کتێبوو ۋێنە-ڕۆمانی باس جە ژیۋای ڕابەروو گەلوو کوردی عەبدوڵا ئۆجالانی مکەرۆ بە شێوێوە هێڵکاری ۋێنەیی، جە سەردەموو زاوڵەیۆ هەتا گەنجی، جە سەردەموو خۊنکاریشۆ هەتا هۊرچەرخنایش پەی پانتایی سیاسی و ئەرەمەرزناو پەکەکەی و زینڎانیکەردەیش جە دورگەو ئیمراڵی.

جە بایۆگرافیا ۋێنەیەکەنە کە بۊنەو یاڎوو جە ئەڎابیەو ٧٥ ساڵەو ڕابەر ئۆجالانینە وەڵابۆوە، عەبدوڵا ئۆجالان باس جە وەختوو زاوڵەیی و لوایش دلۍ پانتایی ژیۋای سیاسی جە دماو ١٩٦٠یوە مکەرۆ.

حەرپاسە جە کتێبەکەنە ئاماژە پا گرنگیەو ڕابەر ئۆجالانی مکەرۆ، سەبارەڎ بە ئازاڎیی ژەنۍ و تیۆرییەکا پێسە پێناسەو کۆنفیدراڵیزمی، کە پۍ ئی قۆناغیە گرنگا.

حەرپاسە جە کتێەکەنە ئاماژە بە پرۆژەو گلێرگەی دیموکراتیکی جە ۋەرنیشتەنە مکەرۆ.

ئی کتێبە جە تەرەفوو نویسەری سکۆتلەندی شان میشیل ویلسۆنیوە نویسیان کە ۋێش ژاپۊنەنە مژیۋۆ. حەرپاسە ۋێنەکۍ جە تەرەفوو ۋێنەکێشوو کوردی کەکۆ-یوە نەقاشی کریێنۍ. ئێیچ ژاپۊنەنە مژیۋۆ.

ئەرەیاۋییا کە کتێبوو ۋێنە-ڕۆمانی جە ٤و نیسانینە بە زۋانەکا کوردی، تورک و ئەڵمانی وەڵا کریۆوە. حەرپاسە جە ئاینڎەنە بە زۋانەکا ئینگلیزی، عەرەبی چنڎین زۋانۍ تەری چاپ و وەڵاکریۆوە.