کەسایەتی وڵاتپارێزن و تاتەو دووۍ گەشمەرڎا جەلال حاجی خەلیل، کە تەمەنێوە جە گرڎو کانتۆنو جزیرەینە ئەوەکۊشای ئازادیش ڕاوەبەر کەرڎ، ئارۆ جە تەمەنو ٧٠ ساڵینە عەمرەو خوڎایش کەرڎە و میراتێوەش جە ئەوەکۊشای ئازادی و پېوەرەژیۋای پەی گەلا جیائاست.
جەلال حاجی خەڵکو دەگاو عەتبێیی کانتۆنو جزیرەین کە گنۆ سەرنیشتو ۋەرکۊتوو شارو تربەسپیی. تاتەو گەشمەرڎە باهۆز باکۆکی و ڕۆنامەوانو جەنگی، حەقی باگۆکیا کە ٢٠١٧ جە هرووژمېوە دۊڵەتو تورکینە پەی سەرو کەشو باگۆکی جە کاتو ڕووماڵێنە گەشمەرڎەبی.
جەلال حاجی خەلیل یۆ چا کەسایەتییە وڵاتپارێزنانە، چنی ئەرەمەرزنایش، ئاشناو تەڤگەرو ڕزگاری کوردەسانی بۆ و بە مەرامو چارەسەرکەردەی پرسو کوردی دلۍ ڕیزەکاو تەڤگەری ئازادی کوردەسانینە ئەوەکۊشایش ڕاوەبەر کەرڎ.
جەلال حاجی خەلیل جە ساڵۊو ١٩٩٤ی چەمش بە ڕابەر ئاپۆی گنۆ. جەلال حاجی یۆن جە ڕیش چەرما کانتۆنو جزیرەی، دەورێوە کاریگەر گێڵنۍ جە وەڵا کەردەیۆ ئاشتی و وەشەسیای جە ما بەینو نەتەوەکا هەرێمەکەینە. بە بەرکۊتەی شۆڕشو ١٩و تەممووزی، پېسە کۆمیتەو هامپەشتیکەردەی یاگۍ ۋێش دلۍ ڕێکوزیا کۆمەڵایەتییەکانە گێرت و ساڵانێوەن سەرەمڕە ئەوەکۊشۆ.
تەرمو وڵاتپارێزنی و تاتەو دووۍ گەشمەرڎا، جەلال حاجی خەلیل سەرسەعبو ئارۊی (١٦و نیسانو ٢٠٢٥) جە دەگاو سیدکاینە ئەسپەردە بە خاکی کریا.
