کتێبخانەو تەۋێڵۍ جە تەلارێ تازێشەنە کریاۋە

بە مەڕاسیمێوی جەماۋەری کتێبخانەو تەۋێڵۍ جە تەلارێ تازێشەنە کریاۋە.

ئارۆ هەینی ڕێککەوتو (٢٠٢١⁄١١⁄٢٦)ی، سەعات (١٠:٠٠) وەڵێ نیمەڕۆی، بە مەڕاسیمێوی جەماۋەری کتێبخانەو شارو تەۋێڵۍ جە تەلارێ تازێشەنە کریاۋە.
جە مەڕاسیمەکەنە بێجگە جە ژمارێوی هامشاریە تەۋێڵەیەکان، ژمارێۋی هاوڵاتیێ هەورامانی و هەڵەبجەی و کوردستانی و هەرپاسە (حەمەو حەمەسەعید)ی وەزیرو رۆشنویری حکومەتو هەرێمو کوردستانی ئامادێ بیێ.
جە مەراسیمەکەنە چەنڎین کەسایەتیێ تەۋێڵەیێ قسێشان سەرو گرنگی و دێرینەو کتێبخانەو تەۋێڵۍ کەردۍ.
هەرپاسە ئاماژە بە کتێب و کتێبدۆستی و ئەۋەوانای کتێبی جەلاو تەۋێڵەیەکان دریا و پەیوەست بە ئانەیە ستاییشو ڕۆڵ و کاریگەری نویسەرێ و ڕۆشنۋیرێ شارەکەی کریا. 
یاگۍ یاداوەریەن، تەلارێ تازێ کتێبخانەو تەۋێڵۍ بە کۆششو (حەمەو حەمەسەعید)ی وەزیرو رۆشنویری حکومەتو هەرێمو کوردستانی و چەنڎین دڵسۆزێ شارەکەی بودجەش پەی تەرخان کریان.