کۆنفرانسەکەو تەڤگەروو ژەنە ئازادا (تەژەئا) بە ناموونیشانوو "زەنجیروو بێدەنگیی: وڕنای دیواوو زیندانییە سیاسی"یا بەردەواما. چندین سیاستمەدارێ و چالاکێ و ڕۆنامەوانێ بەشدارێ کۆنفرانسەکەی بێنێ.

دماو قسێ ئەوەڵی و ورگێرتەی وچانێوە، کۆنفرانسەکە بە بابەتوو "دیاێوە پەی زیندانەکاو ئارۆو تورکیای" بەردەوام بی.

گوڵسەرەن یۆلارییە سەرپەرشتیی ئەرەنیشتەکەیش کەرد و تیشکەش وستە سەروو  پاشێلکاریی زیندانەکا، دماتەر ئا زیندانییێ کە دماو ٣٠ ساڵا ئازادێ بیێ ئامێ سەروو سەکۆکەی و سڵامشا وەنەو ژەنا کەرد. سپاسوو کۆشیای ژەناشا کەرد پەی زیندانییا، جەختشا چانەیە کەردۆ کە بەردەوامێ با جە کۆشیای و مدرامانی.

ئەلکای دەمیر کە ساڵەو ١٩٧١ لوان زیندان و٦٨ ساڵێن، ئەرەنیشتەی یوەمنە تیشکەش وستە سەروو ئەشکەنجەو ساڵاو حەفتای و هەشتاکا زیندانەکانە و واتش: "ئا وەختە فشار و ئەشکەنجەی گەورە زیندانەکانە بێنێ. جبەریچۆ مدرامانێوە گەورە بێ. متاومێ بواچمێ گۆشەگیری دلێوە بەرەو بەری ملۆ. بەریچۆ کۆشیای ئازادی متاوۆ گۆشەگیریی ماڕۆ. پەنەوازا بە گردوو هێزیماوە گۆشەگیری پووچەڵ کەرمێوە".

حەر کۆنفرانسەکەدا پارێزنەرەڕۆشەن سەعیدئۆغلووە، بابەتێوەش بە نامونیشانوو "وەڵابییەیوە سیستموو گۆشەگیریی زیندانەکا جڤاکنە" پێشکەش کەرد، ئاماژەش پانەیەە کەرد موازییۆ مەودێوە بەینوو زیندانی و جڤاکینە وەش کریۆ، گۆشەگیری تەنیا زینداننە نییا، زیندان بییەن بە ئامرازوو گۆشەگیری، جە ڕاو زیندانەکاوە سیاسەتوو متەیرەی جڤاکی ئامادە کریۆ، دماتەر واتش: "ئێمە چەنی زیهنیەتوو پیاسالاری ڕووبەڕووێنمێ، ئیساتێ هەزاران ژەنێ دادگایێ کریا. ژیوای ژەنا وزا چێروو گۆشەگیری و زیندانیوە".

سەرۆکوو کۆنسەو ناوەندیی یۆبییەی دکتۆراو تورکی، پرۆفیسۆر شەبنەم کۆرور فینجانجییە بابەتێوەش وست ڕووە بە نامونیشانوو "پاشێلکەردەی مافوو تەندروسیی ژەنە زیندانییە سیاسیا و کۆشیای ژەنە زیندانییەکا"، ئاماژەش پانەیە کەرد، کە ڕەوشوو زیندانییەکا فرە خراپا و پەنەوازییە سەرەتاییەکێ فەراهەم نەکریێنێ، ژەنە زیندانییەکێ ئینێ چێروو ئەشکەنجەینە، ئی ورسونیشتەو سیستمی، بۆ مایێ مەردەی زیاتەروو زیندانییەکا.

چالاکەو تەژەئای، چاگلار دەمیرەلە، ئاماژەش بە مدرامانوو ژەناو کوردی کەرد، واتش نەوەک حەر پەی شناسنامەو ژەنا بەڵکوم پەی شناسنامەو نەتەوەییچ کۆشیا. ئاماژەش بە دەوری سەرمەشقوو ژەناو کوردی کەرد، قۆناغە جیاوازەکانە، بەتایبەت مدرامانوو ساکینە جانسزێ و گوڵتان کشاناکێ؛ دماتەر واتش: "پەی لابەردەی گۆشەگیری سەروو ڕابەروو گەلوو کوردی عەبدوڵا ئۆجالانی ساڵەو ٢٠١٢ بەشداریی مانگێرتەیش جە  واردەی بێنا. دماو ٦٨ ڕوا جە مانگێرتەی، پرۆسەو دایوسانای دەسش پەنە کەرد. ئینە دەسکەوتوو سەرەوردایەکا بێ. ڕابەروو گەلوو کوردی عەبدوڵا ئۆجالانی واتش "ئەگەر ژەنی جە دایوسانەکانە نەبا، دایوسانای مەکەروو". هامڕێوەما دایوسانەکێش یاونێ یاگێ. پینەیچ پەی دەوڵەتیش ڕۆشن کەردۆ کۆشیای ژەنا چند گرنگا".