کتێب و 'زینڎانی ئاکرێ'ی چاپ و وەڵا بیۆ
کتێب و زینڎانی ئاکرێ، کۊت ۋەروو دیدوو خۊنەرا. ئی کتیبە جە نویستەی زانا مەهابادین و ڕێبوار هەمەوەندی جە تورکییوە هۊرشگێڵنان پۍ سەروو زۋانی کوردی.
زانا مەهاباد یۆن جە زینڎانیا پەکەکەی دلۍ زینڎانوو ئاکرێنە مەنەنۆ و ئی ڕازێشە نویستێنۍ. گرڎوو ڕووەدایەکا دلۍ ئی کتێبەیە حەقەتینێنۍ، ئی کتێبە دەقاودەق باس جە ڕووەدای و ژیۋای زینڎانییەکا زینڎانوو ئاکرێ کەرۆ.
دلێینەو کتێبەکەی؛ باس جە بەسەرهاتوو ئا گەریلایا مکەرۆ کە ساڵەو ١٩٩٧ ی پەدەکە بە هامکاری تورکیای هجوومش کەرد سەرشاو چنڎین گەریلێشا گێرتۍ.
ئی کتێبە ئەنەیاوایا جە ڕووەدایەکا زینڎانوو ئاکرێ. چی ڕێوە زیاتەر چا سیاسەتا پەدەکەی میاومێنە کە چنی درێژەپنەدەروو سیاسەتوو دەوڵەتوو ئەرەگیری تورکین.
کتێب و زینڎانیا ئاکرێ ئیسە جە تەماموو ناوەنڎە کتێب ورەشەکا پارێزگاو سلێمانینە ۋەردەسا.
