ئەنجومەنو کۆنگرە ستاری سەبارەت بە هرووژمەکا دۆڵەتو تورکی و چەتەکاش پەی سەرو کانتۆنو عەفرین-شەهبای بەیاننامێوە نویسیاش وەڵاکەرڎۆ.

جە ئەرەیاۋناکەینە ئاماژە پانەی کریان، جەنگ، ئاڵۆزی و پشێوییەکۍ ۋەرکۆتوو مېیامینی کاریگەری نەرێنیش سەرو ئاژەو گلێرگەی و گەلا بەتایبەتی ژەنا و زاوڵا هەن.

هەرپاسە جە ئەرەیاۋناکەینە ئاماژە بە پێشئامایەکا حەڵەبی و هۆرشێونایۆ هێزەکاو حکومەتو دیمەشقی و هرووژمو چەتەکا دۆڵەتو ئەرەگیرو تورکی پەی سەرو کانتۆنو عەفرین – شەهبای کریان و باس چانەیچ کریان کە ئاژەکە دەرەنجامو چارەسەر نەکەردەی ئاژەی دلێینەی بە رێبازی سیاسی سوریای و جابەجێ نەکەردەی قەرارو ٢٢٥٤ـە و هتد. پېسە بەردەوام بی: "چێوۍ تەر کە ئاژەکەش پی ئاستیە یاونان، خودو حکومەتو دیمەشقین. دیمەشق دیالۆگ قبوڵ نمەکەرۆ و جوابو داواکارییەکا چارەسەری ۋێڕاوەبەری دیموکراتیکیش نەڎانۆ، بەپێچەوانۆ ڕاش پەی جینۆسایدێوە تەری کەردەنۆ."

جە ئەرەیاۋناکەینە ئاماژە پانەیچ کریان کە چی ئاژەو سوریاینە دۆڵەتو ئەرەگیرو تورکی ئیسفاڎەش کەردەن، دۆڵەتو ئەرەگیرو تورکی پەی یاوای بە مەرامەکاش ستەمکاری، فاڕیای دیمۆگرافی پەی بەدیئامای میساقی میللی جە ئاژەو ئیساتێ ئیسفاڎە هۆرمگێرۆ. پەی یاوای پا مەراماشە، چارەسەری دیموکراتیکی لاواز مکەرۆ و هەوڵ مڎۆ دەسکۆتەکا گەلەکەیما و شۆڕشو ژەنا دلێنە بەرۆ و مڎرامانوو کوردی، عەرەبی، ئاشووری، ئەرمەنی و نەتەوەکا تەری و تورکمانی نازۆنە."

جە دما دمایی ئەرەیاۋناکەینە ئامان: "جە ۋەرا ۋەرو ئا جەنگ و ملەملانێیانە، پېسە گەلاو ناوچەکەی، بەتایبەتی ۊیسە ژەنۍ، پەنەوازا ۋێما بەڕێکوستەی و ۋێما پارێزنمۍ، هەرپاسە بە پاو ستراتیجو جەنگی شۆڕشگێڵنی گەلی هەنگامە هۆرگێرمۍ و  پەرە بە ۋێپارێزنایما بڎەیمۍ، گەلی و خاکەکەیما و بەها کۆمەڵایەتیەکا پارێزنمۍ. بە باوەڕی بە قیمەتو ژیۋای ئازادی و بە کەرامەتی جە گرڎ ئاستێنە مڎرامان و ئەرەکۊشای بەرز بکەرمێوە."