هامسەرۆکایەتی دەسەو ڕاوەبەری کەجەکەی مبارەکبایی ساڵەی تازېش جە گەلا کەردە و ئەرەیاۋناش، "جە ساڵەو ٢٠٢٤ینە ۋەرپرسیاری تاریخیما بریتیا چانەی سیستموو قڕکەری و مۆدێرنیتەی سەرمایەداری وڕنمۍ و مۆدێڕنیتەی دیموکراتیکی زیاتەر وزمۍ ڕووە".
هامسەرۆکایەتی کەجەکەی ئەرەیاۋنانش، کە یۆ چا تایبەتمەندیا کە ساڵەو ٢٠٢٣ جە ساڵا تەری جیا کەرۊوە، ئانەنە کە هەستوو پەشتیوانی کۊششکارا ئازاڎیی زیاتەر بیەن و کۊشیای زیاتەر بەجیهانی بیەن و داواش جە گرڎوو لایەنگراو جەهانی ئازاڎیی و دوور جە ئەرەگیری کەرڎ کە ساڵەو ٢٠٢٤ زیاتەر گوڕ بە کۊشیای بڎا و سەرکۊتەی مسۆگەر کەرا.
پەیامەکەو هامسەرۆکایەتی دەسەو ڕاوەبەری کەجەکەی پی جۊرەنە: "پایۍ وزمۍ ساڵێوە تازۍ زاینییوە کە ئارۊنە پېسە جەژنەو جەهانی سەروو ساڵۍ پیرۆز کریۆ و پۍ مەسیحیەکا بە ماناو کریسمسیا. بەنامۍ جمیەرەکەیماوە سەرەتا جەژنەو کریسمسی جە جەهانی مەسیحی پیرۆز کەرمۍ. ساڵەی تازۍ زایینی جە گەلەکەیما، گەلاو ۋەرکەوتوو دلېڕاسەی و گرڎوو مرۆڤایەتی پیرۆز کەرمۍ و هیواڎارېنمۍ کە ساڵەی تازۍ بۆ بە مایۍ ئازاڎیی پۍ گەلا، ژەنا، چەوەسیاکا و گرڎوو مرۆڤایەتی.
ساڵەو ٢٠٢٣ جە کوردسان و جە گرڎ مەنتیقېوە جەهانینە بیە بە ساڵەو کۊشیای دژوو سیستموو مۆدێرنیتەی سەرمایەداریی تاتەسالاری، کۆلۆنیالیستی و قڕکەری. گەل، ژەنا، رەنجدەرا و گرڎوو بەشەکاو گلېرگەی بندەسی بە وچان کۊشیای و هیواو جەهانێوە یەکسانی، ئازاڎیی و بێ کۆلۆنیالیستی و ئەرەگیرکاریشا بەگوڕتەرکەرد. پی جۆرە بیۍ بە مایۍ ئانەی ئێمە بە هیواوە تەماشەو ئایندەی کەرمۍ. سڵام جە گرڎوو کۊشیایەکا جە دژوو کۆلۆنیالیزمی کەرمۍ و هەستوو پاڵپەشتی و پەشتیوانی ۋېما پۍ گەلا ۋەرکەوتوو دلېڕاسەی و جەهانی، ژەنا، کرێکارا، رەنجدەرا و چەوەسیاکا بەربڕمۍ.
یۆ چا تایبەتمەندیا کە ساڵەو ٢٠٢٣ جە ساڵا تەری جیا کەرۊوە، ئانەنە کە هەستوو همسۆزی و پەشتیوانی جە کۊشیای ئازاڎیی زیاتەر بیەن و کۊشیای زیاتەر بە جەهانی بیەن. ئا ئاژە جە ڕاو هەڵمەتەو ئازاڎییوە بەرجستە بیەن کە پەی ئازاڎیی جەستەیی ڕابەر ئاپۆی دەسشپنەکریان. بیردۆزوو مۆدێرنیتەی دیموکراتیکوو ڕابەر ئاپۆی جە دژوو بیردۆزوو مۆدێرنیتەو سەرمایەداری و شێوازوو ژیۋاکەیش برەوش پنەدریان و پاڕادایموو گلېرگەی دیموکراتیکی، ئیکۆلۆژیک و ئازاڎیی ژەنۍ گرڎوو هۆگراو ئازاڎیی و یەکسانی و کەسا کۊششکاریش کۊکەردېنۍ و یۊبیەی کۊشیایش دەسەبەر کەردەن. ئانە بە ماناو قۆناغێوە تازەو کۊشیای ئازاڎییا. هەڵمەتەو ئازاڎیی کە ١٠و تشرینوو یووەم و ٢٠٢٣ جە سەرانسەروو جەهانینە دەسشپنەکریا، ئەوەڵ چەخماخەش ئانەبۍ. ئێمە پی بۊنۆ جارێوەتەر جە ناخۆ سڵام جە گرڎوو دۆساما، گەلیما، رۆشنویرا، نویسەرا، رەنجدەرا، هونەرمەنڎا، ژیۋگەپارێزنا، ژەنا و جمیەرەکا گەنجا کەرمۍ، رێزی ۋېما پۍ ئاڎیشا بەربڕمۍ و هیواو سەرکۊتەیشا پۍ موازمۍ.
یۆ چانیشا کە دژوو سیستموو مۆدێرنیتەی سەرمایەداری و سیستموو کۆلۆنیالیستی و قڕکەری ئەرەکۊشان، گەلوو وڵاتپارێزوو کوردسانیا. گەلوو کوردی جە ۋەرکەوت، ۋەرنیشت و پانیشت، سەرنیشت شەنگال و مەخمور و بەروو وڵاتی جە هەر مەنتیقېوەنە کە چنەشەنە مژیۋۆ، بێ مردای کۊشیایش ڕاوەبەرکەردەن و هیواو سەرکۊتەیش گەورەتەرکەردەن. جە دژوو کردەوەکا فشاری، زینڎانیکەردەی، ئەرەگیری، کۊکوشی و جە قەنارەدای بە دروشمەو 'مدرامان ژیۋاین' و 'ژەنی، ژیۋای، ئازاڎیی' وېڕاگریشا کەردەن و پلانە قڕکەرییەکۍ دوژمنیشا پوچۍ کەردېنۍ. گەلوو کوردی و ژەناو کوردی بە کۊشیای ۋېشا جە ۋەرکەوتوو دلېڕاسەی و جەهانی سەرمەشقایەتیشا پۍ کۊشیای ئازاڎیی چەوەسیاکا کەرڎ و بیۍ بە هیوای پۍ مرۆڤایەتی.
بێگومان زیاڎ جە گرڎی گەریلاکۍ ئازاڎیی کوردسانی بە بێ ئانەی جە ۍیچ قوربانیدایۍ بڕەمۆ و سڵەمۊوە، جە دژوو هجومەکا مۆدێرنیتەی سەرمایەداری و کۆلۆنیالیزمی قڕکەری وېڕاگریش کەرد و ئەنجامش خوڵقنا. گەریلا گرڎوو هجومەکاش بە گیانی فیدایی ئاپۆیی ماڕۍ، بی بە شایەنوو سەرمەشقایەتی گەریلای مۆدێرنیتەی دیموکراتیکی. گەریلا هیواو سەرکۊتەیش گەورەتەر کەرد، پاگیری و ویستوو ئێمەش پۍ کۊشیای زیاتەر کەرڎ گەلەکەما و گرڎوو مرۆڤایەتیش جە دژوو کۆلۆنیالیزمی پارېزنا. پی بۊنۆ جارێوەتەر بە قووڵترین هەستۆ مدرامانوو گەریلاکاو ئازاڎیی کوردسانی پیرۆز کەرمۍ و هیواو بەردەوامبیەی و سەرکۊتەیشا پۍ موازمۍ.
سیستموو مۆدێرنیتەی سەرمایەداری کە دوژمنوو ژیۋگەی و گلېرگەین، ساڵەو ٢٠٢٣ بەمەڵامەتوو جەنگی، کۊکوشی، کۆلۆنیالیزمی، کۆچبەرکەردەی، هەژارکەردەی، تاڵانکاری و گرڎ جۆرە ئاژاوەگێڵیېوە زیاتەر ریسوا بی و بڕواو رزگاربیەی چا سیستمەیە زیاتەر بیەن. جە نمونەو غەززەیۆ جارێوە تەر بەرکۊت کە مۆدێرنیتەی سەرمایەداری حیچ چېوۍ تەر نییا، جگە جە جەنگی، ئەرەگیری و تاڵانکاری. جەنگوو غەززەی بەمەڵامەتوو باڵادەسیوەن سەروو ڕایەکا وزەی و بازرگانی و پەی بە ئەرەگیر ئاستەیۆ سەرچەمەکا و مەسڵەحەتەکا ڕووەشدان. گرڎوو دەوڵەتا بە تایبەتی ئەمریکا، ئیسرائیل و تورکیا بە پاو ئانەی مامەڵەشا چنی بابەتەکەی کەرد و قۆستشاوە و پاو مەسڵەحەتوو ۋېشا بەکارشا ئارڎ. پېسە مامەڵەکەردەیشا ۋەران ۋەر بە گەلوو کوردی، پەی ئازاڎیی گەلوو فەلەستینی نییا. بەڵام گەلاو جەهانی بە بەربڕیەی پەشتیوانی پۍ گەلوو کوردی و فەلەستینی نیشانەشادا، کە ئیتر گەرەکشا نیا چېروو دەسەڵاڎداری سیستموو مۆدێرنیتەی سەرمایەدارینە با. ۋەروو ئانەی جە سیستموو مۆدێرنیتەی سەرمایەدارینە زیاتەر جە گرڎ لایۍ گەلوو کوردی و فەلەستینی رووبەڕوو جینۆسایدی بیېنېوە. تاکێشەو ئا دووەگەلەیە چارەسەر نەکریۆ، نە ۋەرکەوتوو دلېڕاسەی و نە جەهان ئازاڎ مەبۆ.
جە ساڵەو ٢٠٢٤ینە ۋەرپرسیاری تاریخیما، بریتیا چانەی ئێمە سیستموو قڕکەری و مۆدێرنیتەی سەرمایەداری دلېنەبەرمۍ و مۆدێرنیتەی دیموکراتیکی زیاتەر پەرەپنە بڎەیمۍ. قەناعەتما پاسەن کە گەلەکەما و گرڎوو گەلا جەهانی ساڵەو ٢٠٢٤ بە تەمامی فاڕا پۍ ساڵەو سەرکۊتەی. پېسە جمیەروو ئازاڎیی کوردی ئێمە ئەرەیاۋنمېش کە ئێمە هەڵسوکەوت و مامەڵېوە پا جۆرە گېرمېنە ۋەروو پا قەناعەتۆ داوا جە گرڎوو لایەنگراو جەهانی ئازاڎی و دوور جە کۆلۆنیالیزمی، بە تایبەتی گەلەکەیما کەرمۍ کە ساڵەو ٢٠٢٣ زیاتەر گوڕ بە کۊشیای بڎا و سەرکۊتەی مسۆگەر کەرا".
