ڕێکوزیاکۍ گەلوو کوردی جە یۊبیەی سۆڤیەتی وەڵینینە (ئەرمەنستان، جۆرجیا، ۋەرکەوتوو دلێڕاسەی و ڕووسیا)نە ئەرەیاۋنێوە نویسیاشا سەبارەڎ بە سەردای و کۊبیەیۆ ۋەرپرسا تورکیای جە عێراقەنە وەڵاکەردۆ.

جە ئەرەیاۋناکەینە باس چانەی کریان؛ "گەلی کورد و مرۆڤایەتی خاوەن ویژدان؛ ماوەو سەڎ ساڵان دەوڵەتوو تورکی، مەنەیۆ ۋێش سەروو بنەماو دلێنەبەردەو گەلاو میزۆپۆتامیای ئەرەمەرزنان. گەلاو قەڎیمی میزۆپۆتامیایشا دلێنەبەردۍ و ئانۍ کە مەنێبێنۍ بەکوشتەی چەرمەی کریێنۍ ئامانج و تاویێنۍ.

 ماوەو ئا سەد ساڵەیەنە کۆکوشی و ئەرەفاڕای، زیندان، ئاوراییکەردەی و گرد شێوازێوە قڕکەردەیشا دژو گەلو کوردی کەردەن، بەڵام نەتاوانشا گەلو کوردی دلێنە بەرا و ئاسمیلەش بکەرا. بەتایبەت ماوەو ٥٣ ساڵی ویەردەینە گەلو کوردی جەنگو مەنەیۆ مکەرۆ. کۆشیای گەلو کوردی یاوان ئاستێوە، کە کاریگەریش سەرو گردو جیهانیوە هەن، شوناسو گەلو کوردی ئیساتێ ڕاسیێوە جیهانیین، ئیساتێ جەنگێوی ڕەوا پەی مسۆگەرکەردەی چارەنویسو وێشا مکەران.

لە ٢٠١٣-٢٠١٤ــەوە بە نامێ ئینسانیەتیوە لوا جەنگو داعشیوە، دژ بە هێزێوە دڕندەی، کە تەرسیش سەرو گردو جیهانیوە بێ، بێ ئانەیە داواو پاداشتی یا چەمەڕایی وەنەو کەسی بکەرۆ کۆشیا و سەرکەوت.

دەوڵەتی فاشیستو تورکی پلانەو دلێنەبەردەی دژو گەلو کوردی ئامادێ مکەرۆ، دژو جمیرو ئازادیی گەلو کوردی. چی پلانێنە بەکرێگیریایاو کوردی پێسەو پەدەکە دوری سەرەکیی مگێڵنا. دلێ گەلو کوردینە ئیساتێ دیارا، کە پەدەکە پێسەو هێزێوە سەروازیی دەوڵەتو تورکیای مشناسیۆ. کۆبییەیۆ ١٤ئادارو ٢٠٢٤ بەغدانە چنی سەرکردەکاو تورک، عێراقی و پەدەکەی درێژەپنەدەرێ کۆبییەیۆکاو ساڵەو ١٩٣٧کۆشکەو سەعداباتین، کە: قەت نازا کورد ئازاد بۆ و پێوە دژش گژیا.  

ئێمە پێسەو ڕێکوستەیەکاو گەلو کوردو یۆبییەیی سۆڤیەتی وەڵینی (ئەرمەنستان، جۆرجیا، وەرکەوتو دلێڕاسەی و ڕووسیای)، چا پلانا میاومێنە و مزانمێ، پا پلانە گیاوا، گەرەکشانە پەی سەد ساڵای تەری گەلو کوردی چێروو دەساشانە بازاوە. بەڵام ئێمە باوڕما بە ئیرادەو گەلەکەیما و هێزو گەلەکەیمانە. پێسە چەنی داعششا ماڕا، هامبەشەکێچشا شکس پنە مارا. بە تایبەتی پەدەکە ئیساتێ دوژمنو گەلو کوردین. پێسە کورداو یۆبیەی سۆڤیەتی وەڵینی ئی پلانە گڵیاوا شەرمەزار مکەرمێ و گرد نۆعێ دژش مردمێوە."