کوردیناسیۊنوو کەژەکەی ماچۊ: "ئێمە بە ئیسرارێنمۍ و قەرارما دان، ئێساڵی کەرمۍ بە ساڵێوە تا جەڕووەو جەسەییوە ڕابەر ئاپۊی ئازاڎ کەرمێ". هەرپاسە داواش کەردە تا کۊبییەیوەکەو کۊلنی کریۊ بە ڕوێوە تاریخی زەروورا گردما بەشداری کەرمێ".
کوردیناسیۊنوو کەژەکەی ئاماژەش بە مانگێرتەی جە واردەی زیندانییا و ئیشکگێریی دادپەروەری، چالاکییەکا گردوو پارچەکا کوردسانی و ئەورووپاینە کەرد و واتش: "ئارۊ ڕۊو ماڕای گۊشەگیری و بەدەسئاردەی سەرکەوتەین، وەخت وەختوو ئازاڎیین".
مشۊم چالاکییەکا شەپۊل بە شەپۊل وەڵا کەرمێوە
قسەکاو کەژەکەی پێسنێنی: "چوارچوەو هەڵمەتەو "ئازاڎیی ڕابەر ئاپۊ، چارەسەری سیاسی پەی پەرسەو کوردی" شەنگالۊ تا مەخموور، وەرنیشتۊ تا پانیشتوو کوردستانی، سەرنیشتۊ تا شارەکاو تورکیای و گردوو جیهانی، چالاکییەکاو وانایۊ کتێبەکاو سەرۊکوو گەلوو کوردی گردوو دنیێنە ملۊ ڕاوە و کیانای پۊستکارتا پەی سەرۊک ئاپۊی و مانگێرتەی جە واردەی زیندانەکانە و ئیشکگێریی دادپەروەری لاو ئەدایاماوە، حەرپاسە ئەورووپانە ڕاپیمایی دوورودرێژوو گەلەکەیما بە جۊشوخرۊشۊ بەردەاوما بە حەماسەت و بەئیسراربییەیەکا چالاکی و گرنگی و ماناو وێش هەنەش کە بەرەو ئازاڎیی سەرۊک ئاپۊی نزیک بۊوە. جە ١٥وو شوباتینە کە ڕۊی سیاوو کوردان زەروورا گردوو چالاکییەکا بە قوەتۊ وزیا وەڵۍ نهەنگام بە هەنگام فراوانتەر کریۊ و کاریگەریی وەرەچەم خولقنۊ، ئینۍ گەورەتەرین جوابێنی دژوو حکومەتی فاشیستی تورکی و دژوو هێزە پیلانگێڵن و ئینسانکوشەکا.
مانگێرتەی جە واردەی
مانگێرتەی جە واردەی زیندانییا ئینا ٦٨ەمین ڕۊنە و بەردەوام، زیندانەکۍ ئا یاگێنۍ کە حکومرتی فاشیتوو تورکی پەی مارای دیموکراتی و شۊڕشگێڵنەکا بەکارش مارا تا تەسلیمۍ با و بە هومێدێوە گەش تەسلیمۍ با و ماڕاش، وەلۍ بە کۊشیای سارا، کەمال، مەزلوم، سەما، غەریبە گەزەر، ئایتەن بەهجەتەکا ئی یاگە قڕکاریۍ بیۍ بە یاگۍ مدرامانی و دایوەنەی فاشیزمی. مانگیرتەی جە واردەی کە ئینا ڕۊو ٦٨ مینە و بەردەواما، ئانەیە نیشانە مدۊ کە هامڕێما زینداننە نەک حەر ئی نەریتووو وێغیرتەیسا بە میرات پەی مەنەنۊ بەڵکوم مدرامانیشا قەوەتتەر کەرا و گرد ڕوۍ ئی میراتەیە گەورەتەر کەراوە.
ئیشکگێریی دادپەروەری
ئەوەڵ ئەڎێکێما ئیشکگریی دادپەروەرییشا پەی پەشتگیریی زیندانییا دەس پەنە کەرد و پەی ئازاڎیی جەستەیی سەرۊک ئاپۊی بەردەوامییش هەن، چالاکیی کەسوکاروو زیندانییا بازنەو مدرامانی قەوەتتەر کەرۊ. هامرێما زینداننە و ئەڎێما بە ئیشکگێریی دادپەروەری وێگیریی کەرا، سڵام وەنەو مدرامانیشا کەرمۍ و داوا وەنەو گرد لێوە کەرمۍ دەوروو ئی مدرامانینە کوۍ باوە و پەرە بە کۊشیایشا بدا. لاێوە ئەڎێما ڕۊڵەکاشا کە جە ژیوای وێشا بەنرختەرێنۍ پەی ژیواێوە شکۊمەندانەی و دادپەروەری ئامادی کەرا و لێوە تەریچۊ بۍ دووەدڵی ژیوای وێشا پەی ژیواێوە ئازاڎی بنیارە، بەدڵنیاییوە کۊشیای ئەدایاما مزانیی سەرکەوتەین.
ڕاپیمای درێژمەودا پاریسۊ پەی ستراسبۊرگی
حەرپاسە پەی سەرنجکێشتەی ٢٥ـەمین ساڵەو پیلانگێڵنیی میاندەوڵەتی، ٢٥ هامڕۍ وەڵاتپارێزنێما ڕاپیماێوە ٢٥ڕوەشا پاریسۊ پەی ستراسبۊرگی دەس پەنە کەردەن کە فرە مانادار و گرنگا. جگە چێنەیجە ڕاپیامای ئازاڎی کە ١وو شوباتینە سەرنیشتوو کوردسانینە دەسش پەنە کەرد تاریخیین. سڵام پەی گردوو ئا راپیمایا کە بەشدارییشا چا چالاکییانە کەردەن، کە ئامانجشا دەسەوەرکەردەی ئازاڎیی جەسەیی سەرۊک ئاپۊین و ملا دلۍ تاریخوو مدرامانوو گەلەکەیماوە.
ڕاپیمای ئازاڎیی گەلی
گردوو ئی هەرمان و چالاکییا، نویستەیوە تاریخووو ئازاڎیی کوردسانین و دژوو پیلانگێڵنی و کۊکوشیین، ئیرادەو کوردی ژەنی و ستەموەنەکریۍ دەوروو ئازاڎیی جەسەیی ڕسبەر ئاپۊینە کوۍ باوە و وڵاتیوی ئازاڎ، گەلێوی ئازاڎ، ژنیوی ئازاڎە و پیێوی ئازاڎ مارا دی. گرد ڕاپیماێوی پەی ئازاڎیی رابەر ئاپۊی ڕاپیماین دژوو ئازاڎیی ژەنۍ و پیای و سەرجەموو گەلا.
ئێمە بەئیسرارینمێ
سەرۊک ئاپۊ سەرۊکێوەن، کە ملوێنان کەسۍ ئینۍ دڵشنە و مشۊم نیشانەش دەیمۍ کە گردوو ڕاپیمایەکانە و گردوو چالاکییەکانە حەر کەلیمێوەنە ڕابەر ئاپۊ ئینا دلۍ دڵوو ملوێنان کەسانە جوابوو وێما بە هیزە پیلانگێڵنەکا بە شایستەترین شێوە مدەیمێوە. ئێمە بە ئیسرارێنمۍ و قەرارما دان ئێساڵی کەرمۍ ساڵەو ئازاڎیی رابەر ئاپۊی و تارێخەنە مەنۊوە. پەی ئینەیچە پێویساە بە وزە و ڕێکوستەی بێکۊتایی چالاکۍ و چالاکۍ بیمێ، بزانمۍ "ئازاڎیی ڕابەریما ئازاڎیی ئێمەن". بە کۊشیای گەنجا و ژەنە٤ ئازاڎیوازا و دۊسەکاما کە دژوو سیستموو سەرمایەداری گژیا، ماف و هەرمانەو ئێمەنە بەرەو ئازاڎی بلمۍ و سەرۍ گنمێ.
ئارۊ ڕۊو ماڕای گۊشەگیری و سەرکەوتەین
ئارۊ ڕۊو ماڕای گۊشەگیری و بەدەسئاردەی سەرکەوتەین. وەخت وەختوو ئازاڎیین، پەوکای داوا وەنەو ژەنا گەنجا و شۊڕشگێڵنا دیمۊکراتا و دۊسە میاننەتەوەییەکاما کەرمێ، کە راپیمای درێژخواینوو ئەورووپای قەوەتتەر کەرا و ڕاپیمای ١٧شوباتی کەرا بە ڕوێوە تاریخی، بە پەرەدای بە ئێشکگێری و دادپەروەری دەوروو مانگێرتەی جە واردەی زیندانەکانە و ئازاڎیی چالاکییەکا قەوەتتەر کەرا. داوا جە گرد لێوە کەرمۍ بە ڕۊحوو هامڕا ئازایەکاماوە کە سەختتەرین هەلومەرجنە بە ئۊپەراسیۊنی شۊڕشگێڵنانە زاپ، مەتینا و خواکورەکنە گورزی قورس وەنەو سوپای تورکی مدا بەشداری کەرا و دمایی بە گۊشەگیریی بارا".
