ساڵەو ١٩٨٤ بە پێشەوایی فەرمانداری گەورە عەگید(مەعسوم کۆرکماز)ی، سەردەمێوەنە کە سەرنیشتوو کوردسانینە کەس نەتاوێ بەئاسانی باس جە کوردایەتی و کوردسانی بکەرۆ، چالاکیێوە سەروازی مەنتێقەو دەهێنە وەراوەروو ئەرەگیراو تورکیوە کریا. ئی چالاکییە پێسەو فیشەکی ئەوەڵینی پێناسە کریا و تەنیا چالاکیێوی سەروازیی نەبێ. فیشەکوو کوشتەی کۆیلایەتی و بندەسیی کوردستانی و گەشیایوە کولتووری کوردی بێ پەی ئازادی. بە فکر و فەلسەفەو ڕابەر ئاپۆی بە فەرمانداریی عەگیدیوە واوەی ورێستەیوە خەڵکوو کوردی و سەرەوەردای نەتەوێوە بێ.

بە هەزارا هەزار عەگیدێ وەشێ بیێ

ئارۆ٤٠ ساڵێ سەروو چالاکیی یوەم فیشەکیرە مویەرۆ، ئەرەگیرا و تورکی و بەهەزارا فەرماندارێ و کەسایەتیێ سەر بە دەسەڵاتوو تورکی جە ڕۆی ئەوەڵۆ هەڕيشێشا سەروو گەریلاکاو ئازادی کەردە و بە دەسنیشانکەردەی مۆڵەتێوی چند سەعاتی واچێنێ کە ئێمە پەکەکەی دلێنە بەرمێ. سەعاتەکێ ئادیسا ئانا ئارۆ ٤٠ساڵێش سەرەرە لوا و هەزارا فەرماندێ ئەرەگیرێ ئامێ و لوێ بە هەزارا عەگیدێ وەشێ بێی. عەگیدەکاو ئارۆ کوردسانی گورزێ قورسێ و گرانێ ونەو ئەرەگیرا مدانە.  

هیچ چێوێ وەراوەروو گەریلا و ئیرادەیشنە نمەبۆ بە قۆرت

بێگومان سەردەموو قەڵەمبازیی ١٥و ئابینە هەلومەرجوو گەریلای پیسەو ئیساتێ نەبێ، سوپاو تورکی ئا وەختیچە فرە زیاتەر جە گەریلای هێز و ئیمکانیاتی سەروازییش وەروو دەسینە بێ. گەریلا بە هەزارا زەحمەتێ تا تاوێش چەکێوی فەردیی دەس بوزۆ پەی کەردەی چالاکیێوە. چیوێ کە هیچ وەخت نەفاڕیا و ئانەن کە هیچ چێوێ وەردەموو ئیرادەو گەریلاینە نمەبۆ بە قۆرت. هەلومەرجی گەریلا وەکوو ئێستا نەبوو. سوپای تورک ئەو کاتانەش زۆر زیاتر لە گەریلا هێز و ئیمکاناتی سەربازی لەدەست دابوو. گەریلا بە هەزار زۆر و زەحمەتی هەتا دەیانتوانی چەکێکی فەردی ئاسایی بەدەست بێنن بۆ ئەنجامدانی چالاکیەک. شتێک کە هیچکات نەگۆڕا و هەرگیزیش  قۆرتێوە نمەشناسۆ وەردەموو کەردەی چالاکیینە، هەتا پۆڕنای هەرمانێوی ئاسایێ فەرماندە عەگید وەختوو وێشنە گرد چێوێوەش کەرد، کە کەس وەرمیچش پۆوە نەدیەبێ، بە چالاکیێوە وەڵاتش ژووژناوە. عەگیدەکاو کوردسانیچ ئا سەرکەوتەیە ئارۆ بەدەسشا ئاردەن هەمان پاگێرتەیرەی فەرماندرا عەگیدین کە ١٥و ئابینە دیما ئارۆ واوەی وەڵات بە چالاکیێوە گەریلای مبووژیۆوە، دەولەتوو تورەکی و سوا ئەرەگیرەکێش چند دەوڵەتێ زلهێزێ پەشتیشۆ بانە و تەکنیکێ وەڵیکەوتێش وەروو دەسینە با، گەریلا متاوۆ وێش وەراوەرنە بپارێزنۆ و ئی تەکنیکە سەروازییە وەڵێکەوتەیە دلێنە بەرۆ.

حەر چالاکیێوی گەریلا ئرماننەروو زیندەیی فەرماندە عەگیدین

ئێساڵ کەشە سەرەبەرزەکاو کوردستانینە، بەتایبەت هەرێموو بادینانینە جۆشوخرۆشێوە فرە موینیۆ و گەریلاکو کوردسانی عەگیدانە خێرامای جە قەڵەمبازوو ١٥و ئابی مکەرا. حەر گەریلاێوە کە موینمیش پا مگێرۆرە سەروو سوپاو تورکی ئەرەگیری و بەدەسئاردەی ئازادی. یاگێ ئاماژەینە حەر فیشەکێوە کە ئارۆ گەریلا متەقنۆش نە تەنیا وەراوەروو ئەرەگیراوەن هەمان وەختەنە وەراوەروو عەقڵیەت و خیانەتی و خائیناو کوردسانیچا. پا مانێ ئارۆ جە گرد ڕوێ زیاتەر بەڕۆشنی دەسکەوتەکاو قەڵەمبازوو ١٥و ئابی موینیا، گردوو چالاکی و ئۆپراسیۆنە شۆڕشگێڵنانەکێ کە ئێساڵ دیێما ئرماننەرێ زیندەیی ڕۆحوو فەرماندار عەگیدی و ١٥و ئابینێ.