کوردیناسیۆنو کەژەکەی ئەرەیاوناش، "پێسەو گلێرگەو ژەناو کوردستانی (کەژەکە) جە ١٩ەمین ساڵەو ئەرەمەرزنایی پارتەکەیمانە و دەسپەنەکەردەی ٢٠مین ساڵەو کۆشیایما، بەڕێزدارییوە سڵام پەی ژەنە مدرامانکەرا و کۆشەرا مکیانمێ، حەرپاسە سڵام وەنەو ڕابەرو کۆنفیدڕاڵیزمی ڕابەر ئاپۆی مکەرمێ، کە ئێمەش یاونایمێ ئی حاسە و هوشمەندیی ئازادییش پنە بەخشایمێ. گەشتو ئازادیی ئێمەی ژەنا کە بە سەرمەشقایەتیی هامڕا سەکینە جانسز(سارا) دەسش پەنە کەرد، بە سەرمەشقایەتیی دەیان هەزار گەشمەرداو ڕاو ئازادیی ژەنێ بەردەوامییش هەن. گەشمەردێما سەرمەشقێ هەقەتینێ ئێمەنێ و ڕێما ڕۆشنە نمکەرانێوە. گرد ڕوێو وەعد ئەوەخوای مکەرمێوە تا بیمێ لایەقێ گەشمەرداما، بەردەوام ڕووەما ئینا ئازادییوە. کۆشیای ئێمە بە هێزو دەیان هەزار ژەناو دلێ ڕیزەکاو پارتیما پاژک و سوپاو پارێزنایما یەژا ستار بە بەردەوامی درێژەش هەن. گردو بەشەکاو کوردستانینە ژەنی خەریکێ بنیاتنیای وێپاریزناینێ، ڕێکوستەی گلێرایەتی و سیاسیی وێشانێ و خەریکا جەماوەریێ باوە. دژو حەرجۆرە هجوومێوی فاشیستی لاو دەسەڵاتداریی پیایاوە، ئینسانکوش و ئەرەگیرکەراوە، گردو ژەنا و بەهاکاو ئازادیی ژەنا و گلێرگای مپارێزنا و دەنگشا بە گردو جیهانیرە وەڵا مکەرانێوە."

سیستمو کەژەکەی سیستمێوەن کە پرسەو ئازادیی ژەنانە هەنگامێو نمەگێڵۆوە

بەیاننامەکەو کەژەکەینە ئامان: "کۆنفیدرالیزمی دیموکراتیکو ژەنا مۆدێلێوی ژیوای ئەڵتەرناتیڤ و ئازاد پێشکەش مکەرۆ" و ماچۆ: " دژو گرد جۆرە سیستم، ویرۆکەردەی و کردەوێوی تاکلوانە بەرەو ژیوایێوی ئازاد هەنگامە منیۆ". مەبەست ئانەنە ژەنی جوابو ئا پەرسێ بداوە، کە چەنی بژیوا. چونکوم سیستمو کەژەکەی سیستمێوەن کە پەرسەو ئازادیی ژەنێنە هەنگامێو پەی دمای نمەنیۆ.

بە ڕاپیمای ئازادیی هامڕا سارێ کۆشیایما دەسش پەنە کەرد، بە ڕێکوستەی یۆبییەی ژەنە وەڵاتپارێزناو کوردستانی (یەژەوەکە) و یۆبییەی ژەنە ئازاداو کوردستانی (یاژک) بەردەوام بی، بە تیۆرو بڕیایرەی جە عەقڵییەتی پیایانەنە، سوپاو ژەنا، ئایدۆلۆژیای ڕزگاریی ژەنا قووڵتەر بییۆ و بە تیۆرو پێوەژیوای ئازاد، و وەشکەردەی پارتو ژەنا پیسە پارتو سەرمەشقاما پاژک درێژەش بە کۆشیای دا، ١٨و نیسانو ٢٠٠٥یوە، و ساڵەو ٢٠١٤ینە، پێسەو گلێرگەو ژەنە باڵایا (کەژەبە) درێژەش بە ڕاپیمای ئازادیی وێش دا، چا وەختۆ، پێسە کەژەکەی گردو جیهانینە دەنگش داوە.

کەژەکە بە پاژکیوە کە هێزو پارێزنای و ئایدیۆلۆژیکین، بە یەژا ستاری کە هێزو وەرگێری و گلێرگەو ژەنە گەنجان، کە ڕێکوستەی ژەنە گەنجا پەرەش بە ڕێکوستەی گلێرایەتیی وێش دا. ئامانج کۆکەردەیۆ ژەنان  سەرانسەرو جیهانینە پەی بۆ بەدیئاردەی کۆنفیدرالیزمی دیموکراتیکی ڕاو پەرەپەنەدای پەیوەندییوە چەنی ژەنا و ڕێکوزیایەکاو ژەنا مەیدانی میاندەوڵەتیینە، هاموەخت وێیاوناین بە ژەناو کوردستانی.

پی بۆنەوە ڕابەر ئاپۆ واتش: "گەرەکمەن بە ژەناو کوردیچ بواچو، هامڕا ژەنە دڵسۆزاو من کە پابەندێنێ بە كۆشیای ئازادییوە، مشۆم کەش و دەشتە و شارەکانە زامنێ ئازادیی با. پاسە نەبۆ گرد چێو بێمانان. کەرامەتوو ئادیشا زامنو ئازادیی گەلەکەیشانە. بێگومان هێزو ئی هەرمانێشا هەن."

سەروو پەشتیبەستەی بە متمانێ ڕابەرایەتیما بە ژەنا، کەژەکە گرد بوارێونە وەرپەرسیی پەرەپەنەدای کۆشیای شکۆمەندانەو بەهاکاو ژەنان، سەرو بنەماو ئایدۆلۆژیی ئازادیی ژەنێش گێرتەن گەردەن. سەرو ئی بنەمێوە مەبەسو مسۆگەرکەردەی یۆگێرتەیی دیموکراتیکو ئازادیی ژەناو کوردستانین و حەرپاسە یۆگێرتەیی ژەنان وەرکەوتوو دلێڕاسەینە و جیهاننە. ئی هەنگامێ کۆشیای ئازادیی ژەناو جیهانینە مانێوی تارێخییەو وێش هەنە و ڕا پەی کۆنفیدرالیزمو دیموکراتیکو ژەنا مکەرۆوە.  

ئێمە وەختو ویەرنای قۆناغێوی تارێخیینە بەرەو شۆڕشو ژەنا هەنگامە منیەیمێ

ئێمە قۆناغێوی تارێخیرە ویەرمێ، کە بە ژەنی، ژیوای، ئازادی بەرەو شۆڕشوو ژەنا ملمێ، ئێمە پێسەو ژەناو کوردی بانگەشێ سەرمەشقایەتیی کۆشیای ئازادیوازانەو ژەناو جیهانی مکەرمێ. ئێمە چەنی ژەناو گردو جیهانی چوارچوەو کۆنفیدرالیزمی دیموکراتیکو ژەناو جیهانینە بە پارادایمو نەتەوەی دیموکراتیکی یۆ مگێرمێ. ئێمە چەنی ژەناو گردو جیهانی ڕاپیماێوی پەڕ جە وەربەس و مانادار پەی ئازادیی ژەنانە هەنمێ و سەرو بنەماو ئەرەمەرزنای گلێرگەو ژەناو کوردستان- کەژەکەی کوێ مبیمێوە.

١٩ەمین ساڵوەگێڵو ئەرەمەرزنای گلێرگەو ژەناو کوردستان- کەژەکەی وەنەو گردو ژەنا، گردو ئا کەسا، کە جە خەتەو ئازادیی ژەنێنە کۆشیا و ئازادیی ژەنێ پێسەو ئازادیی گلێرگای قبووڵ مکەرا مەبارەک مکەرمێ. گرنگا ئارۆ پێسەو  ڕۆو پەیدابییەی بەکۆمەڵی و ژیوایۆ و گێرتەیرەوەرو هەنگامەی یوەمەو کۆنفیدڕاڵیی ژەنا بوینمێ و مەبارەکش بکەرمێ. مەبارەککەردەی بە مەبارەکییوە ئینا پەیوەندیینە، ژەنی ئازادێ بە مەبارەکی خوداوەندو ئەدێ گەورەتەرین چالاکیین، کە مانا بە ڕۆو ئارۆی مدۆنە.  

بەیدێ با 18و نیسانی، ساڵیادو ئەرەمەرزنای کەژەکەی، بە قووڵکەردەیوە سیستمو کۆنفیدراڵی دیموکراتیکو ژەناو جیهانو ژەنا و ژیوایی ئازادی چەنی بەهاکاو ژەنا مەبارەک بکەرمێ. بنیاتنیای ژیوایوی ئازادی پێویسییش بە هۆشیاری هەن.  هەیە. بە ڕەتکەردەیوە ڕایەکا زانستی و عەقڵیەتو دەسەڵاتدارییوە، بنیاتنیای هۆشیاری سەرو بنەماو ژەنولۆژی بنیات منیەیمێ. حەر ژەنێو بە تەنیا مانایێوی گەورێش هەنە و تواناێوی گەورێش جە بەدیئارەی ئازادینە هەنە. بەڵام ژەنی ڕێکوزیێ نوێنەرایەتیی سەرجەمو گلێرگای و ماناو گلێرایەتیی بییەی مکەرانێ. پێسەو کەژەکەی ئامانجما ئانەنە، کە ڕاو ڕێکوستەی کۆمۆنەکاوە، ئەنجوومەن، ئەکادیمی و هامکارییەکاوە هیچ ژەنێو دوورە ڕێکوزیێ گلێرگاکەمانە نەمەنۆ.

هامڕا سارا قیبلەنمانە پەیما

شێواز، ژیوای و کۆشیای هامڕا سارێ قیبلەنمانە پەیما. با گردوو بوارەکاو ژیوای بکەرمێ بە جەنگێو دژو پیاسالاری، با دەس بکەرمێ بە بنیاتنیای ژیوای سارایی. با جوانی بگێڵنمێوە پەی ژیوای و بە وەشوسیای پەی ژیوای و پاگێرتەیرە سەرو ژیوای ئازادی هامڕا سارێ کۆشیای بکەرمێ، با  وەڵێ گرد چێوێ بە ڕزگاری وێما مانای هەقەتینەو وەشەسیای، بە سروشت و ئینسانەکا وەشەسیایی ببەخشمێ، با هاموەخت چەنی کۆشیای دیموکراتیکینە پەی کۆشیای ئیکۆلۆژیما بوزمێ وەڵێ و گەشە بە گردو بەشێوی وەڵاتەکەیما بدەیمێ. با بە نیای گوڵ و نەماما  جە وەرزە گونجیایەکانە بە درێژایی ساڵێ سروشتێوی سەوز بخوڵقنمێن. با بە کەردەی کۆبییەیوە و سیمینار، پەروەردە، بۆنە کولتوورییا سەرو بنەماو مەبارەککەردەی کەژەکەی، پەرە بە چالاکییەکاو مدرامانی دژو گلێرکوژیی کولتووری بدەیمێ. بەیدێ با پی مانێ، پەی گێڵایوە سروشتو ئەدێ کە شایەنو ئەرەمەرزنای کەژەکەین، سەرو بنەماو وەشکەردەی ژیوایێوی ئازاد و کولتوورو خوداوەندو ئەدێ چاخە تەوەنینە تازەکانە مەبارەکبایی و جەژنە بگێڵنمێ.

سەدەو ٢١ی هینو ئێمەی ژەنان، گردو سەردەمەکا پەیوەندییشا بە ئێمەوە هەن، بە عەلەمەی مۆرەوە، چەنی ڕۆجیاری و هەسارەکاما، جوانیی کولتوورەکەیما، کە گردو جیهانی منەخشنۆ و ڕۆشنایی ژەنە قارەمانەکاما بەردەوام مدرەوشیاوە و بەرەو سەرکەوتەی و ئەرەمەرزنای جیهانو ژەنا کۆنفیدراڵی دیموکراتیکی ئینایمێ ڕاوە. دڵنیێنمێ ئازادیی ڕابەر ئاپۆی ئازادیی گردو ژەنان. هەرمانەو گردو ژەنانە کە بە گردوو قوەیشاوە هەڵمەتەو ئازادیی جەسەیی ڕابەر ئاپۆی و چارەسەری سیاسیی پەرسەو کوردی بەشداریی بکەرا و ئی هەڵمەتێ بیاونانێ سەرکەوتەی.  

پی بۆنەوە داوا وەنەو گردو ژەناو کوردستانی و وەرکەوتی دلێڕاسینێ مکەرمێ چی ڕاپیما شکۆمەندانەنە، بەجۆشوخرۆشۆ چی سەرکەوتەیەنە چەنی گردوو ژەناو جیهانی بەشداری بکەرا.