کۆمیتەو گەنجا پەکەکەی بە ڕێزوو حورمەتۆ یاڎوو دووۍ گەریلایاش کەردۆ، کە جە هەرێمەکاو پارێزناو مەدیاینە گەشمەرڎۍ بیێنۍ و واتش: " شۊڵەچراوۍ نەکوشیایوەشا، دا دەسوو ئێمۆ. ئی شۊڵە چراوۍ بە ئاێرو سەرهۊرداو گەشمەرڎا ڕۆ بە ڕۆ گەشتەر بۆ".
کۆمیتەو گەنجا پەکەکەی پەیوەس بە گەشمەرڎەبیەی ئەندامەو کۆردیناسیۆنوو جەمەو ژەنا گەنجی و کۆمیتەو گەنجا پەکەکەی بشەنگ بروسکە و ئەندامەو ڕاوەبەری جەمەو ژەنا گەنجی- سارا هۆگر رحایۍ ئەرەیاۋنێوە نویسیاش وەڵا کەردۆ.
ئەرەیاۋناکەی پی جۊرەنە:
"سوپا تورکی فاشیستوو ئەرەگیری جە ۋەران ۋەروو گەریلاکاو ئازاڎیی کوردسانینە، جە هەرێمەکاو زاپی و سەرنیشتوو کوردسانینە، ئینا دلۍ شکس و شڵەژیایۍ گۊرەینە مژیۋۆ. ناتۆ، هێزوو قڕکەروو دەوڵەتوو تورکی ئەرەگری، بە مدرامانەکا ڕابەریەتیما و بە سەرمەشقایەتی گەریلای مەڕیا. مدرامانە داستان ئامێزەکۍ گەریلای کە جە مەتینا، ئاڤاشین و زاپەنە ڕۆ دماو ڕۆی گۊرەتەر بۆ، ئۆپراسیۆنە شۆڕشگێڵنییەکۍ جارێوەتەر ئانەش نیشانە دایمێوە.
بەبێ شک ڕابەرایەتی و گەشمەرڎە قارەمانەکێما کە خەتەو مدرامانوو کۊشیای ئازاڎیی ژەنۍ دیاری کەرا، ساڵانوو مانگان سەرەمڕە بەردەواما و هەتا مۍ گۊرەتەر بۆ. جە سایەو گەشمەرڎاماوە، حۊڵدای، فیڎاکاری و مدرامانیشا، ئارۊنە بە بەشداربیەی گەنجا و جوانە ژەنا ، کۊشیای ئازاڎیما تا مۍ گەردوونی بۆ و بۆ بە سەرچەمەو هیوای و مدرامانی جە گرڎوو دنیێنە.
ئەنداما کۆردنیاسیۆنوو جەمەو جوانە ژەنا و کۆمەیتەو گەنجا پەکەکەی بشەنگ بروسکە و ئەندامەو ڕاوەبەری جەمەو جوانە ژەنا - جەمەو گەنجا هامڕا سارا هۆگرە کە دلۍ جەنگێوە سەختینە بە سەرمەشقایەتی فیداییانەو جمیەروو ئازاڎیی کوردسانی و ئاخێزوو ژەنا ئازاڎیی سەرمەشقایەتیشا کەردەبۍ، جە ٢٨و تەمووزوو ٢٠٢٣ێنە جە تەرەفوو دەوڵەتوو تورکی بکوژی و فاشیستیوە، جە هەرێمەکاو پارێزنای میدیاینە جە ئاکاموو هجومی ئاسمانی دەوڵەتوو تورکیوە گەشمەرڎۍ بیۍ.
سەرەوەشی ۋێما پۍ گرڎوو گەلی خەباتکاروو جزیرە و ڕحای، بە تایبەت بنەیانەو سەنگینوو میللیتانیا بەڕێزی پێسە سارۍ و بشەنگێشا گۊرۍ کەردۍ پۍ کۊشیای ئازاڎیی گەلوو ئێمە. حەرپاسە پۍ گرڎوو گەلی وڵاتپارێزوو کوردستانیما، گەنجا و ژەنا ۋەربڕمۍ.
هامڕێما سارا و بشەنگە، هەر جە ڕۊو بەشداربیەیشا پۍ دلۍ خەتەو ئازاڎیی هەتا ڕۊو گەشمەرڎە بیەیشا جە بەشداربیەیۍ بێ دوودڵینە، جە تەماموو ژیۋایشانە بیۍ بە میللیتانێوە نمونەیی ئاپۆیی. هەردووە هامڕاما بە جۆش و فێداکاریێوە شۆڕشگێڵنیوە جە سەرنیشتۆ لووۍ پۍ ۋەرنیشتی؛ چاوە حەتا پانیشت و ۋەرکەوتوو کوردسانی، بە ڕۆحوو فیدایی ئاپۆیۆ بیۍ بە نوێنەرۍ پایەبڵندۍ میللیتانی مۆدێرنێتەو دیموکراتیکی. جە پێکئامای کۆنفیدراڵیزموو گەنجا دیموکراتیکی و کۆنفیدراڵیزموو ژەنا جەهانینە جە ئاستوو سەرمەشقایەتینە یاگۍ گێرێنۍ و خەباتێوە پەڕ مەعناشا کەرد. جە دژوو فاشیزمی دوژمنی، جە گرڎوو مێڎانەکانە بە قارەمانی و فیداکارییوە سەرمەشقایەتی گەنجا و جوانە ژەنا کوردسانیشا کەرد.
ئشناسنامەو گەشمەرڎاما پی جۊرەنە:
ناسنامۍ / بشەنگ بروسک
نامۍ و دما نامۍ / ڕۆژدا بیلەن
شۊنماو جە ئەڎابیەی / لۆزان- سویسرا
نامۍ ئەڎۍ و نامۍ تاتەی / گوڵی - محەمەد
شۊنماو وەختوو گەشمەرڎەبیەی / ٢٨/٧/٢٠٢٣- هەرێمەکۍ پارێزناو مەدیای
*****
ناسنامۍ / سارا هۆگر ڕحا
نامۍ و دما نامۍ / گولسون سلگر
شۊنماو جە ئەڎابیەی / ڕحا
نامۍ ئەڎۍ و نامۍ تاتەی / مەدنە - سەید
شۊنماو وەختوو گەشمەرڎەبیەی / ٢٨/٧/٢٠٢٣- هەرێمەکۍ پارێزناو مەدیای
