جەمەو ژەنا کوردسانی (کەژەکە) سەبارەڎ بە هجومە قڕکەرییەکا دەوڵەتوو تورکی پۍ سەروو سەرنیشت و ۋەرکەوتوو سوریای ئەرەیاۋنېوەش ۋەڵاکەرڎۆ. ئەرەیاۋناکەی  پی جۆرەنە:

"موینمۍ کە ئارۆ جە جەهانەنە، جە ۋەرکەوتوو دلۍ ڕاسەی و وڵاتەکەیمانە کوردسان جەنگ جە گرڎ لېوە دژوار بیەن. سیستموو سەرمایەداری دڕندەی و رژێموو نەتەوە دەوڵەتی جینۆساید و قڕکەردەی ژەناشا چی سەردەمەنە یاونان بە بەرزتەرین ئاست و گەلا، ژەنا و ژیۋگەی قڕکەرا. پی بۆنۆ ئێمە هجومە قڕکەرییەکا پۍ سەروو گەلاما جە ۋەرنیشت شەرمەزار کەرمۍ، کە جە لایەنوو دەوڵەتوو چەتەی ئاکەپە-مەهەپەی فاشیستی کە دەمڕاس و نوێنەروو سیستموو کۆلۆنیالیست-دەسەڵاڎداریا، ئەنجام مڎریا.

بەرێزۆ یاڎوو گەشمەرڎاما کەرمېوە و هیوای خاسبیەیۆ پۍ زامدارەکا مووازمۍ. حەرپاسە ئا هامڕېچما کە ٢٢ – ٢٣ۍ کانونوو یووەمی جە چالاکیەکاو گەریلاکا ئازاڎیی کوردینە جە هەرێمەکاو پارېزنای مەدیاینە گەشمەرڎۍ بیۍ بە رێزۆ یاڎشا کەرمېوە و وەعد واوەی کەرمېوە کە لایەق بە بەهاکا ئاڎیشا بیمۍ. مبارەکبایی چا جەنگەوانا و هەپەگەی و یەژاستاری کەرمۍ کە بەشدارییشا چا مدرامانە تاریخیەنە کەردەن و هیواو ئازاڎیی گەلەکەیماشا بەقووەتەر کەردەن.

تنووتیژی، کە کاریگەرتەرین چەک و هێزە فاشیستیە دەسەڵاڎدارەکان کە دژوو ژەنا، گەلا و بە گرڎیی جە ۋەران ۋەروو چەوەسیاکانە بەکارش مارا، چی سەردەمەنە جە ڕاو جەنگیوە یاوان بە بەرزتەرین ئاستوو ۋېش. چی جەنگەنە کە ئێمە پېسە جەنگوو یەرەمی جەهانی پێناسەش کەرمۍ، جینۆساید، قڕکەردەی گلېرگەی، قڕکەردەی ژەنا، قڕکەردەی زارۊڵا، قڕکەردەی ئیکۆلۆژیکی ئینا ئاستێوەنە، کە ویژدان و ئەقڵ قبوڵش مەکەرا.

جە تاوانەو هامکاریکەردەی رژێموو فاشیستی ۋېتا رزگار کەردۍ

رژێموو ئاکەپە-مەهەپەی فاشیستی چا ڕوۆن ئامان سەروو حوکمی تا ئیسە بە جەنگ، کۆچبەری، هەژاری، دزی، گەندەڵی، تاڵانی، کۊکوشی و بە هەزاران قەیرانۍ، ژیۋایش جە تورکیانە پېسە زینڎانی پنەکەرڎەن، ئا چەقبەستەیی و بێچارەسەرییەی، کە خوڵقنانش و چنەش ۋەرپەرسا، بە هاندای پۍ فاشیزمی پەردەپۆش کەرۆ. ئەنجاموو سیاسەتوو جەنگی مەردەین، قەیرانەو ئابووری، کۆمەڵایەتی و سیاسیا. سوپاو تورکی کە چی ساڵا دماییەینە جە هەرێمەکاو پارېزنای مەدیاینە بەردەوام گورزەی قورسەش جە تەرەفوو گەریلاکاو ئازاڎیی کوردیۆ وەرگنۆ، جە ٢٢ۍ کانونوو یووەمینە بە شێوېوە قورس شکسش وارد.  پۍ ئانەی شکس و دۊڕیای ۋېش بشارۊوە رووەو هجومەکاش کەردېنە سەروو ۋەرنیشتی و وەروچەما تەماموو جەهانیوە تاوانەو جەنگی ئەنجام مڎۆ. ئی ڕاسییەو جەنگی حیچ ئیسفاڎېوەش پۍ گەلاو تورکیای نییا، تەنیا دەردەو هێزە دەسەڵاڎدارە فاشیستەکا وەرۆ. جە ڕاو ئی جەنگەیۆ کە بەرهەموو فاشیزمین هجوم کریۆ سەروو  پېوەرە ژیۋای گەلاما کە سەروو بنەماو ئازاڎیی و ئاشتییا. ئی شەپۆلۍ جە هجومی پۍ قڕکەرڎەی و فاڕای دیموگرافیایین، جە بنەڕەتەنە پۍ دلېنەبەرڎەو دەسکۊتەکا گەلوو کوردین کە بە قوربانیدایۍ فرە بەدەسئامېنۍ. دەوڵەتوو تورکی فاشیستی جە ڕاو ئی جەنگەیۆ حۊڵ مڎۆ گلېرگە، ژیۋای، کولتوروو هامبەشوو گەلا، بەهاکاو دیموکراسی جە بەین بەرۆ و بێئیراڎەشا کەرۆ. لە ئاژېوە چانەنە کە ئایینپەرستی، رەگەزپەرستی و نەتەوەپەرستی ئینا بەرزتەرین ئاستەنە، سەروو گلېرگەیرە سەپیۊنە، کە بۆ بە هامبەشوو سیاسەتوو قڕکەرڎەی. جە تورکیاو ئیسەینە گرڎوو ئانیشا کە رەخنە جە سیاسەتوو جەنگوو دەسەڵاتی گێرا، کریانە ئامانج، زینڎانی کریا و کوشیا. پۍ رزگاربیەی و بێ بەریبیەی جە تاوانەی هامبەشۍ چنی ئا رژێمە فاشیستەیە، مشۊم هێزە دیموکراتیک و چەپەکۍ، زیاتەر جە گرڎ وەختۍ دەنگ هۊربڕا و ۋەران ۋەر بە فاشیزمی مرداوە. وەختوو ئانەی ئامان کە ئی دەسەڵاڎدارییەی بە وتارەو نەتەوەپەرسانەی رەوایەتی بە رژێموو فاشیستی و جەنگەکەی مڎۆ، مردنانەش. ئێمە داوا جە رۆشنۋیرا، دیموکرات و چەپگرا کەرمۍ کە هەڵوێستشا دژوو ئا سیاسەتا و جەنگی بۆ، کە هیچ ئیسفاڎېوەشا مەسڵەحەتوو دیموکراسی، ئاشتی و ئازاڎیی ژەنا و گەلانە نییا. دژوو هجومی قڕکاری و فاشیزمی  نەتەوەپەرستی دەوڵەتوو تورکی فاشیستی کە ۋەران ۋەروو گەلوو کوردی و گرڎوو فرەڕەنگیەکا بەرۊش ڕاوە، مشۊم کۊشیایۍ بەقوەت بریۆ راوە. مشۊم جە ۋیر نەکریۆ، ئا شەپۆلە نەتەوەپەرستیۍ کە ئارۆ دژوو کوردا جە بەرزتەرین ئاستەنە ملۊڕاوە، جە تورکیانە بۆ بە مەڵامەتوو هەژاری، بێهەرمانی و مەردەی.

پەی پارێزنایی دەستکەوتەکاو وەرنیشتی کۊشیایما گەورەتەر کەرمێ

سەرەڕاو ئانەیە، کە ڕابەر ئاپۊ ٢٥ ساڵێن ئینا چێروو گۊشەگیریێوە سەختینە، گەرەکشانە ڕاگێری کەرا چانەیە، کە گەلوو کورڎی بۊ بە هێزێوە ئازاد و دیمۊکراتیک و گەرەکشانە ڕا چانەیە گێرا کە ژەنی بۊ بە هێزێوە ئازادە و دیمۊکراتیک. پا گۊشەگیریەی کە سەروو ڕابەر ئاپۊیۊ کریۊ، گەرەکشانە جمیەروو ئازادیی کورڎستانی و کۊشیای ئازادیی ژەناو کورڎی گۊشەگیر کەرا. حەر پا سەبەبەیچۊ ماوەو ٢٥ ساڵان بەتندی وەراوەروو ڕابەروو جمیەروو ئازادیی کورڎستانیوە ڕابەر ئاپۊینە گۊشەگیری و ئەشکەنجە کریۊ. چەنی ئا هجوومە  گۊشەگیرانا کە ئارۊ ئیمرالیینە وەاروەروو ڕابەر ئاپۊینە کریا، هجووموو پاکتاوکەرڎەی و گۊشەگیری وەراوەروو ژەناو چوارپارچەو کورڎستانینە بریۊ ڕاوە. ئی پڕۊسە سەروو بنەماو سیاسەتوو کوشتەی،ئەرەگیری، ئەشکەنجەی و گۊشەگیری هەن و تەرسەکێش ڕۊ بە ڕۊ فرەتەرۍ با. هجوومی قڕکاری سەروو ئیمرالیوە هەستەرۍ کریێنێوە و سەروو گلێرگەی پارچەکاو کورڎستانیرە بەشۍ کریێنێ، ئینەیچ گەورەکەرڎەی مدرامانێوە هەمەلایەنەی موازۊ. پێسە کەژەکەی ئێمە سڵام وەنەو چالاکیی زیندانەکا کەرمێ، کە وەراوەروو سیستموو ئەشکەنجەی و گۊشەگیریی ئیمراڵییوە هەنێ. بێگومان ماڕای سیستموو ئیمراڵی، ماڕای گۊشەگیرییەکان، ئەرەمرڎنای جەنگی و کوشتەی و ئەرەگیری، پێوەندییش بە هێزوو کۊشیای ژەناوە هەن. پەوکای وەراوەروو گۊشەگیرییەکاو سەروو ئیمراڵی و هجوومە ئەرەگیرییەکاو  سەروو وەرنیشتی و پارچەکای تەروو کورڎستانیوە، پێسە جمیەروو ژەنا دەسنیشانش کەرمێ، پەی مرڎنای هجوومەکا، مشۊم  هەڵوێستی ڕەواتا نیشانە بدەیدێ. تا ماڕای پەشتەو فاشیزمی. ئارۊ ڕۊو ئانەین کە مدرامانوو زیندانەکاو وەرنیشتی و کۊشیایی هامبەش گەورە کریۊ. ئێمە داوا وەنەو گەلەکەیما و تەماموو ژەنا کەرمێ، کە پەی پارێزنای دەسکەوتەکاو وەرنیشتی کۊشیایشا گەورەتەر کەرا.

ئانۍ کە ئارۊ بێدەنگێنۍ بەیانی پەشیمانۍ باوە

هجوومەکاو ئیساتۍ وەرەچەموو دنیێوە کریا، دەوڵەتوو تورکی فاشیستی کە گۊش بە هیچ یاسا، ڕێککەوتەی و پیمەرێوە میاننەتەوەیی مەدۊ، بۊنەو بێدەنگیی هێزە میاننەتەوەییەکاوە دەوڵەتوو تورکی بە بێباکانە هجوومەکاش کەرۊ. بێدەنگیی ئەرەمەرزیا و هێزە میاننەتەوەییەکا وەراوەروو هجوومەکاو ئاکەپە-مەهەپەینە داواکاریین پەی هجوومکەرڎەی. ئانۍ کە ئارۊ وەراوەروو ئا هجووماوە  بێدەنگێنۍ سەوای ڕووبەروو وێشا بۊوە. گرڎ یاگێنە هجەوم هەن و دژوو گەلوو کورڎیچ بەرڎەواما. گەلەکەما ڕوانە کوشیۊ سەرچەمەکاو ژیوایما دلێنە بەرا، دەوڵەتوو تورکی گەرەکشا ئا هەرمانۍ کە داعشی نیمە کەرڎە کورڎستاننە تەمامنۊش.  

ئا لایەنۍ کە پەنەشا موچیۊ ویژدانوو گەلی، بێدەنگییشا بۊ بایسوو ئانەی کە دەوڵەتی دەسەڵاتدار سەروو پایاو وێشۊ مەنۊ و بێباکانە هجوومۍ کەرۊ.

هەرپاسە ئێمە داوا وەنەو گەلوو کورڎی، ژەنا، پەشتیواناو کۊشیای ژەنا، هێزەکاو دژە سەرمایەداری و دۊسەکاما کەرمێ، کە خاوەنداری کەرا جە شۊرشوو وەرنیشتی، کە بییەن بە ڕۊشنای و هومێدوو ئینسانیەتی.  

داوا وەنەو ئەدایاو کورڎی، ژەنە گەنجا، ڕێکوزیایەکاو ژەنا و کەسایەتییە دیارەکا کەرمێ، کە وەراوەروو هجوومە ئەرەگیرییەکاو دەوڵەتوو تورکینە، کوشتەی ژەنا و عەقڵییەتوو پیاسالاریینە هەڵوێستوو وێشا نیشانە بدانێ. هەرپاسە داوا وەنەو ڕێکوزیایەکاو ژەنا وەرکەوتوو دلێڕاسەینە تەماموو جیهانینە کەرمێ، کە پەشتیوانی وەنەو کۊشیای حەقوو گەلوو کورڎی کەرا و پەرە بە ڕێکوستەی هامبەش، فکر و هێزوو چالاکی بدا."