کۆماو بۊنەو جەژنېوە مبارەکبایش جە گەلوو کوردی کەرد
کۆماو جەژنەو رەمەزانیش جە گەلوو کوردی مبارەکە کەردە و هیواش واست جەژنەو ئېساڵی بۆ بە مایۍ پێوەرە ژیۋای دیموکراتیکی، ئازاڎی و ئاشتیانەی.
جەمەو بنەیانەو گەشمەرڎا و بێسەروشۊنکریایا (کۆماو) بۆنەو جەژنەو رەمەزانیوە پەیامێوەش وەڵاکەردۆ.
پەیامەکەو کۆماوی پی جۆرەنە: "گەلەکەمان جە ماوەو ١٠ ڕووانە دووۍ جەژنۍ گرنگۍ مبارەکۍ مکەرا. ١٠ ڕووۍ چېوەڵتەر جە هۊرچنیەکا ٣١و ئاداروو ٢٠٢٤ینە گەلەکەما گورزەی گەورېش جە سیاسەتوو قڕکەردەی دەوڵەتوو تورکی فاشیستی شانا و دەسکەوتێوە فرە بەقیمەتش بەدەسئارد.
دووەم رۆی بەقیمەتیچ ١٠و نیسانوو ٢٠٢٤ ی جەژنەو رەمەزانی مبارەکیەنە.
گەلەکەما هەردووە ڕووە گرنگ و بەقیمەتەکا پېسە ڕووانی پەڕدەسکەوتی و مبارەکی موینۆ و مبارەکېشا مکەرۆ.
پېسە دەزگاو بنەیانەو گەشمەرڎا و زەرەر ۋنەکۊتەیا کوردسانی ئێمە هەردووە جەژنەکا بەتایبەتی جە بنەیانەو گەشمەرڎا کوردسانی، جە گرڎوو گەلە وڵاتپارێزەکەیما مبارەکە مکەرمۍ.
پېسە گرڎوو جەژنەکا، چی دووە جەژنېچەنە هومېڎەوارێنمۍ کە جەژنە پەی گەلوو کوردسانی و تەماموو گەلا جەهانی بۆ بە مایۍ پېوەرە ژیۋایۍ هامبەشی دیموکراتی، ئازاڎی و ئاشتیانەی".
