کۆنفیدراسیۆنو سەندیکاکا گالیسیای یۆ جە سەرمەشقەکا هەڵمەتەو جەهانیی پەی ئازادیی ڕابەرو گەلوو کوردی عەبدوڵا ئۆجالانی، سەرنجش وست سەرو گۆشەگیری ڕەهای و داواش جە ڕێکوزیا مېیاننەتەوەییەکا کەرڎ ۋەرپەرسانە جماوە.

کۆنفیدراسیۆنو سەندیکاکا گالیسیای دەربارەو هەڵمەتەکۍ ئەرەیاۋنێوەش ۋەناوە، ئەنداماو سەندیکاکەی پۆستەرۍ ئازادی پەی ڕابەرو گەلوو کوردی عەبدوڵا ئۆجالانیشا بەرزۍ کەردۍ، جە ئەرەیاۋناکەینە ئاماژە پانەی کریان کە ئیمراڵینە سیستەمو ئەشکەنجەی هەن.

ئاماژە پانەی مکەرۆ کە چارەسەرنەکەردەی پەرسو کوردی جە تورکیانە، ناسەقامگیری سیاسی و جەنگ مارۆنە ئاراوە، مەبۆ بە مەڵامەتو ئەرەگیری و نەژاڎپەرسی و فشارو سەرو ژەنا و ستەمی ئیکۆلۆژی و کاولبیەو ژیۋگەی.

جە ئەرەیاۋناکەینە داوا جە سکرتێرو گرڎیی کۆنسەو ئۆروپای و سی پی تی و کۆمیسیۆنو مافەکا مرۆڤو ئۆروپای و کۆمیتەو وەزیرا و کۆمیتەو مافەکا مرۆڤو نەتەوە یۆگێرتەکا و ڕێکوزیا پەیوەندیدارەکا مکەرۆ هەڵوێس بگێرانە ۋەر، ماچۆ: "ڕا بڎریۆ، عەبدوڵا ئۆجالان چەمش بە پارێزنەراش و بنەیانەکەیش گنۆ و پەرسو کوردی بەشێوێوە دادپەروەر و دیموکراتیک چارەسەر بکریۆ".

دماتەر ئەندام و ڕاوەبەرا کۆنفیدراسیۆنەکەی درووشمەو "ئازادی پەی عەبدوڵا ئۆجالانی"شا بەرزکەردۆ.