دما بەدماو قەرارو داڎگای میانجیکەری میان نەتەوەیی پاریس-نە دژوو رێککەوتەو تورکیای و هەرێمی پۍ ورەتەو نەوتۍ، کۆمپانیاکۍ بەرئارڎە و کیاستەو نەوتۍ یۊ دماو یۊی ھەرمانەکاشا جە هەرێمنە مرڎنا.
دما بەدماو قەرارو داڎگای میانجیکەری میان نەتەوەیی پاریس-نە دژوو رێککەوتەو تورکیای و هەرێمی پۍ ورەتەو نەوتۍ، کۆمپانیاکۍ بەرئارڎە و کیاستەو نەوتۍ یۊ دماو یۊی ھەرمانەکاشا جە هەرێمنە مرڎنا. چا چۋارچێۋەنە کۆمپانیاو "دی ئێن ئۆی"نەرویجی ھەرمانەکېش مرڎنۍ.
دما بەدماو قەرارو داڎگای میانجیکەری میان نەتەوەیی پاریسی سەبارەڎ بە مرڎناو نەوتەو هەرێمی پۍ تورکیای، کۆمپانیاو دی ئێن ئۆی نەرویجی، کە هەرێمو کورڎسانیەنە جە بوارو بەرئارڎەی و کیاستەو نەوتۍ و گازیەنە ھەرمانە کەرۊ ئەرەیاۋناش، بەشێۋێۋی ۋەختی بەر ئارڎە و کیاستەو نەوتێشا جە هەرێمو کورڎسانینە مرڎنان.
کۆمپانیاو دی ئێن ئۆی نەرویجی ئەرەیاۋناش، چۋار ڕوۋۍ دماو قەرارو مرڎنای و کیاستەو نەوتەو هەرێمو کورڎسانی جە ڕاو بۆریێۋە پۍ تورکیای و بەنڎەرو جەیهانی، بەشێۋێۋی ۋەختی بەرئارڎەو نەوتێشا جە هەرێمو کورڎسانینە مرڎنان.
جە بەشێۋی تەرو ئەرەیاۋناکەو کۆمپانیاو دی ئێن ئۆینە ئامان، جە شەوەی ۋیەرڎێۋە بەرئارڎەو نەوتێشا جە چاڵە نەوتییەکا هەرێمو کورڎسانینە مرڎنان.
کۆمپانیاو دی ئێن ئۆی ڕوۋۍ ١٠٧ هەزار بەرمیلۍ نەوتە جە چاڵە نەوتیەکا تاوکێ و پێشکەبیرینە ۋەرھەم ئارۍ، کە مکەرۊ جە سەڎەنە ٢٥و ئا نەوتۍ، کە جە هەرێمو کورڎسانیوە بەنامۍ ئابووریی سەربەخۊیۊ هەنارڎەو بازاڕەکا جەهانی کریۍ و ورەشیۍ.
جە چاڵە نەوتەو حەسیری جە شارۆچکڵەو سەرقەڵای جە قەزاو کفری جە گەرمیان ڕوۋۍ ١٤ هەزار بەرمیلۍ نەوتە (٥٠ پۍ ٦٠ تەنکەرا) پۍ چاڵە نەوتەو خورمەڵەی جە هۊلێر فاڕیێۋە.
بە پاو زانیارییەکا، ھېزی کۆمپانیاو وزەی ڕووسی بە نامۍ گازپرۆمی، کە جە چاڵە نەوتەو حەسیریەنە ھەرمانە کەرۊ و نەوتە ۋەرھەم ئار ۍ و ئا نەوتۍ فاڕێۋە پۍ هۊلێری، ھەرمانەکېش مرڎنێنۍ.
ھ.ش
