کەرکوک-نە، جەنازەو وەرزېرېۋە بە سەرە بڕیایی ئیزیاۋە
هێزە ئەمنییەکۍ کەرکوکی جەنازەو وەرزېرېۋەشا بە سەرەبڕیایی دیۊ، کە ماوەو چن ڕۋېوە بۍ بێسەروشۊن بۍ.
دماو یەرۍ ڕۋا جە بۍ سەروشۊنبیەی وەرزېرېۋە، هێزە ئەمنییەکۍ کەرکوکی جەنازەکەشا بە سەرەبڕیایی ئېستۊ.
بەپاو قسۍ سەرچەمېۋە تایبەتی پۍ ئاژانسو هەواڵی فورات(ANF) ی، ئا وەرزېرە ئەرەنیشتەو دەگاو مەنسییەی سەر بە ناحیەو رەشادین جە قەزاو حەویجەو کەرکوکی، بەڵام وەرزېرەکە جە ئەسڵەنە خەڵکو پارێزگاو دیالەیا.
ئا سەرچەمە ئاماژەش پانەیچ کەرڎ، ماوەو یەرۍ ڕۋان وەرزېرەکە بێسەروشۊن بیەن و هامسەرەکېش لایەنە پەیۋەنڎیدارەکېش جە بۍ سەروشۊنبیەی هامسەرەکەیش ئاگاڎار کەرڎەبېۋە.
یاگۍ باسیا، حەتا ئیسە پۆلیس سەرحاڵ و ۋنەکۊڵیایا جە تاوانەکۍ و حیچ زانیاریېۋە سەرو ئەنجامو ۋنەکۊڵیاکەی جەلایەنو هێزە ئەمنیەکاوە ئاشکرا نەکریان.
هـ . ش
