کۊنسەو ڕاوەبەریی کەنەکەی ئەرەیاوناێوەنە بارەو هجوومەکاو سەروو هەولێریوە جگە جە شەرمەزارکەرڎەی هجوومەکا داواش وەنەو دەسەڵاتداراو هەرێموو پانیشتوو کورڎسانی کەرڎێنە ڕا جە حیچ ناڕەزایەتیێوە خەڵکی نەگێرا دژوو هجوومە ئەرەگیرکەرییەکاو ئێرانی و تورکیای.
کۊنسەو ڕاوەبەریی کۊنگرەو نەتەوەیی کورڎسان (کەنەکە) ئەرەیاوناێوەش بارەو هجوومە مووشەکییەکاو سەروو هەولێری وەڵا کەرڎەنۊ بەشێوەشنە ئامان: " دەوڵەتوو تورکیای و ئێرانی ڕوانە، جە هجووم و و ئەرەگیرکاری بەرڎەوامێنۍ، شەوەی وەڵینە پەی چەندەمین جاری، لاو ئێرانیوە بە مووشەکۍ هجووم کریا سەروو پایتەختوو هەرێموو کورڎسانی و یاگۍ مەدەنیۍ بەئامانج گیریۍ و ژمارێوە قوربانیێش دۍ".
واتەنیچش: "ئێمە کۊنگرەو نەتەوەیی کورڎسانینە ئیدانەو گرڎ نۊعە هجووم و پەلامارێوە سەروو گەلەکەیما و دەسکەوتەکاش کەرمۍ، بەداخۊ دەسەڵاتوو هەرێموو کورڎسانی تەمامکەروو پیلانەو دەوڵەتە ئەرەگیران، پانەیە سیاسەتوو پژگنەوزاڵ بە و خوڵقنای ناکۊکیی بەینوو شارەکاشا پەیڕەو کەرڎەن و ئیرادەو خەڵکیشا وەراوەروو دوژمناو کوردینە لاواز کەرڎەن، کە تەنیا پا ئیرادە و یۊگێرتەییە متاومۍ، ڕووبەڕووۍ ئەرەگیرا بیمێوە و پیلانەکاشا شکس پەنە بارمۍ ".
حەر چا ڕووەوە کەنەکە چوار داواکاریێش وستێنۍ ڕووە کە ئینێنێ:
"١- جە گرڎوو شارەکانە خەڵک بە گرڎوو جیاوازی و چینەکاوە ناڕەزایی بەر وزا و دژوو حەر هجووم و پەلامارێوە مرڎاوە.
٢- دەسەڵاتوو هەرێموو کورڎسانی حیچ یاگێوەنە ڕا وەنەو ناڕەزایی گەلی نەگێرۊ، کە دژوو ئەرەگیراو ئێرانی و تورکیای بۊ، داوا وەنەو ڕەوەندی کوردییچ کەرمۍ کە ناڕەزایی فراوان بەروزا و پێسە هەمیشەی پەشتیوانوو دلۍ با.
٣- داوا وەنەو گلێرگەی میاندەوڵەتی و هامپەیمانا کەرمۍ بەیا دەنگ و سنوورێوە پەی ئی هجووم و پەلامارا بنیارە.
٤- بە پاو دەستووری هەرمانەو سەرۊکایەتییەکاو عێراقی فیدڕاڵی و ئەرەمەرزیا ڕسمییەکاو هەرێموو کورستانین، سەروەریی خاک و خەڵکی بپارێزنا و ڕا نەدا، چێروو حیچ پاساوێوەنە کدا پاشێلۍ کریا و مەنتێقەکە کریۊ مەیدانوو جەنگی و یەکلاییکەرڎەیۊ ناکۊکییەکا و لاوازکەرڎەی و دلێنەبەرڎەی دەسەکەوتەکاو گەلەکەیما، پەنەوازا سەرۊکایەتییەکاو عێراقی و حکومەتی ئیتیحادی، دلێنە و بەرۊ هەرمانەی دەستوورییەو وێشا بیاونا یاگێ".
ئەرەیاونایەکە:
ئەرەیاونیاو كۊنسه‌و ڕاوه‌به‌ریی کۊنگرەو نەتەوەیی کورڎسانی، بارەو هجوومەکاو سەروو شاروو هەولێریوە...
گەلوو ئێمە سڵام...
ئەرەگیراو کورڎسانی بە گرڎ نۊعێوە پیلانەو دلێنەبەرڎەی دەسکەوتەکاما و سڕیەیۊ بییەی نەتەوەییما کەرا، سەرنیشت و وەرکەوتنە نکۊڵیکەرڎەی و تاونایۊ کوورۍ نەتەوەی سەرڎەسینە کەرا و وەرنیشت و پانیشتیچنە دلێنەبەرڎەی وێراوەبەری وەرنیشتی و قەوارەو دەستووروو هەرێموو کورڎسانی میاونا یاگێ.
چا چوارچوەنە دەوڵەتوو تورکیای و ئێرانی ڕوانە، جە هجووم و ئەرەگیرکاری بەرڎەوامێنۍ، شەوەی وەڵینە پەی چندەمین جاری ئێران بە مووشەکۍ هجوومش کەرد سەروو پایتەختوو هەرێموو کورڎسانی و یاگۍ مەدەنیۍ بەئامانج گیریێنۍ و قوربانیش دێنێ.
ئێمە کۊنگرەو نەتەوەیی کورڎسانینە ئیدانەو گرڎ نۊعە هجووم و پەلامارێوە سەروو گەلەکەیما و دەسکەوتەکاش کەرمۍ، بەداخۊ دەسەڵاتوو هەرێموو کورڎسانی تەمامکەروو پیلانەو دەوڵەتە ئەرەگیرانۍ، پانەیە سیاسەتوو پژگنە و زاڵ بەی و خوڵقنای ناکۊکیی بەینوو نێون شارەکاشا کەرڎەن و ئیرادەو خەڵکیشا وەراوەروو دوژمناو کوردینە لاواز کەرڎەن، کە تەنیا پا ئیرادە و یۊگێرتەییە متاومۍ، ڕووبەڕوۍ ئەرەگیرا بیمێوە و پیلانەکاشا ماڕمۍ پەوکای داوا کەرمێ:
١- گرڎوو شارەکانە خەڵک بە گرڎوو جیاوازی و چینەکاوە ناڕەزایی بەروزا و دژوو حەرهجووم و پەلامارێوە مرڎاوە.
٢- دەسەڵاتوو هەرێموو کورڎسانی حیچ یاگێوەنە ڕاگێری بەروستەی ناڕەزایی نەکەرا، کە دژوو ئەرەگیراو ئێرانی و تورکیای بۊ، داوا جە ڕەوەندی کوردییچ کەرمۍ ناڕەزایی فراوان بەروازا و پێسە هەمیشەی پەشتیوانوو دلۍ با.
٣- داوا وەنەو گلێرگەی میاندەوڵەتی و هامپەیمانا کەرمۍ کە بەیا دەنگ و سنوورێوە پەی ئی هجووم و پەلامارا بنیارە.
٤- بە پاو دەستووری هەرمانەو سەرۊکایەتییەکاو عێراقی فیدڕاڵی و ئەرەمەرزیا ڕسمییەکاو هەرێموو کورستانین، سەروەریی خاک و خەڵکی بپارێزنا و ڕا نەدا، چێروو حیچ پاساوێوەنە کدا پاشێلۍ کریا و مەنتێقەکە کریۊ مەیدانوو جەنگی و یەکلاییکەرڎەیۊ ناکۊکییەکا و لاوازکەرڎەی و دلێنەبەرڎەی دەسەکەوتەکاو گەلەکەیما، پەنەوازا سەرۊکایەتییەکاو عێراقی و حکومەتی ئیتیحادی، دلێنە و بەرۊ هەرمانەی دەستوورییەو وێشا بیاونا یاگێ.
پارت و لایەنە دەسەڵاتدار وئۊپۊزسێۊنەکاو کورڎسانی مشۊم دەبێت ئانەیە خاس بزانا هیچشا بە پەشتیوانیی دەوڵەتە هامسایا مەتاوا مەناوە، پەوکای مشۊم یوۍ و یۊگێرتۍ با دلێنەو کێشەکاو خەڵکی چارەسەرۍ کەرا و بنەماکاو دیموکراسی و حوکمی ڕەشیدی پەیڕەو کەرا، هام وەخت سەروو ستراتیژێوە نیشتمانی نەتەوەیی ڕێکۍ گنا ئەگەر پاسە نەکەرا بابایسوو دلێنەشییەی قەوارەی دەستووری هەرێموو کورڎسانی و پیلانەو دوژمنا تەمامنا.
ئێمە کۊنگرەی نەتەوەیی کورڎسانینە گرڎ هەرمانێوە نیشتمانیۍ و نەتەوەیێنە، پێسە هەمیشەی هامکارۍ و پەشتیوانێنمێ.
ڕۊحوو قوربانییەکا شاد بۊ.
هومێدوو خاسبییەیوە پەی بریندارەکا موازمێ.
کۊنگرەو نەتەوەیی کورڎسانی كۊنسه‌و ڕاوه‌به‌ری".
