جە کانتۆنو جەزیرەیۆ، کارەوانێوە تەر بەرەو تشرین کۊت ڕا
گرووپێوە تازە جە ئەرەنیشتا کانتۆنو جەزیرەی پەی هۊرگېرتەی ئێشکگیری ڕووەشا کەرڎە بەنداوو تشرینی.
جە بەنداوو تشرینینە پاگیری و مڎرامانو گەلو سەرنیشت و ۋەرکۊتوو سوریای ۋەرا ۋەر بە هرووژمەکا دۊڵەتو ئەرەگیرو تورکی و چەتەکاش بەردەواما.
جە شارەکا گەرکی لەگی و دێرک و چلاغاو کانتۆنو جەزیرەیۆ، کارەوانێوە تەر پەی هۊرگېرتەی ئێشکگیری پارېزنای، ڕووەشا کەرڎە بەنداوو تشرینی.
جەماوەر جە یاگۍ مردای ترۊمبێلەکانە کوۍ بیێوە و بە بەرزکەردەیۆ درووشمی بەرەو بەنداوو تشرینی کۊتۍ ڕا.
ئەرەنیشتۍ دێرکی و گەرکی لەگی و چلاغای، چالاکی ئێشکگیریشا جە ئەرەنیشتا حەسەکەی و دەرباسیەی و تەل تەمری و تەل بەراکی و هۆلی و شەدادی، هۊرگێرا.
جە ٨ و کانوونو دووەمیوە، گەلو سەرنیشت و ۋەرکۊتوو سوریای پەی پارېزنای بەنداوەکەی و شەرمەزارکەردەی هرووژمەکا دۊڵەتو ئەرەگیرو تورکی و چەتەکاش پەی سەرو بەنداوو تشرینی و سردەو قەرەقۆزاقی، ئێشکگیری گێرانە.
