئێمە ئا ڕاسییە خاستەر یاومێنە، بزانمۍ کە کۊشیای جە دژوو گۊشەگیری کۊشیاین جە دژوو کۊکوشیی کورڎا، ئا کۊشیایچە بە وڕنای دەسەڵاتی فاشیستوو ئاکەپە-مەهەپەی بۊ، سەروو ئا بنەمۍ مشۊم ئێمە کۊشیای جە وەراوەروو فاشیزموو ئاکەپە- مەهەپەی گەورە کەرمۍ.
'ڕابەر ئاپۊ ئازاڎیی ژەنێش وست وەڵۍ ئازاڎیی گرڎ کەسیوە'
"ڕابەر ئاپۊ" نە تەنیا پەی ئازاڎی گەلوو کوردی، جە هەمان وەختنە پەی ئازاڎی و ڕزگاریی گرڎوو گەلە بندەسەکا کۊشیا. وەروو ئانەی داراو هەست و هزرێوە چینەینە، پارادیگماو کۊمەڵایەتیی دیموکراتیکی، ئیکۊلۊژیک و ئازاڎیپارێزێنوو ژەنێش وەش کەرد، کە کاریگەرییش سەروو تەماموو ئینسانیەتی. پارادیگماو "ڕابەر ئاپۊ"ی پەشتی بە مەژگی ئیکۊلۊژیک و خەتەو ئازاڎیی ژەنۍ بەستەن، جە گرڎ شۊنێنە کاریگەرییش کەرڎەن سەروو ئینسانیەتی. ئا هۊشمەندییە کە ماچۊ، سۊسیالیزم مەبۊ بۊ بە دەوڵەت، بە کۊنفیدڕاڵیزمی دیموکراتیک سۊسیالیزم مۍ دی، گەل، ژەنی، گرڎوو بندەسا تەنیا جە سیستمێوە چانەنە متاوا با و بژیوا، پێسە یۊ جە شۊڕشە گەورەکاو مەژگی جە تاریخنە کاریگەری کەرۊ سەروو گلێرگەکا. "ڕابەر ئاپۊ" پارادیگماش سەروو بنەماو ئازاڎیی ژەنۍ و پەشتبەس بە ئازاڎیی ژەنۍ نیارە و ئازاڎیی ژەنێش وست وەڵۍ گرڎ ئازاڎیێوە.
"ڕێبەر ئاپۊ" یۊن چا کەسایەتییا کە پەی ناستەی مۊدێرنیتەی سەرمایەداری، کە جیهانی ناوەشوو ئیسەیش خولقنان، فرە حەوڵێش دێنی، ویر و فورمولەو ئانەیش خوڵقنان. "ڕابەر ئاپۊ" بە خولقنای ئا پاڕادیگمایە پەشتی بە مژگی ئیکۊلۊژیک، ئازاڎیی ژەنۍ و خەتەو مۊدێرنیتەی دیموکراتیکی بەسۊ، چارەسەرش پەی ئا جیهانییە وێستۊ، کە گیرۊدەو نەوەشیی مۊدێرنیتەی سەرمایەداری بییەن. مۊدێرنیتەی سەرمایەداری و ئەقڵیەتوو دیموکراسییەکەیش تەنیا دەرڎەو ئانەی وەرۊ، کە عومروو چینی باڵادەسی، کۊلۊنیالیستی و فەرمانڕەوایەکا پەی ماوێوە درێژ کەرۊوە. پەی ناستەی ئا ئەقڵیەتەیەی و چارەسەرکەرڎەی تەنگەزاری، قەیرانی و ناوەشییەکاو ئینسانی کە کەوتەنشنە، "ڕابەر ئاپۊ" پاڕادیگما و خەتەو مۊدێرنیتەی دیموکراتیکیش خولقنا.
'بە یاواینەی و مسۊگەرکەرڎەی پاڕادیگماو ڕابەر ئاپۊی متاویۊ ٤وو نیسانی بە مانادارەنە مەبارەک کریۊ'
گرنگتەرین ڕاو یاواینەی و مەبارەککەرڎەی ماناداروو ٤وو نیسانی ئانەن کە پارادیگما، ئایدۊلۊژی، ئازاڎی، دیموکراسی و هۊشمەندی ژیوای تازەو ڕابەر ئاپۊی بەقووڵی هەستش پەنە کریۊ و دلۍ خەڵکینە وەڵا کریۊوە. ئانە بنەڕەتیتەرین وەرپەرسبییەی کەسایەتییەکاو کوردین. حەر کەسایەتیێوە کوردی مشۊم ژیوای، هەڵوێس و ویروو "ڕابەر ئاپۊ"ی خاس هەست پەنە کەرۊ، کە "ڕابەر ئاپۊ" بییەی وێش نیانشرە پەی ڕزگاری و ئازاڎیی گەلوو کوردسانی. حەرکورڎێوە مشۊم پارادیگمای ڕابەر ئاپۊی، کە مانیفیستۊی ڕزگاریی چەوسیاوەکا، ژەنی و گەلا، یاونۊ جەموو ئینسانیەتی. مشۊم ئا هەرمانۍ بە بەقووەتی کەرا، جە دژوو پیلانگێڵنیی میاننەتەوەیی جە ئاستوو میاننەتەوەیینە هەستیاری و کۊشیایۍ خوڵقنا.
'بە بەقووەتی بەشداریی مەبارەکباییەکا بیدۍ و دارۍ بنیەیدێ'
"ڕابەر ئاپۊ" بە ویر، هەڵوێس، کۊشیای و ژیوای وێش بی بە بەنرختەرین و ڕاستتەرین ڕۊڵەو ئینسانیەتی. حەر پەوکای ئێمە "ڕابەر ئاپۊ"ی و ڕۊو پەیدابییەیش جارێوە تەر بە شکۊمەندی سڵامش وەنە کەرمۍ، وەشەویسی و تاسەو وێماش پەی بۊ بەر وزمۍ. ئێمە ڕۊو پەیدابییەیش ماناداریی ئاڎی جە گەلی وەڵاتپارێزوو کوردسانی، جە گەریلاکا، کە فیداییەکاو ڕابەر ئاپۊینۍ و ژەنا، گەنجە وەڵاتپارێزەکاو کوردسانی، جە ژەنا و گەلاو وەرکەوتوو دلێڕاسەی و دنیۍ مەبارەک کەرمۍ. گەلەکەما و دۊساو گەلەکەیما مشۊم جە گرڎوو ئا شۊنا، کە ئینێشنە بە بەشداریی بەقووەتۊ ٤وو نیسانی مەبارەک کەرا و جە حەرشۊنێنە مژیوا دارۍ بنیا".
س.ز
