کۆنسەو ڕاوەبەریی کەنەکەی ناڕەزایەتییش بەروست وەراوەرو نەدای مەرسومو هامسەرۆکیی شارەوانیی شاری گەورەو وانینە عەبدوڵا زەیدان واتش: "گەلو وانی بە تەنیا جیا نمازدێ و خاوەنداریی جە ئیرادەو وێتا بکەردێ.
کۆنسەو ڕاوەبەریی کۆنگرەی نەتەوەیی کوردستانی (کەنەکە) ناڕەزایەتییش بەروست وەراوەروو زەوتکەردەی شارەوانیی وانی، ئەرەیاوناش گەل سەرکەوتەی گەورەش بەدەس ئاورد ورچنیەیەکانە. سەرەڕاو ئانەیچە سیستمێوەن کە نادیموکراتیک بییەن، چنی ئانەیە بە دەنگدەری ساختە و فێڵکەردەی چنی شارەوانییەکێشا زەوتێ کەردێ. ئیساتێچ بڕێو شارێنە ورچنییەی پووچەڵ مکەراوە و بڕێو یاگێ تەرێچنە شارەوانییەکا زەوت مکەرا.
کەنەکە دەربارەی هەوڵێ زەوتکەردەی شارەوانیی وانی ئەرەمیاونۆش هیچ یاسا و ویژدان و داد و ئەخلاقێوە چی قەرارەنە نییا و مایێ قبووڵکەردەی نییا، ماچۆ: "ئینە زەوتکەردەی ئیرادەو گەلو وانی و هاموەخت زەوتکەردەی ئیرادەو گەلو کوردستانین. ئی قەرارە سەرو بناغەو دوژمنایەتیی کوردی دریان و قەراریوی نەژادپەرسانەن. گەلو وانی ئیساتێ ئینا جادەکانە و قەرارەکەی شەرمەزار مکەرۆ".
کەنەکە درێژەنە مواچۆ: "داوا وەنەو گەلو کوردستانی و دۆساو گەلو کوردی و هێزە دیموکراتیکەکا مکەرمێ گەلو وانی بە تەنیا جیا نمزادێ، خاوەنداریی جە ئیرادەو وێتا بکەردێ و دژو ئی قەرارا مدردێوە".
هەرپاسە بانگەواز وەنەو ڕای گردینو جیهانی مکەرۆ وەراوەرو ئی قەرارە نەژادپەرستانەیە بمردۆوە و ماچۆ: "پێسە کەنەکە گرد یاگێ و مەیدانێونە تا ئاخر وەراوەرو ئی نادادییە مردمێ و مافو گەلەکەیما مپارێزنمێ ".
