کەژەکە مەبارەکبایی جەژنەو نەورۆزیش وەنەو تەمامو گەلو کوردستانی و کوردستانییاو بەرو وەڵاتی کەرد و داواشا وەنەو ژەنا کەردە، بە هەستیارییوە هەرمانەو وێشا بیاونا یاگێ و ژەنی سەرمەشقایەتی جە دماییئاردەی بە ئەرەگیرکاری و خەتەو نۆکەراشا بکەرا.
پەیامو کۆمەڵەو ژەناو کوردستان-کەژەکەی، لە ئاهەنگو مەبارەککەردەی جەژنەو نەورۆزینە بنارو قەندیلینە ونیاوە.
ئەوەڵو پەیامەکەو کەژەکەینە ئامابێ: جەژنەو نەورۆزی سەرکەوتەی ڕۆشنایین سەرو تاریکییرە، جەژنەو مەزڵومینە ملوو زاڵمەکارە، جەژنەو ئازادیی گەلە بندەسا جە شمە و تەمامو گەلو کوردی هەرچوارپارچەو کوردستانینە وەنەو کوردستانییاو بەرو وەڵاتی مەبارەکە بۆ، جە قەندیلو مەڵبەندو کۆشیای و گەشمەرداوە، جە کەسایەتیی زەکیە ئاڵکان، مەزڵوم دۆغان، رەهشان دەمیرەلێ. بێریڤان و ڕووناهییەکاوە کە بە ئاویرو جەسەیشا نەورۆزشا مانادارتەر کەرد، تەماموو گەشمەرداو ڕاو ئازادیی یادێ کەرمێوە و کەسایەتییشانە سەرەو ڕێزی و وەفاداریی وەراوەروو ئارامگاو تەماموو گەشمەردانە کۆمنمێرە.
ئاماژەیچشا دان، گردما شایەتێ هاوار و بانگو ٨و ئادارو ژەنا بێنمێ جە هەرچوارپارچەو کوردستانینە، کە پەی یاوای بە ئازادی و دماییئاردەی بە گردو تندوتیژی و کوشتەی و ئەرەگیرکاریێوە و بە بەشداری و چالاکییەکاشا سەرکەوتەی جۆشو نەورۆزیشا مسۆگەر کەرد، پەوکای ئیساتێنە پێسە ژەناو ئا جوگرافیایە بەتایبەت، کە پانیشتوو کوردستانینە، کە داراو ئەزموونی و کۆشیاێوە بێوێنەین، پێویسا وەراوەروو گردو پیلان و هجوومە ئەرەگیرکارییەکاو دەوڵەتو تورکی و هامکاریی نۆکەراشانە پێسە ژەنێ سەرمەشقایەتیی بکەرمێ.
ئاخرۆ بانگەوازشا وەنەو تەماموو ژەنا کەرد، کە بە هەستیاریێوە زیاتەرۆ هەرمانەو وێشا بیاونا یاگێ و پەی دماییئاردەی بە ئەرەگیرکاری و ماڕای خەتەو نۆکەرایەتی، کۆشیای هامبەش بەرزتەر بکەرمێ و پەی یۆبییەی نەتەوەیی ژەنا و سەرمەشقایەتییکەردەی ئی سەدەیە کە سەدەو ژەنێن، هەوڵەکاما جیددیتەر و زیاتەر وزمێ وەڵێ.
