مەجلیسوو کۆنگرە ستاری بۆنەو ڕۊو جە ئەڎابیەو ڕابەروو گەلوو کوردی عەبدوڵا ئۆجالانیوە پەیامێوە مبارەکبایش وەڵاکەردۆ و ئاماژەش پانەی دان کە فەلسەفەو عەبدوڵا ئۆجالانی گرڎوو گەلیش کۊکەردۆ، پۊکاتی دەوڵەتا پیلانگێڵنی بە سەرمەشقایەتی دەوڵەتوو تورکی، پیلانگێڵنی میان نەتەوەیشا ئەنجام داو ٢٥ ساڵۍ چێوەڵتەر ڕابەروو گەلوو کوردی عەبدوڵا ئۆجالانشا گێرت.

جە ئەرەیاۋناکەو یەژا ستارینە ئامان: "ڕەفتار و هەڵسوکەوتوو دەوڵەتوو تورکی ئەرەگیری ۋەرا ۋەر بە ڕابەر عەبدوڵا ئۆجالانی، هەرمانێوە دژە مرۆڤایەتی و نا ئەخلاقیەنە. سەرەڕاو ئا کاراو دەوڵەتوو تورکی دیسان نەتاواش گەلی جە ڕابەر عەبدوڵا ئۆجالانی بڕۊرە. بە پێچەوانۆ ئارۆنە ڕابەر عەبدوڵا ئۆجالان بیەن بە ڕابەرێوە جەهانی و ڕۊشنایی پۍ چارەسەرکەردەی پرسە جەهانییەکا. ۋەروو ئانەی جە ٩و تشرینوو یووەمیوە جە ٧٤ ناوەندانە جە سەرانسەروو جەهانینە هەڵمەتەو "ئازاڎیی پۍ عەبدوڵا ئۆجالانی، چارەسەری پۍ پرسوو کوردی" ئەرەیاۋییا. لایەنە گلێرگەی، سیاسی، چاندی و ئازاڎیوازا بەشدارۍ هەڵمەتەکۍ بێنۍ. ۋەروو ئانەی عەبدوڵا ئۆجالان هەڤاڵوو ژەنان و پۍ ڕزگارکەردەی ژەنا جە کۆیلایەتی و چەوەسنایۆ کۊشیان. پۊکاتی ئێمە خاوەنداری جە دۆزەکەی مکەرمۍ و پۍ ئازاڎیی ئاڎیی چالاکی ئەنجام مڎەیمۍ. داوا جە ژەنا مکەرمۍ بانۍ بە یۆ و پەشگیری جە دۆزوو ڕابەرایەتی بکەرا، چونکی ئازاڎیی ئاڎیی ئازاڎیی ژەنۍ و گلێرگەین."