تەڤگەروو گەنجاو ئێزیدخانی ئارۆ بە درووشموو "پەی ئازادیی ڕابەر ئاپۆی جەنگوو ئازادی سەر وزدێ، وێڕاوەبەریی شەنگالی مسۆگەر کەردێ"، یەرەمین کۆنفرانسوو وێشا کەرد. سەدان گەنجۍ ئێزدیۍ و عەرەبۍ و تورکمانۍ بەشدارۍ بێنۍ و سەرکەوتەی فیکری نەتەوەی دیموکراتیکوو ڕابەروو گەلوو کوردی عەبدوڵا ئۆجالانیشا بە یۆبییەی و هامپەیمانی و هەڵوێستوو وێشا نیشانە دا. کۆنفرانسەکەنە بابەتی سەرەکیی گردوو پەیامەکا ئازادی جەستەیی ڕابەروو گەلوو کوردی عەبدوڵا ئۆجالانی و مسۆگەرکەردەی وێڕاوەبەریی شەنگالی بێ.

لە کۆنفرانسەکەنە بە نامۍ فەرماندەیی یەبەشەی، خەمگین شەنگالی، بە نامۍ مەجلیسوو وێڕاوەبەریی شەنگالیوە جیهان جەلۆ، بە نامۍ تاژێ، ڕیهام حەجۆ پەیاموو وێشا پێشکەش کەرد. پەیامەکانە دەوروو گەنجا جە پارێزنای شەنگالی و ڕێکوستەی و وەڵیوستەی سیستموو وێڕاوەبەری دەسنیشان کریا و ئەوەخوای کریاوە شەنگال بە فیکروو نەتەوەی دیموکراتیکی لاو گەنجاوە ڕێک وزیۆ.  

کۆنفرانسەکەنە پەیاموو پەشتیوانیی گەنجاو مەخموری و ئەورووپای وزیا ڕووە.

کۆنفرانسەکەنە پەیاموو ڕابەروو گەلوو کوردی عەبدوڵا ئۆجالانی پەی گەنجاو ئێزدی پێشکەش کریا، ئینەیچ جۆشوخرۆشێوە خاسش بە کۆنفرانسەکەی دا و پەیامەکە بە هەلهەلۍ و چەپڵەڕێزان خێرامای کریا.

دمایی بەنامۍ یەکینەکاو ژەناو شەنگالیوە، نۆدا شەنگالییە، واتش: "باوڕمان پاسنەنە، گەنجەکێما شەنگالنە با بە هێزوو سەرکەوتەی شەنگالی".

کۆنفرانسەکەنە ڕاپۆرتەو هەرمان و چالاکییەکاو ساڵۍ وەڵینۍ ونیاوە، دمایی پەیلوای و ورسەنگنایەکێ، پەیڕەوو دلۍ یۆبییەی گەنجاو ئێزیدخانی تازە کریاوە.  

بەپاو پەیڕەوەکەی، بێجگە جە گەنجە ئێزدییا گەنجای تەروو شەنگالی متاوا وێشا سایۍ ئی یۆبییەینە ڕێک وزا، چی چوارچوەنە دەسوەڵێوزوو گەنجە عەرەبا ئەرەیاونیا.

دماتەر قەرارەکۍ پەسەندۍ کریێ، بەشێوە جە قەرارەکاو کۆنفرانسەکە:

- یۆبییەی گەنجاو ئێزیدخانی ئازادیی عەبدوڵا ئۆجالانی و دماییئاردەی بە گێرتەیش کەرۆ بە چەقوو هەرمانۍ و خەباتەکاش.

- پانێڵێوە سەروو گرنگیی ئازادیی عەبدوڵا ئۆجالانی و فیکریش کریۆ.  

- دژوو ئەرەگیرکەردەی وەڵاتی و ئێزیدخانی، گرد نۆعە چالاکیێوە کریۆ و هەرمانەو وێپارێزنای وەشە کریۆ.

- هەرمانەکاو ئەکادیمیاو خەمگین ڕۆژی، هەرمانەکاو پەروەردەی و ڕۆو وانای عەبدوڵا ئۆجالانی کارا کریۆ.

- ڤیستیڤاڵوو چاندی و وەرزشوو گەنجان ڕێک وزیۆ.

- گردوو دەگا و گلێرگەکانە کۆمۆنوو گەنجان مەرزیۆرە.

- دەگا و گلێرگە و شارۆچکەکانە کۆمیتە و یۆبییەی گەنجا وێشا جە فەرمانا پارێزنا و وێشا ڕێک وزا.

- چا یاگانە کە گەلوو عەرەبی مژیوا، ئەکادیمیا و خولۍ پەروەردەیۍ کریاوە.

- خەباتوو گەنجاو عەرەبی زانکۆکانە ڕێک وزیۆ.

کۆنفرانسەکە بە قسۍ یۆبییەی گەنجاو ئێزیدخانی دماییش ئاما، سارا کۆنفرانسەکەش جە گردوو گەشمەرداو گەش ئێزیدخانی مەبارەک کەرد و واتش: "گردوو ڕوەکاما فاڕمۍ پەی ئازادیی ڕابەر ئاپۆی. ئیتر گەنجاو ئێزدی داراو شناسنامەیشانێ. ئیتر گەنجاو وەڵۍ ٢٠١٤ نیەنێ، کە نەتاومۍ جڤاکەکەیما پارێزنمێ. کۆنفرانسەکەی کەرمۍ  دیاریی مام زەکی و زەردەشتی و پیر چەکۆ و دیندار و شێرزاد و ئارگەشی و گردوو گەشمەردا. سەرکەوتەی پەی شەنگالین. دوژمن حەرگیز مەتاوۆ ئامانجەکاش شەنگالنە بارۆ دی. بژیوۆ ڕابەر ئاپۆ. بژیوۆ مدرامانوو شەنگالی".

ئینجا کۆنفرانسەکە بە جۆشوخرۆشۆ دماییش ئاما.