تێدرۆس غبریسوس ڕاوەبەروو گرڎی ڕێکوزیاو تەندروسی جەهانی ئاگاڎیش دا و واتش: فرەو خەڵکوو غەززەی جە کەمپە قەرەباڵقەکانە مژیوا و تووشبیەی بە ئیلتیهابی سەختی ئینا زیاڎبیەینە.
غبریسوس جە تۆرەو کۆمەلایەتی تویتەرینە پەیامێوەش وەڵا کەرڎۊ و واتش: زیاڎ جە نیمەو خەڵکوو غەززەی کەمپەکانە مژیوا، بەنزیکەیی ژمارەشا میاۆ ملوێنۍ و ٣٠٠ هەزار کەسۍ.
غبریسوس جە پەیامەکاشەنە دەسنیشانش کەرڎ کە، بەمەڵامەتوو قەرەباڵقی کەمپەکا، کەمی ئاوۍ، وارڎەی، دەرمان و نەبیەی خزمەتگوزاری ئاوەڕۆی و پیسی جە غەززەنە، ژمارەو توشبیا ئیلتیهابی سەختی ڕووەش جە زیاڎبیەی کەرڎەن.
بە واچەو سەرۆکوو ڕێکوزیاو تەندروسی جەهانی، نزیکەو ١١١ هەزار حاڵەتا هەوکەرڎەی کۆئەنداموو هەناسەدای و نزیکەو ٨٠ هەزار حاڵەتۍ هەوکەرڎەی تنوو گەڎۍ و هەوکەردەکای تەری پېسە زەردوویی ئیزیانۆ، حەرپاسە سەرنجش وست سەروو مەترسی زیاڎبیەی تووشبیەی بە یاوی قورسی.
جگە چانەیچ غبریسوس جەختش کەرڎۊ کە سوورېنۍ سەروو دابینکەرڎەی خزمەتگوزاری تەندروسی پۍ گرڎوو فەلەستینییەکا و واتش: ئینە پۍ هامولاتیا مەڎەنی مەسەلۍ مەنەی و نەمەنەین.
جە دمادماینە غبریسوس داواو ئاێربەسیش کەرڎ.
