کۆمیتەو زینڎانییاو پەکەکە-پاژکی ئاماژەش پانەیە دا، کە جە سەدەە ٢١ینە ئایدۆلۆژیاێوە، کە بتاوۆ قەیرانی سیستماتیک چارەسەر بکەرۆ، ئایدۆلۆژیی ڕزگاریی ژەنێن، هەرپاسە ئاماژە پانەیچ کریان، کە ئایدۆلۆژیی پیاسالاری جوابوو کێشە کۆمەڵایەتییەکا نییا.
کۆمیتەو زینڎانییاو پەکەکە-پاژکی بە بۆنەو ڕۆو ٨ مارسیوە بەیاننامیوە نویسیاش وەڵا کەردۆ و واتش: "ژیوای ئینسانی تەنیا وەختێوە ماناش هەنە کە ئازاڎ بۆ؛ ژیوای دوور جە ئازاڎیی، حەر لاێونە بۆ، پیسە زینڎانێوەن پەی پەی ژەنێ، تاریکا. پەوکای ژیوای مۆدێرنیتەی سەرمایەداری هەمیشە زینڎانێوە سیاوا پەی ژەنا، هێزە باڵادەسەکێ بە نامێ مۆدێرنیتەیۆ پەی خەڵەتنای گلێرگەی بەرڎەوام باسوو یەکسانی و ئازاڎی و برایەتیی کەرا.
بەیاننامەکەنە ئەرەیاونیان، کە ژەنی پێسەو هەمیشەی دەورێوە تاریخی گێڵنا تا ڕووەی هەقەتینەو سیستمی و دەسەڵاتداری نیشانە بدا و وچیان: "ئی دەورە هەنگامێوە تۆکمێنە کە مشۆم ئاستێوە ستراتیژیینە ورسەنگنیۆ، پەی ئەوەڵ جاری چی قۆناغەنە ژەنی سەروو ئاستێوە ڕێکوست و کوێ بیێوە و ناڕەزایی وێشا بە شێوێوە دیموکراتیک، ڕێکوستەی دژوو سیستمی نیشانە دا. ژەنی مدرامانکەرێ هێز و تواناو وێشا جە میراتوو شۆڕشوو تەوەنێوە دەس وستەن.
مافوو چالاکیی دیموکراتیکی بەکار ئاما
شاروو نیویۆرکوو ئەمریکاینە، هەزاران ژەنێ کە جە هەرمانگێوەنە هەرمانە کەرێنێ، تا بارودۆخوو هەرمانکەرڎەی و وەختوو هەرمانێشا سەرڕاس کەراوە، تا مووچەی یەکسان، چەنی هەرمانەکاشا و کۆشیای سروشتوو ژنا، ئاستێوەتارێخینە مانیشا جە وارڎەی گێرت. ئی مدرامانەو ژەنا وەراوەروو عەقڵیەتوو جێندەریی سیستموو هەژموونیینە میتۆدێوەن کە پەی هەموارکەرڎەی دیموکراسی. ژەنی دژوو دژی مۆدێرنیتیی سەرمایەداری مافوو چالاکیی دیموکراتیکییشا بەکار ئارد، کە مافوو ئازاڎی و یەکسانیین. ڕابەرایەتی ماچۆ: "گردوو ڕووەداێوە و دەرفەتێوە پێویسێنێ پەی شۆڕشی". پەی ماڕای مانگێرتەی جە وارڎەی، کە مافی دیموکراتیکیی ژەنان و ڕا جە فراوانبییەی کۆشیایشا گێرۆ، مۆدێرنیتیی سەرمایەداری بەرەو هەرمانگەکەیش سەرشارە وزۆرە و ئێرشا وەر مدۆنە. چی هەرمانگەنە ١٢٩ ژەنێ وێگێرتێ مانگێرتێ جە وارڎەی سۆتێ و مەرڎێ سیستموو حوکمڕانی گەرەکش بێ بەدڕندانە کۆشیای مدرامانوو ژەنا سەرکوت بکەرۆ، بەڵام سەرەڕاو ئینەیچە کۆشیای ژەنا هەنگام بەهەنگام تەشەنە کەرێ و یاوا ئی ئاستە. ئی مەشخەڵوو ئازاڎییە بە سەرمەشقایەتیی جمیەروو ئازاڎیی ژەناو ئێمە بەرڎەواما.
ئایدۆلۆژیی ڕزگاریی ژەنێ
ڕابەرایەتی بە ئایدۆلۆژیاو ڕزگاریی ژەنا، کە ساڵەو ١٩٨٨ ئەرەیاونانش، نیشانەش دا کە هێزی دینامیکوو ژەنا کە ٨ مارسینە نمایش کریا، نەتاویا ڕاش وەنە گێریۆ و چێولایچ ڕاش وەنە مەگێریۆ. ئایدۆلۆژیاو ئازاڎیی ژەناو ئێمە ئا ئامانجەش پەی وێش ورچنیەن، کە وەراوەروو واقیعوو کۆیلایەتیی ژەنانە، ژەنی پەشتی بە هێزوو ویشا بەسا، ئیرادەشا بۆ، با بە سەرچەمە سەرەکییەکاو ژیوای و پەیوەندییەکا و پلێ سەربەوێشا بۆ. پەوکای بە ئایدۆلۆژی ئازاڎوو ژەنێ، کە ڕابەرایەتیما جە ٨ مارسوو ١٩٨٨ینە واتش: "ئیتر نە تەنیا ٨ مارسی، بەڵکوم گرد ڕووێوە بۆ بە ڕۆو ژەنا."
پەی خۆڵقنای کۆمەڵایەتیی تازەی
سەدەو ٢١ینە ئایدۆلۆژیاێوە بتاوۆ قەیرانی سیستماتیکوو گلێرگەی چارەسەر بکەرۆن، ئایدۆلۆژیای ئازاڎوو ژەنێن. ئایدۆلۆژی پیاسالار نمەتاوۆن جوابوو کێشە کۆمەڵایەتییەکا بۆ. چونکوم تواناو چارەسەروو کێشەکاو گلێرگەیش نییا، جیای چارەسەروو کێشەکا زیاتەر کەرا. تەنانەت هەرمانەو چارەسەرکەرڎەی کێشەکاو وێش نییا. بە پێچەوانەو شوناسە ئایدیۆلۆژییەکا مۆرەو پیاسالارییشا هەن، ئایدیۆلۆژیی ئازاڎوو ژەنێ هێزوو ئانەیشە هەن جە چارەسەروو کێشەکانە هەنگامە بەرەو وەڵێ بنیۆ. عەقڵییەتی هەژموونوازوو سەدەو ٢١ ئەرەیاونۆش پێویسش بە ئایدۆلۆژی نییا، پەوکای گەرەکشەن گلێرگەکا بێ ئایدۆلۆژیا و شوناس با. ئایدۆلۆژیی شناسنامەو گلێرگەین و بەبێ ئی شوناسەیە، کۆمەڵایەتییی تازە نمەتاوۆ وەش بۆ.
مشۆم باوڕما بە سەرکەوتەی ئی قۆناغەیە بۆ
یوە چا پەرسە بنەڕەتییا، کە مشۆم چوارچوەو ئی هەنگامێنە گرنگییش بدەیمێ پەنە ئانەن؛ پێویسا تا دمایی باوڕمان بە سەرکەوتەی ئی قۆناغەیە بۆ و بە گروو هێزیماوە پەی بەدەسئارڎەی ئەنجامێوە سەرکەوتەی هەوڵێ دەیمێ. دەرفەتاو سەرکەوتەی فرێنێ و فرە بەرزێچ، فاشیزموو ئاکەپە-مەهەپەی جەنگوو دژوو ئێمەنە بە نامێ "پلانی شکست"ینە بە جیددی شکسش ئارڎەن. ئەگەر حەر بوارێوەنە بیمێ، دەوروو وێما بەکار بارمێ، مشۆم پا زانایە کە سەرکەوتەینە بەدەسما ئارڎەن، کۆشیای و مدرامانما زیاتەر کەرمێ. ئی پڕۆسە پڕۆسەو یاواین بە ئامانجەکاما. دوژمن بە گرد ڕاێوە مومکینە هجووم کەرۆ و هەوڵێ مدۆ ئی قۆناغەیە بێکاریگەر بکەرۆن، بەڵام سەروەریی ئەخلاقی، ئایدیۆلۆژی، سەروازی و سیاسی بەتەمامی بەدەسوو ئێمەن. ڕابەر ئاپۆ سەرۆکایەتی شکۆدارتەرین مدرامانی کەرۆ گرد بوارێوەنە کە مدرامانوو ئیمرالیین. ئی مدرامانە بێوێنە گرد بوارێوەنە سەروو بنەماو خەتێ فیداییوە جوابوو وێش ورگێرۆ.
مدرامانوو زینڎانییا پێویسیێوە بنەڕەتیین
سەرەڕاو گردوو هجووم، توندوتیژی زینڎانەکانە، مانگێرتەی جە وارڎەی بۆنەو ئا هەلومەرجەیۆ کە زینڎانەکانە بییەن زووتەر دەسش پەنە نەکەرد. هامڕێما زینڎاننە ٢٧ تشرینوو دووەمی بۆنەو هەڵمەتەو "ئازاڎیی پەی عەبدوڵا ئۆجالانی، چارەسەری سیاسیی پەی پەرسەو کوردی" مانشا جە وارڎەی گێرت. مدرامانوو مانگێرتەی جە وارڎەی سەرەڕاو گردوو هجوومەکاو دوژمنی بە ئیرادەوە بەرڎەواما. درێژەدای بە کۆشیای زینڎانەکانە بە مدرامانێوە گەورە نیشانێ خەتەو فیداییبییەی جمیەرەکەیمانە زینڎانەکانە. پەوکای پێسە چەنی گەریلا سەروو خەتەو فیداییبییەیۆ مەیدانەکاو جەنگینە، تونێلەکانە، کەشەکاو کوردستانینە درێژە بە کۆشیای مدا. بە مانگێرتەیشا نیشانەش مدا کە چنی زینڎانەکانە بە مانگێرتەی جە وارڎەی وەرگێریی گرد چێوێوە کەرا. بە ڕۆحوو مدرامانوو هامڕایاما سەکینە جانسزە، کە ١٢ ئەیلوولینە ڕووبەڕوو ئەشکەنجەو فاشیزمی بیێوە و مدرامان کریۆ.
گردوو سەرنجێما مشۆم سەروو سەرکەوتەی قۆناغەکەیۆ بۆ
تا پڕۆسەو هەڵمەتەکێ سەرکەوتێ بۆ، پێویسا گرد لایێ گرد بوارێوەنە بە گردوو هێز و توانایماوە سەرنجەما سەروو سەرکەوتەی هەڵمەتەکێ بۆ. پێسە مشۆم بە ئیرادە، باوەڕ و فیداکارییوە هەرمانە کەرمێ. وەفاداری بە سەرۆکایەتی و بەیاگەیاونای وەرپەرسیی تارێخی و ئیساتێ، تەنیا بە سەرکەوتەی هەڵمەتەکێ بەدەس مێ. پێسە ڕۆو ٨ مارسی ڕۆو جیهانیی ژەنێن بە تایبەت جە هامڕایاو زینڎانیما، جە ئەدا بەنرخەکاما کە پەی دادپەروەریی کەوتێنێ ئیشکگێری مەبارەک کەرمێ و سڵام جە مدرامانیشا کەرمێ.
