کەمپو مەخموورینە ورچنیەی شارەوانیی دەسش پەنە کەرد
خەڵکو کەمپو گەشمەردە ڕۆستەم جودی (مەخموور)ی پەی ورچنیەیی هامسەرۆکاو شارەوانی و ئەنداماو ئەنجوومەنو شارەوانیی لوێ سەرو سندوقەکاو دەنگدای و دەسشا بە دەنگدای کەرد.
سەعاتەکاو سەرسەعبیوە ورچنیەیی شارەوانی کامپو مەخموورینە پەی ورچنیەی هامسەرۆکاو شارەوانی و حەوت ئەنداماو ئەنجوومەنو شارەوانی، بە بەشداریی جۆشوخرۆشانەو خەڵکو کەمپەکەی دەسش پەنە کەرد. ورچنیەیەکەینە چوار کاندیدێ پەی هامسەرۆکو شارەوانی و ٢٠ کاندیدا پەی ئەنداماو ئەنجوومەنو شارەوانیی ئینێ کێوەڵکێنە.
ورچنیەیەکە سەعات هەشتۆ دەسش پەنە کەرد و تا پەنجو دمانیمەڕۆی بەردەوام مبۆ. هەرپاسە دماو دماییئاردەی بە دەنگدای، دەرنجامەکێ ئاشکرا مکریانێ.
یاگێ ئاماژەینە کەمپو پەنابەراو گەشمەردە ڕۆستم جوودی-ینە حەر دووێ ساڵێو جارێ ورچنیەی شارەوانی مکریۆ.
