کۆنگرەو گەلی، داوا مکەرۆ جەژنەو ڕەمەزانی بۆ بایسوو پتەوکەردەیۆ یۆبییەی و واتش: "ڕۆحو مدرامانی چا سەردایانە وەڵا بکریۆوە و گەلەکەما پەی پتەوکەردەیۆ یۆبییەی کۆمەڵایەتی سەردایەکانە پێسەو دەرفەتێو ئیسفادە بکەرۆ."
دیوانو هامسەرۆکایەتیی کۆنگرەو گەلی بە بۆنەو جەژنەو ڕەمەزانیوە پەیامێوەش وەڵا کەردۆ.
لە پەیامەکەنە پێسە وچیان، " جەژنەو ڕەمەزانی مەبارەکی وەنەو ڕابەر ئاپۆی و گەلو کوردستانی و جیهانی ئیسلامی مەبارەکبایی ماچمێ، هومێدەوارێنمێ جەژنە بۆ مایێ وەسیلەو پەشتیوانیی کۆمەڵایەتی پەی گەلەکەیما بەتایبەت چی پڕۆسە چارەنویسسازەنە."
دەقو پەیامەکەو کۆنگرەو گەلی ئینەن:
'گەلو حەر چوار پارچەو کوردستانی جە هەلومەرجێوی فرە جیاوازنە خێرامای ونەو ئی جەژنێ مکەرانێ، ماوەو شش مانگی ویەردەینە، چوارچوەو هەڵمەتەو 'ئازادیی پەی ڕابەر ئاپۆی، چارەسەری سیاسیی پەی پەرسەو کوردی'، کوردستاننە و مەیدانی میاندەوڵەتیینە وەڵێکەوتەی گرنگ ئاما ئاراوە."
سەرو بنەماو ئازادی جەسەیی ڕابەر ئاپۆی، کۆشیای گەریلای، مدرامانو زیندانییا، چالاکییەکاو شەرمەزارکەردەی پیلانگێڵنیی میاندەوڵەتیی ١٥و شوباتی، بە جۆش و وەشییوە ئاهەنگەکاو ٨و مارسی و نەورۆزی، بیێ بایسو شکسو فاشیزمو ئاکەپە-مەهەپەی ورچنییەیە هەرێمییەکانە و پڕۆسەو وڕیای سیاسیی فاشیزمی دەسش پەنە کەرد.
گەلەکەما جارێوی تەر چی ورچنیەیەنە بە ستراتیژو خەتێ یەرەمێ نیشانەش دا، کە ڕێکوزیاتەرین و سەرمەشقتەرین هێزو دلێنەبەردەی سیستمی فاشیستی تورکیای، بە وەشکەردەی سیستمێوی کۆمەڵایەتیی دیموکراتیکی مکریۆ.
گەلەکەما کوردستاننە سەرەڕاو سیاسەتو قەیومە سەیارەکاو حکومەتو ئاکەپە – مەهەپەی سەرکەوتەێوی گەورەش بەدەس ئارد. پێویسا گەلەکەما پێسەو دەرفەتێو جە سەردایەکاو جەژنێنە پەی قەوەتکەرەی یۆبییەی کۆمەڵایەتی هەرمانەو وێش بکەرۆ.
ڕۆحو مدرامانو خەڵکو وانی دژو فاشیزمو ئەردۆغانی پەی دەسملەرەگێرتەی ئیرادەو گەلەکەیما، نیشانەش دا کە پێویسا بە سەردایەکاو جەژنێ گردو بوارەکانە پەی پەرەدای بە یۆبییەی کۆمەڵایەتی وەڵا بۆوە.
فاشیزمو ئاکەپە-مەهەپەی پەی ڕزگاربییەیشا جە پڕۆسەو وڕایرەی، وێشا پەی جەنگیوی گەورەی ئامادە کەردەن. وەرو ئانەیە نمەتاوانێ جە جەنگو گەریلای و گەلو کوردی ئەنجام وربگێرانێ، شۆنەو پاڵپەشتیی بەریرە مگێڵانێ. ئەردۆغان وەنەو گرد بەرێوە مدۆنێ و دەس پەی گرد لاێوی درێژ مکەرۆ. سەردایەکاش وەرکەوتو دلێڕاسەی و ئەورووپانە و ئەمریکانە پەی ئی مەبەسەیە مکریانێ.
بۆنەو جەنگو فاشیزمو ئاکەپە – مەهەپەیوە دژو گەلو کوردی ئابووری وڕانرە، ئاندە ئی کارەساتە گەورە، کە بە حیچ هێزێو نمەتاویۆ وەرش بگێریۆ. پەوکای متاومێ ساڵەو ٢٠٢٤ بکەرمێن بە ساڵەو وڕیای فاشیزمی و ساڵەو ئازادیی ڕابەر ئاپۆی و گەلەکەیما. ئینەیچ پەیوەندییش بە کۆشیای هێزە دیموکراتیکەکا و گەلەکەیماوە مبۆ.
پی بڕوا و جۆشوخرۆشیوە، جارێوی تەر جەژنەو ڕەمەزانی وەنەو گەلو کوردی و هەرێمەکەی مەبارەک مکەرمێ و هومێد مکەرمێ جەژنە بۆ مایێ وەسیلێوی پەی پەرەدای بە ڕۆحی یۆبییەی کۆمەڵایەتی.
