کتێبو «چەمەراو وەشەسیایی» جە نویستەی و هۆنیەی نویسەر و شاعیرو هەوامانی (هومایۆن محەمەدنژاد)ی کە  ٥٤ لاپەلێن و کۆمەڵێ شعیرێ بە زوانی هەورامی جەوێش مەگێرۆنە، چاپ و وەڵاو کریاوە و ڕەوانەو بازاری و کتێبخانەو هەورامانی کریا.
جەی ئی بارەوە پەلیانەو سەلام پاوە-ی وەڵاوش کەردەنەوە: سازی (زایەڵە)ی جە مەریوان ئەرک و پەخش و وەڵاوکەردەی «چەمەراو وەشەسیایی»ش جەئەستۆ گێرتەن.
نویسەر و هۆنیەرو (هومایۆن محەمەدنژاد) سەبارەت بە شیعرێ دلێ کتێبەکەیش واتەنش: شیعرکێ بابتێ چوون (عشق و وەشەویسی، دۆستیی، سروشت، کۆمەڵایەتی و فەرهەنگی) جەوێ مەگێرانێ.
وەڵتەریچ نویسەر و هۆنیەرو (هومایۆن محەمەدنژاد) چوار بەرهەمێ تەرێش نویستێنێ و بە چاپ یاونێنێ کە ئیێنێ:
یانەو خەما، سەفەرەکێ گالیوێری کە هۆرگێڵنایەن، وەسیەت پەی مەزهەری، کناچێ نەتەرسە.