دیوانو هامسەرۆکایەتی کۆنگرەو گەلی ئەرەیاوناش؛ "پەی شەرمەزارکەردەو پیلانگێڵنی مییاننەتەوەیی و پەی داواو، 'ئازادی عەبدوڵا ئۆجالانی، چارەسەری سیاسی پەی پرسو کوردی'، داوا جە گەلەکەیما مکەرمێ بە‌هێزۆ بەشداری جە ڕاپیمای گۆرەو ستراسبۆرگیینە بکەردۍ".
دیوانو هامسەرۆکایەتی کۆنگرەو گەلی ئەرەیاوناش: جە ٢٦ ـەمین ساڵڕۆو پیلانگێڵی مییاننەتەوەیی ١٥و شوباتینە، بە ڕەقی و تووڕەبییەیۆ هێزە پیلانگێڵییەکا شەڕمەزار مکەرمێ. بە پیلانگێڵی جە دژو ڕابەر ئاپۆی، گەرەکشا بێ خەونو ئازادی گەلوو کوردی دلێنە بەرا. ئی هێزی کە گەرەکشانە جە ڕاو جینۆسایدو گەلوو کوردی سیاسەتەکێشا بە ئەنجام یاونانە.
گرڏو ئا گەشمەرڏا بەشێوێوە فیدایی بە دروشموو "شمە مەتاودێنە ڕۆما تاریک بکەردێ"
جە بەیاننامەو کۆنگرەو گەلینە پېسە ئامان؛
"ئێمە مڏرامانی ڕابەر ئاپۆی کە ٢٦ ساڵێن بەردەواما و بە 'پارادایگماو ئازادی'، پیلانگێڵی مییاننەتەوەیی جە سیستەمو کۆمکوژیی ئیمرالینە پووچەڵ مکەرمێوە، بەڕێزداریی و حورمەتۆ سڵام مکەرمێ و سەرو ئی بنەمێ جارێوە تەر دڵسۆزی و وەفاداریما بە ڕابەر ئاپۆی واوەی مکەرمێوە.
ڕابەر ئاپۆ کە چێرو هەلومەرجو سەختو گۆشەگیرینە جە ئیمرالیی گەرەکشا بێ دلێنە بەراش، بە پارادایمو گلێرگەو دیموکراتیکی ئیکۆلۆژیی کە سەرو بنەماو ئازادیی ژەنێ نیانشەرە، بیی بە مایەو هیواو گێڵای شۆنەو دادپەروەری، یەکسانی، دیموکراسی و ئازادی جە گرڏو جەهانینە. پۆکەی هەڵمەتو ئازادی کە بە دروشمو 'ئازادی پەی عەبدوڵا ئۆجالانی، چارەسەرو سیاسی پەی پرسو کوردی' دەسس پنەکەرد، پەشتیوانیێ فرەش جە گرڏو جەهانینە وەنەکەوتۆ.
جە کاتێنە لێوە جەنگو دەسەڵاتداری سەرو بنەماو ئایین و ناسیۆنالیزمی جە وەرکەوتوو دلێڕاسەینە کۆمکوژی گۆرەشا وەنەکەوتۆ، لێوەتەرۆ پارادایمو ڕابەر ئاپۆی بە 'وێ ڕاوەبەری سەرنیشتوو و وەرکەوتوو سوریا'ی بییەن ڕەمزێوە پەی ژیوایێ دیموکراتیک، ئازادی و یەکسانی پەی گرڏو گەلا و ویروڕا جیاوازەکا.
سەردەمەو جەنگو جەهانی یەرەمینە، ئی جەنگە بییەن بە مەڵامەتو کاوەلکاری گۆرە پەی وڵاتا و گەلا، هیچ چارەسەر نییا و تاکە چارەسەری پڕۆژەو نەتەوەی دیموکراتیکا کە ڕابەر ئاپۆ بە هێڵی یەرەم وەسفش کەردەن و جەلایەنو گرڏ کەسیۆ مشناسریۆ.
ڕابەر ئاپۆ گەرەکشا پەی گەلا دەرفەتێوە خولۆقنۆنە
ڕابەر ئاپۆ چی چوارچێوەنە پەی گەلا تورکیای و وەرکەوتوو مییامینی گەرەکشا دەرفەتێوە تازە خولۆقنۆنە. پەی ئانەی دیدارو ئیمراڵی فاڕیۆنە پەی دەرفەتێوە تاریخی وەرپرسیارەتیێ گۆرە گنۆنە سەرو شاناو گرڏو دینامیکەکا گلێرگەی و سیاسی.
هەر کەسێ کە ئەرەبڕۆ یان پەشتگیریش مەکەرۆ، ڕاستەوخۆ جە ئەنجامو سەختی جەنگو جەهانی یەرەمی وەرپرسیار بۆنە.
پەی سەرکەوتەو ئی پرۆسەیە، بابەتی سەرەکی ئانەن کە هەلومەرجو تەندروسی، ئارامی و ئازادی ڕابەر ئاپۆی خوڵقیۆنە. سیاسەتەکێ جەنگی کە حکومەتو ئاکەپەی بە پاگیریۆ بەرۆش ڕاوە، جە وەراوەرو ئی دەرفەتە تاریخیێنە ڕابەر ئاپۆ گەرەکشا خولقنۆنەش هەوڵو لاڕێرەیش بەرانە. جە وەراوەرو ئی ڕەوشەیەن مشۆن دینامیکو سیاسییەکا و گلێرگەی گرڏ کەسێ هەڵوێس نیشانە دۆنەو، دەنگ بەرز بکەراوە.
ڕابەر ئاپۆ جە ٢٦هەمین ساڵڕۆو باڵبەسکەردەیشەنە پەی ئانەی پیلانەو پلانگێڵی مییاننەتەوەیی سەرو بناغەو جەنگو بەینو گەلا بە تەمامی ماڕانە و چارەسەرو دیموکراتیکو کێشەو کوردی پێک بێنە، پەی مسۆگەرکەردەو ئاشتیی گلێرگەی داوا جە گرڏ کەسێ مکەرا.
'جە ١٥و شوباتینە جە ستراسبۆرگەنە بیمێ'
جە ١٥و شوباتینە ڕۆو شەممەی پەی سڵام کەردەو ڕابەر ئاپۆی و جوابو داوێکێش کەرمێ، ئینایمێ ستراسبۆرگەنە. پەی شەرمەزارکەردەو پیلانگڵی مییاننەتەوەیی و بەرزکەردەیۆ داواکاری پەی 'ئازادی پەی عەبدوڵا ئۆجالانی، چارەسەری کێشەو کوردی'، داوا جە گەلەکەیما مکەرمێ کە بە بەهێزی بەشداری ڕاپیمای و گلێرۆبییەی ستراسبۆرگی بکەرا.
ساڵەو ٢٠٢٥ بۆمە بە ساڵەو هورشێونایۆ سیاسەتو نکۆڵیکەردەی و-دلێنە بەردەت و جە قەنارەدای کە سەد ساڵێن بییەن بە چارەنوووسو گەلوو کوردی. بە ئازاد کەردەو جەسەی ڕابەر ئاپۆی پیلانگێڵی مییانەتەوەیی بە تەمامەتی بێ ئەنجام مەنۆوە.
وڵات و ڕاو گرڏی چەمەڕاو جوابو گەلەکەیمانێ جە پەیامەکەو ڕابەر ئاپۆینە. وەرو ئینەی بەشداریکەردەی جە ڕاپیمای و گلێرۆبییەی ڕۆو شەممەی جە ستراسبۆرگەنە فرە گرنگا. داوا جە گەلوو دۆسەکاما مکەرمێ کە بە دروشمو 'ئازادی پەی عەبدوڵا ئۆجالانی، چارەسەری کێشەو کوردی' بە بەهێزییۆ بەشداری ڕاپیماکەی بکەرا".
