هۊرچنیەکۍ قۆناغەو وەڵۍ هۊرچنیەی کە جە ٢٧و نیسانینە جە کانتۆنوو عەفرین-شەهباینە کریابۍ پەی کاندیداو ژەنا پەی هۊرچنیەو شارەوانی دمایش پنە ئاما. بە ۋەنایۆ بەیاننامېوە کۆنگرە ستار ئەنجامەکېش ئاشکرۍ کەردۍ.

بەیانناماکە بەزۋانەکا کوردی و عەرەبی جە تەرەفوو ئەنداماو کۆنگرە ستاری ریحانە عەلۆیۍ و فەریدە ئیبۆیۆ ۋنریاوە.

جە ئەرەیاۋناکەینە ئاماژەشا پانەی کەرد، ئەنجامەکاو قۆناغەو وەڵۍ هۊرچنیەو شارەوانییەکا جە گرڎوو ژەنا پیرۆز مکەرمۍ و پی جۊرە بەردەوام بۍ: "قۆناغەکۍ ۋەڵۍ هۊرچنیەی بەشێوێوە ڕۊشن و بە بەشداری ژەنا گرڎوو پێکئامایەکا پەی ماوەو ڕووۍ بەردەوام بۍ. دماتەر دەنگەکۍ ئەژماریۍ و ئەنجامەکۍ ئەرەیاۋیۍ، پەی ئانەی بەشدارۍ با جە قۆناغەو ئاینڎەو هۊرچنیەکانە.

کاندیدە بەرشیەکۍ ئینێنۍ؛

پەی مەنتیقەو شێراوەی؛ ئاسۆم محمەد حمادە

پەی مەنتیقەو تل رفعەتی؛ ئەحرەسێ ئیمان تۆکۆ

پەی مەنتیقەو ئەحداسی؛ رۆزالین گۆشان

پەی مەنتیقەو فافینی؛ گەلاوێژ سلێمان سلێمان."