"کۆردیناسیۆنو کەژەکەی ئاماژەش پانەیە کەرد کە بەروار دەرسیمە جە پانیشت تا سەرنیشت، جە قەندیل هەتا زاپ، جە دێرسیمۆ هەتا سەرحەد هەنگام  بە هەنگام کەشەکا کورڎەسانی گېڵا و واتش: "ژەنە کوردێوە کەشیە بۍ کە ماناش بە گرڎ یووەسۍ خاکو وڵاتی دا و شۆن پەنجۍ ۋێش سەرشۆ جیائاست."

کۆردیناسیۆنو کەجەکەی پێوەس بە ئەندامەو کۆنسەو فەرماندەیی هەپەگەی و یەژا ستاری و فەرماندۍ ئیلایەتو سەرحەدو یەژا ستاری، بەروار دێرسیمۍ (سەیران چۆماک / وان) ئەرەیاۋنێوەش وەڵاکەردۆ کە جە مېڎانو گلیداخینە جە جەنگێوە قورسەنە ٨و ئابو ٢٠٢٤ گەشمەرڎۍ بییە.

ئەرەیاۋناکەو کەژەکەی پی جۆرەنە:

یاوا بە گەشمەرڎا هێڵۊو سەرکەوتەی

"ئاب جە تاریخو ئەرەکۊشایمانە ئا مانگێنە کە چالاکی ١٥و ئابیش دلێنە کریا کە بە گوللۍ سەرەتایش ژیۋایۆ پێکئاما. مانگەو گەشمەرڎە قارەمانەکامانە کە چنی ئی  چالاکیەیە مۆرەو ۋێشا جە تاریخی دا. ئی هێڵۊو مڎرامانی و ژیۋایۆ کە بە سەرمەشقایەتی فەرماندە عەگیدی خوڵقیا، چنی ۋێش هەزاران قارەمانۍ تەرێش وەشۍ کەردۍ و ئی داستانو قارەمانیەتیەیە تا ئیساتۍ سەرەمڕە بەردەوامیش بیەن. هەڤاڵاما مسەفا یۆندەم، ساری ئیبراهیم، حوسەین ماهیز، ئەنگین سینجەر، نوجان، ئاتاکان، زەکی شەنگالی، دەنیز فرات، بەندا، دەستینا و وە دما هەڤاڵەما فەرماندۍ قارەمانەو ئەیالەتو سەرحەدی بەروار دێرسیمە بۍ بیۍ بە گەشمەرڎۍ گۊرۍ هێڵۊو سەرکۊتەی و ژیۋایۆو ١٥و ئابی. جە کەسایەتی گەشمەرڎە بەروار دێرسیمێنە بە ڕێز و پنەزانایۆ یاڎوو گرڎوو گەشمەرڎاما مکەرمېوە و قەولما واوەی مکەرمېوە کە هیچ کەموکوڵیێوە جە ئاستشانە نەرمانمۍ و تا سەرکۆتەی بەردەوامۍ بیمۍ.

جە کەسایەتی ۋێشەنە ئازاڎیش نەخشنا

هەڤاڵ بەروارە دلۍ ٢٥ ساڵەو ژیۋای شۆڕگێڵنی ۋێشەنە، جەمۍ بەهۍ رەسەنێش خوڵقنۍ، جە کەسایەتی ۋێشەنە ئازاڎییش نەخشنا. کەسایەتی ئاڎێنە کە قیمەتو مڎرامانەکا  گەلاو سەرنیشت و ۋەرکۊتی ڕۆشن بیۆ، چنی هێڵۊو ڕابەر ئاپۆی و گەریلای یەکانگیربی و شناسنامەی فیداییش پەی وێش وەشکەرد.

ئەرەپڕای بێدەنگ و قوڵش جە ۋەرا ۋەرو چەوەسنایۆ و سەروەری پیاینە، ئاستێوە تازەش دا بە ئەرەکۊشای یەژا ستاری سەرو هێڵۊو پاژکی و پەکەکەی، فاڕیا پەی ئەرەپڕایۍ دەنگداری و ماناڎاریێوە گۆرەی کە جە بنەڕەتۆ زەڼەقو دژمنیش بەرد. هەڤاڵ بەروار دێرسیمە جە پانیشت تا سەرنیشت، جە قەندیل هەتا زاپ، جە دێرسیمۆ هەتا سەرحەد هەنگام  بە هەنگام کەشەکا کورڎەسانی گېڵا و واتش: "ژەنە کوردێوە کەشیە بۍ کە ماناش بە گرڎ یووەسۍ خاکو وڵاتی دا و شۆن پەنجۍ ۋێش سەرشۆ جیائاست. فەرماندێوە کورڎەسانیە بۍ سنورە دەسکردەکاۍ دووژمنیش پارچە پارچەکەردۍ. بیە پا هێڵۍ کە بە عەقڵو ژەنێوە جە جەنگەنە سەرکۊتەیش خوڵقنا. جە ڕاو ئی هێڵېوە جە کەسایەتی ۋێشەنە کۆڵۆنیالیزم، خیانەت و پیا سالاریش ماڕا و یۆبیەی نەتەوەی دیموکراتیک و ئازڎیی ژەنێش خوڵقنا. هەڤاڵ بەروارە بە ئەرەکۊشایش کە ئامرازێوە بۍ، فاڕیا پەی سیمبولو ئازاڎ بیەی و یۆبیەی نەتەوەیی ژەنا کورڎی.

شۊنەو ۋێشەرە میراتیێوە گۊرەش جیائاست

جە ۋەرا ۋەرو ئا درواو ناشرینییەی کە سیستەمو مۆدێرنێتەی کاپیتالیستی جە سەڎەو ٢١ینە خوڵقناش، هەڤاڵ بەروارە بیە بە نوێنەرەوەو وەشەسیایی، شناسنامەو حەقیقەتوو ژەنۍ، مرۆڤبیەی حەقەتینەی، درووسی و سادەیی. وەشەسیایی پەی گەلی، هەمڕایا، بەهاکاو ژەنۍ و شناسنامەو ژەنۍ، حەقکەردەیۆ جە دژمنی پیاسالاری و فاشیزمی دژمنیش گۆرە کەرد، ۋەرو ئینەی جە جەنگەنە بە ژیری و بڕیارداری ۋێشۆ جە ڕێخۆ دژمنش هۊرتەکنا. دلۍ ئاژێوە فرە سەختینە بە ڕەنج، وەشەسیایی، ژیربیەی تەکتیکی ۋێشۆ، بە هامبەشیکەردەی چنی هەمڕایاش مڎرامانش کەرد. ئی مڎرامانشە کاریگەریش سەرو گرڎو هەمڕایاش نیارە، جە هەمان کاتەنە شۊنەو ۋێشەرە میراتێوە گۊرەو ئەرەکۊشایش پەی ژەنا و گەریلاکاما جیائاست.

ئەنەیاوای شمە ئەرەکۊشایتا گۊرەتەر مکەرۆ

هێڵۊو قارەمانی ژەنا ئازاڎیی، ڕاو ئەرەکۊشایما پەی ئازاڎیی ژەنا، ژەناو کوردی، ژەناو ۋەرکۊتوو دلێڕاسەی و ژەنا ستەم ۋنەکریایا جیهانی ڕۊشن مکەرۆوە. ڕاو جوانە ژەنا و گێڵایشا شۊنەو شوناسی و ئازادینە نیشانە مڎۆ. ئەرەکۊشای شمە، هێڵۊو ئەرەکۊشایتانە، زەریفی و ئازاڎیی کەسایەتی شمە، ئەرەکۊشای ژەناما زیاتەر مکەرۆ، ژیۋای و بەهاکاو ژەنۍ ئازاڎ مکەرۆ. حەرپاسە دژو دەوڵەتو فاشیستی تورکی کە دژمنو ژەنان، دژمنو کورڎی و مرۆڤایەتییا و جە ۋەرا ۋەرو جەنگی جیهانی یەرەمینە کە دژو ژەنان، تەنیا ڕا پەی یاڎو ئا گەشمەرڎاما جەنگو ئەرەکۊشاین سەرو هێڵۊو گەشمەرڎە بەروارۍ.

بانگەوازما بەرز کەردەیۆ و شۊکنایۆ ئاڵاو هەڤاڵ بەروارێنە

جە چوارچێوەو ئی حەقەتینەینە، بەتایبەت جوانە ژەنا، داوا جە گرڎوو ژەنا کورڎی مکەرمۍ، ئانۍ کە شۊنەو ئازاڎییرە مگێڵا، زیاتەر جە بەروارۍ و بەهاکاو ئازاڎیی ژەنا بیاوانە کە ئی هەڤاڵێما نوێنەرایەتیش کەرۍ. ئا ئاڵۍ کە هورەش گێرتێبۍ بەرز بکەردێوە و بیاوندێش بە سەرکۊتەی.

ئەرکی سەرەکی ئەرەکۊشای بەرەو سەرکۊتەین

دەوڵەتو فاشیستی تورکی جە ئیمرالینە بەردەواما جە هرووژمە قڕکارییەکاش دژ بە ڕابەر ئاپۆی، حەرپاسە دژوو گەلی و ژەنا کورڎی جە سەرنیشت و پانیشتەنە درێژە بە سیاسەتەکاش مڎۆ. جە ۋەرا ۋەرو ئینیشا گرڎینە ئەرکی سەرەکیما ئانەنە کە بە زېڵۍ سەرکۊتەی و ژیۋایۆ ١٥و ئابی سەرو هێڵۊو حەقکەردەیۆ گەشمەرڎە بەروارۍ ئەرەکۊشای و هەنگام نیاین بەرەو سەرکۊتەی. سەرو ئا ئەساسیە داوا جە گرڎوو ژەنا کورڎی مکەرمۍ کە ئەرەکۊشای ئازاڎیشا سەرو هێڵۊو گەشمەرڎە بەروارۍ و گرڎوو گەشمەرڎا تەری بەرەو وەڵۍ بەرا، جە هەمان کاتەنە بەشێوێوە عال خاوەنداری جە گەشمەرڎە بەروارۍ بکەرا، پی جۆرە یاڎوو فەرماندۍ گەسمەرڎە بەروارۍ جە گرڎوو کورڎەسانینە بەرز بکەراوە و خاوەنداری جە گەشمەرڎا بکەرا و ئەرەکۊشایما پەی ئازاڎیی گۊرەتەر بکەراوە.

سەرو ئی بنەمایۍ، سەرەوەشی ۋێما ئاراسەو گرڎوو ژەنا، بنەیانەی قارەمانو هەڤاڵ بەروارۍ، هەڤاڵاما جە سەرنیشتوو کورڎەسانی مکەرمۍ. با گرڎوو ژەنا و گەلەکەما بزانا؛ کەسایەتی سەرمەشقو هەڤاڵ بەروارۍ لاو ئێمۆ هێڵۊو ئەرەکۊشاینە. ئی هێڵۍ جە ئەرەکۊشای ئێمەنە جە گرڎ شۊنێوەنە و جە هەر کاتێوەنە بەکار مۍ و مبۆ بە مەڵامەتوو ژیۋای و سەرکۊتەیما."