فیدراسیۆنی مېیاننەتەوەیی ڕۆنامەنوویسا (IFJ) و چڼین ڕێکوزیۍ ئەرەیاۋنای ئازادی و ئازادی ویرکەردەیۆ و مافەکا مرۆڤی، دەربارەو زیاڎبیەی پاشێلکارییەکا دژو ئەرەیاۋنای ئازادی جە تورکیانە، ئەرەیاۋنێوە هامبەششا وەڵا کەرڎۆ.
٤١ ڕێکوزیۍ ئەرەیاۋنای داواشا کەرڎە ئا ڕۆنامەنوویسۍ جە تورکیانە زینانیۍ کریێنۍ، ئازاڎۍ بکریا و چالاکییە پیشەییەکۍ پارێزیانە.
بەپاو ئەرەیاۋناکەی جە سەرەتاو ساڵۊو ٢٠٢٥ یوە باڵبەسکەردەی میزاجی و زینانیکەردەی و سزادای ڕۆنامەنوویسا زیاڎشا کەرڎەن، ئینەیچ هەڕەشېوە جدییەنە پەی سەرو ئەرەیاۋنای سەربەخۆی و ژیۋگەی و گفتوگۆی دیموکراتیکی.
هەرپاسە ئەرەیاۋناشا نیگەرانێنۍ سەبارەت بە پاشێلکارییەکا دژو ئەرەیاۋنای ئازادی جە تورکیانە کە چی دماییەنە یاوان بە ئاستێوە بەرز و مەترسیڎار.
هەرپاسە تەئکیدش مکەرۊوە جە کانوونو دووەمو ٢٠٢٥ ی لاو کەمیۆ ٩ ڕۆنامەنوویسۍ باڵبەسۍ کریێنۍ، ٦ چا ڕۆنامەنوویسا بە سزاو زینانی دادگایی کریێنۍ و ٥ ڕۆنامەنوویسۍ زینانیێکریێنۍ. هەرپاسە ۋنەپەرسایۆ جە ٢٣ ڕۆنامەنوویسا دەسش پنە کەرڎەن و ڕۆنامەنوویسێوە ڕووبەڕوو ئاستەنگی پۆلیسی بیەنۆ.
جە ئەرەیاۋناکەینە بانگەواز جە تورکیای کریان بە پاو یاساکا جمۊوە و ڕۆنامەنوویسا ئازاڎ بکەرۆ و دەورو ڕۆنامەگەریی پارېزنۆ جە هاندای پەی گفتوگۆی دەربارەو بەرژەوەندییە گرڎینیەکا و دیموکراسی.
