ئارۆ بەشێوە جە قەوموو کەس و ئەنفالکریایا شاڵاوەکا ئەنفالوو گەرمیانی، پەی سەروەدای قەڵاو نوگرە سەلمانی کە یۊن جە زینڎانیە قەڎیمیەکا و گنۆ قەزاو سەلمانی جە پارێزگاو موسەنای، کۊتۍ ڕا.

دماو ئانەی شاڵاوەکۍ ئەنفالی بە هەشت قۆناغۍ جە تەرەفوو ڕژێموو بەعسی وڕایۆ جە ساڵەو ١٩٨٨ ئەنجامدریا و زیاتەر جە سەڎوو هەشتا هەزار کورد زۋانۍ، بە زینڎەیی زینڎە بەچاڵکریۍ، پېسە تەمامکاری پا پرۆسەیە هەزاران ئەنفالدیدۍ کوردی کە فرەیشا پێکئامێبێنۍ جە ژەنی و زاوڵا پەی ماوەو پەنج مانگا چا زینڎانەنە ئاستێشاوە، دماو ئانەی جە ڕۆڵە و کەس و کارەکاشا بڕیێرە. جە ئیساتێنە پېسە بۆنێوە ساڵانەی کەسوکاروو ئەنفالکریایا بە گرڎیی و ئا کەسۍ نوگرەسەلمانەنە زینڎانی کریۍ، سەردای ئا قەڵۍ مکەرا.