کوردیناسیۆنو شەنگالی: قەرارەکەو دادگاو عێراقی لایەق بە ڕېزو ئیحترامین
کوردیناسیۆنو شەنگالی قەرارو دادگاو فیدڕاڵی عێراقی جە مردنای چنەوېیەردەی گرڎی بە عال وینا و ئاماژەش پانەی دا کە قەرارېوەن شیاوو ڕێزو ئیحترامین.
کوردیناسیۆنو پێکئاما و هێزە نەتەوەییەکا شەنگالی سەبارەت بە قەرارو دادگای فیدڕاڵی عێراقی سەرو مردنای قەرارو چنەوېیەردەی گرڎی ئەرەیاۋنېوەش وەڵا کەرڎۆ.
جە ئەرەیاۋناکەینە ئامان؛ جە کاتێنە کە ئاڎۍ جە چەمەڕایی ئانەینە بېنۍ کە پەرلەمانو عێراقی دڎان بە کۆمکووژی ئێزدییەکارە بنیۆ و تاوانبارا دادگای بکریا، ٢ یاسۍ بەرکریۍ کە جە بەرژەوندی گەلی و کەمە نەتەوەییەکا عێراقینە نەبېنۍ.
هەرپاسە ئەرەیاۋېیا ۋەرو ئینەیچ دادگای فیدڕاڵی عێراقی یاساکێش هۊرشېونێوە و قەرارێوەش یاگېشەنە نیارە.
بە پاو ئەرەیاۋناکەی پەرلەمانو عێراقی بە پەسینای ئا یاسایا وەڵتەری، گۊشش جە ئێش و ڕێشو قوربانییەکاش نەگرتەن، هەرپاسە مەترسیێوە گۊرەش سەرو کەمینەکا پېسە ئیزدی، مەسیحی، شیعە، سوننەی و پێکئامایەکا تەری وەشکەرڎ.
جە ئەرەیاۋناکەینە ئاماژە پانەیچ کریان، قەرارێوە چیمنە پېسە چنەوېیەردەی گرڎیی بۍ بە مەڵامەتو ئانەی ئارامی هەرێمەکەی جە بەین بشۆ، بۍ بە مەڵامەتێوە کە شەپۆلێوە تازۍ کۆچبەری بێنە ئاراوە.
کوردیناسیۆنو پێکئامای و هێزە نەتەوەییەکا شەنگالی ئاماژەشا پانەیە کەرڎ کە ۋەرو ئی مەڵامەتا قەرارەکەو دادگای فیدڕاڵی عێراقی جە ڕەڎ کەردەیۆ یاساکا یاگۍ ڕێزینە و پاڵپەشتیش ۋنە مکەرمۍ.
