ڕێکوزیاو ماف و یاساکاو سەبارەت بە گۊشەگیرکەردەیی ڕابەروو گەلوو کوردی عەبدوڵا ئۊجالانی و زیندانیای تەروو ئیمرالی، عومەر خەیری کۊنار، حامیلی یڵدرم و وەیسی ئاکتاش سەرۍ لوجنەو وەڵێگێرتەیشا جە ئەشکەنجەو ئەنجوومەنوو ئەورووپای (سی پی تی)ی دا.
نزیکەو یرۍ ساڵان حیچ زانیارییێوە ڕابەروو گەلوو کوردی عەبدوڵا ئۊجالانی و زیندانیای تەروو ئیمرالی، عومەر خەیری کۊنار، حامیلی یڵدرم و وەیسی ئاکتاشی نیا.
ڕێکوزیاکاو ماف و یاسۍ واتەنشا، کە ڕاگێریکەردەی جە دیداروو پارێزنەرا چەنی موەکیلەکاشا مەیدانی میاندەوڵەتینە دژوو وەعدەکاو تورکیاین و پێوەس پا بابەتیوە سەرۍ (سی پی تی)یشا دان.
سەردایەکەو پارێزنەراو ئامەد، ئیلح، مێردین، موش، وان، شڕناخ و ڕحا، کۊمەڵەو گلێرگای مەدەنی جە سیستموو دادوەریی تاوانی، کۊمەڵەو پارێزنەراو هەمدەمی، کۊمەڵەو مافوو ئینسانی، کۊمەڵەو پارێزنەرا پەی ئازادی و ئەرەمەرزیاو یاساو کۊڵیایۊ پێشکەش کریان.
لە سەردایەکەینە ئینۍ باسۍ کریێنێ:
"زانییان کە لوجنەکەتا ساڵەو ١٩٩٩یـوە ١١جارۍ سەروو زیندانوو ئیمرالییش دان. لوجنەکەتا تاکە ڕێکوزیای میاندەوڵەتیین، کە تاوانش سەرۍ زیندانوو ئیمرالی بدۊ، نزیکتەرین شایەتحاڵوو خراپیی ڕاوەبەردەی بارودۊخ و زیندانەکانە چی ٢٤ ساڵەنە. جگە ئانەیچ جە ساڵەو ٢٠٢٢ێنە حیچ ئەرەیاوناێوەتا سەبارەت بە سەردایەکەی ئاشکرا نەکەردەن، حەرچندە ئا پاشێلکاریۍ ڕاپۊرتەکاتانە واتێنێتا چارەسەرۍ نەکریێنێ، وەلۍ حیچ ڕاکارێوە سەروو تورکیایرە نەسەپییان، ئێمە ئینایمۍ چا باوەڕەنە پێسە هێز مدەیدۍ بە دەوڵەتوو تورکیای تا بەردەوام بۊ جە جە پاشێلکەردەی وەعدە میاندەوڵەتییەکاش.
چا وەختۊن کردەوەکاو تورکیای زیندانوو ئیمرالیینە بەردەوامێنی، ڕوانە ڕۊژانە دۊخوو 'ناپەیوەندی' خراپتەر بۊ، ٥ ئابوو ٢٠٢٢وە کە ڕاپۊرتەکۍ وەڵا کریاوە، حیچ فاڕیاێوە جە بارودۊخوو زیندانوو ئیمرالیینە ورنەگیریان، ساڵەو ٢٠١٩ بەدماوە، پارێزنەرۍ ڕاشا پەنە مەدریۊ سەرۍ بدا، جە پەیوەندییە تەلەفۊنییە ٣ خولەکییەکەو مانگەو ئازاروو ٢٠٢١ لاو حیچ زانیاریێوە زیندانوو ئیمرالییوە نیا، بە پەیلوایما پەنەوازا ڕاکاروو ماددەو ١٠/٢ ڕێککەوتەینامەو ئەورووپای پەی ڕاگێریکەردەی جە سزاو گۊشەگیری، یا نائینسانانە و ئەشکەنجەی بیاونیۊ یاگێ.
پەوکای پێسە بەشێوە جە هەرمانۍ و وەرپەرسبییەیەکاتا، کە جە ڕێکەوتەینامەکەیوە پەیتا کریۊ داواتا وەنە کەرمۍ کە:
١-بەپەلە سەرۍ زیندانوو ئیمرالی دەیدێ، وێستیوە و ڕاپۊرتەکا پەی ڕای گردینی بەروزدێ.
٢- پارێزنەراۍ بتاوا دەمودەس سەرۍ ئیمرالی بدا و بەردەوامۍ با جە سەردایەکا و دمایی بە گۊشەگیری بۍ و مردنای کۊبییەیوەکا بە قەراوو دادگای، کە پێچەوانەو یاساکان.
٣- چەمپەنەکەوتەی بنەیانە و کەسوکاریشا، بەردەوام بۊ و دمایی بە سزاو دیسپلینی بێ، کە پێچەوانەو یاسێن.
٤- هاموەخت بە بەیاگەیاونای مافوو سەردای پەی زیندانییا، مافوو تەلەفۊنی پەی قەوم کەسوکارییشا بە بەردەوام بیاویۊ یاگێ.
٥- ورگێرتەی قۊرتەکاو پەیوەندیی زیندانییا چەنی کەسوکار و پارێزنەرا جە ڕاو نامەی و تەلەگرافی و فاکسیوە.
٦- دماییئاردەی بە کردەوەی نایاسایی و کیانای ڕۊنامە و گۊڤار و کتێبی.
٧- لوجنەکەتا ڕاپۊرتەی تایبەتە بە دمایین سەردای زیندانوو ئیمرالی و ئەنجامەکاش پەی ڕای گردینی ئاشکرا کەرۊ.
٨- پەی دماییئاردەی بە ئەشکەنجەی و مامەڵەی خراپی، نائینسانانەی و دماییئاردەی بە ئەرەبڕیای و بەیاگەیاونای ڕاکارەکاو مادەو ١٠/٢ ڕێککەوتەینامەکەی ڕای پەنەوازە گیریۊرە وەر.
